यूहन्ना 15:10 - Sirmouri

¹⁰ जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

सिरमौरी नौवाँ नियम

¹⁰ जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

यूहन्ना 15:10 ပူးပေါင်းရင်းမြစ်များ

यूहन्ना 10:18

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

यूहन्ना 12:49

मुँऐं आप्णी तरफ शो किऐ ने बुली थंई, परह् मेरे बाबा ऐं! जिन्ऐं मुँह डेयाल़ी थुवा; तिन्ऐं ही मुँखे ऐजी अज्ञाँ देऐ थंऐ, के मुँह का बुल्णों पड़ो; अरह् केष्णों बुल्णों पड़ो?

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 14:21

सेजे जुण्जे मेरी अज्ञाँऐं माँनों, अरह् तिन्दे का पाल़्ण करह्; सेजै ही मुँह आरी प्यार करह्, अरह् जुण्जे मुँह आरी प्यार करह्; तिनू आरी बाबा प्यार करदा, अरह् हाँव भे तिनू आरी प्यार करदा; अरह् हाँव आपु आप्णें आप तेसी कैई पर्गट हंदा।”

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 14:31

संईसारी ऐजो जाँणीं पाँव, के हाँव बाबा आरी प्यार करू; अरह् ऐजा ही कारण असो, के हाँव तिनकी बादी अज्ञाँ का पाल़्ण करू; ऐबे: ‘बीऊँजो अरह् ईथै शे आगु चालो।’

यूहन्ना 17:4

जुण्जे काँम-काज़ तुँऐं मुँह कैई कर्णो खे देऐ थुऐ थिऐ, सेजे काँम-काज़ पुरे करियों; मुँऐं ईयों धर्त्ती गाशी तुवाँरी महाँ बड़ियाऐ करी थंऐ।

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 8:29

मुँह डेयाल़्णों वाल़ा, मेरी गंईलो असो; तिन्ऐं मुँह ऐक्ली ने छ़ूड़ी थंई, किन्देंखे के हाँव सदा सेजो ही करू; जिन्दें लई से बैजाऐ खुशी हों।”

यूहन्ना 8:55

तुँऐं तिनू जाँण्दें ने, परह् हाँव तिनू जाँणू ऐं: जे हाँव ऐजो बुल्दा के हाँव तिनू जाँण्दा ने; तअ हाँव भे तुओं जेष्णा झ़ूठा साबित हंऐ ज़ाँदा; परह् हाँव तिनकी बचन दा चालू।

1 कुरिन्थियों 7:19

ना तअ खतना किऐ आथी, अरह् ना खतने के बिना किऐ आथी; परह् पंणमिश्वर के अज्ञाँ माँन्णी ही सब-कुछ असो।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

2 पतरस 2:21

आछो तअ ऐजो थियों, के तिन कैई धार्मिक्त्ता की बाट का पता ही ने हंदा; ईन्देंखे शो आछो ऐजो थियों के से जाँणियों पबित्र-अज्ञाँ जुण्जी तिन कैई देऐ थऐ थी, तिन्दे शो से आप्णों मुँह ने मुढ़्दे;

1 यूहन्ना 2:3

पंण्मिश्वर के अज्ञाँ का पाल़्ण करणा ईयों बातो का प्रमाँण असो, के आँमें पंण्मिश्वर जाँणी संम्झी पाया।

1 यूहन्ना 2:5

परह् जू कुँऐं तिनके बचन दे चालो, तअ तैस्दो सोतिखे पंण्मिश्वर को पियार साचो हुओ। ईन्दी लई आँमें जाँणी पाँव, के आँमें तिन्दे बंसे अंदे असो:

1 यूहन्ना 2:6

जू कुँऐं ऐजो बुलो, के हाँव पंण्मिश्वर दा पाक्का असो, तअ तेसी प्रभू यीशू जैष्णाँ जीवन जीऊँणा पड़ो।

1 यूहन्ना 5:3

पंण्मिश्वर की अज्ञाँ का पाल़्ण करणा ही पंण्मिश्वर शो पियार कर्णों का परमाँण असो, परह् तिनकी अज्ञाँ कठींण ने आथी;

प्रकाशितवाक्य 22:14

“भागोईंत्त असो! सेजे जिन्ऐं आप्णें चाल-चल्ण के खोट्णों जिऐ धूई पाँऐ; किन्देंखे के से जीवन के डाल़ो के हंकदार, अरह् से कुवाड़ो बाटी सुऐं करियों तेसी नंगर दे हाजीर हंदें।