यूहन्ना 15:1 - Sirmouri

¹ “हाँव साच्ची दाख्ह की बैल असो; अरह् मेरा बाबा जींम्मदार असो।

सिरमौरी नौवाँ नियम

¹ “साची बाल हांव औसौ; औरौ मैरा पिता पौरमेशवर किसान औसौ।

यूहन्ना 15:1 ပူးပေါင်းရင်းမြစ်များ

मत्ती 15:13

प्रभू यीशू ऐं तिनखे जबाब दिता, “ऐक नाँम पौधा जुण्जा मेरे स्वर्गो के पिता ऐ ने लाऐ थई, सेजो ऊडो ऊपाड़ो ज़ादों।

मत्ती 20:1

“स्वर्गो को राज्य जींम्मीं के माँलिक जेष्णों असो, जुण्जा झ़ीषो भेंयाँसरोह् दा नींक्ल़ा, के आप्णी दाख्ह-अंगुरोह् के खेचौ दे धियाड़ूवा लाऊँ।”

मत्ती 21:33

“ऐक ऊको अनाँणों शुणों: ऐक घर का मालिक थिया, जेने दाख्ह-अंगूरोह् को खैच़ लाओं, अरह् खेच़ौ के चौऊँ ढबे बाढ़ लाया, तिन्दा ऐक कुवाँ खुणाँ, अरह् रंस निकाल़्णों खे खंह्ल़ा अरह् खंह्ल़े शी ऊँदी कुँऐं खे पणाँव-नाँल़ी भे बाँणीं, अरह् सेजो खैच़ ऐकी जींम्दारो कैई अध्याल़ी दो देऐयों आपु कोसी ओकी प्रदेश दा हुटा।

मरकुस 12:1

प्रभू यीशू अनाँणे दी बातो कर्दे लागे: अरह् ऐक अनाँणों ईथे देऐ थो, के “कोसी आदमी के ऐक दाख्ह्-अंगूरोह् को खैच़ थियो, तिन्ऐ चौऊँ ढबे बाड़ लाया, अरह् रंस खे कूँवा नींगुवा खुणाँ, अरह् ऐक जगवाल़ी कर्णो खे ऊगला होड़ा बाँणा, अरह् सेजो खैच़ तेने जिंम्दारों कैई अध्याल़ी दो दितो, अरह् आपु प्रदेश खे हुटा।

लूका 13:6

तबे प्रभू यीशू ऐ ऐजो अनाँणों दितो: के “कोसी आदमी के अंगूर-दाख्ह का बागो दा ऐक तेर्मोंल़ी का डाल़ थिया; अरह् से तियों तेर्मोंल़े के डाल़ो दा फल़ जुह्दा हुटा; परह् तेसी तियों तेर्मोंल़ी की डाल़ी दा ऐक भे फल़ के दाँणा ने भेटी।

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

यूहन्ना 1:9

सेजी साच्ची ज्योत्ति-प्रकाष, ऐक नाँम आदमी प्रकाषित्त-माँन करी दियों; सेजी ही ज्योत्ति-प्रकाष संईसारी दी आँणों वाल़ी थी।

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

यूहन्ना 6:32

प्रभू यीशू ऐ तिनखे जबाब दिता, “हाँव तुँओं खे खास बात बुलू: के ऋषी-मूसा ऐ तुँओं खे स्वर्गो शी रोटी ने दिती थी; परह् मेरी बाबा ऐ तुओं खे स्वर्गो शी साच्ची रोटी देऐ लई।

यूहन्ना 6:55

किन्देंखे के मेरी देह्-शरीर साच्चा भोजन असो, अरह् मेरो लह्ऊँ खास करियों पींणों के चींज असो।

रोमियों 11:17

जे किऐं डाल़ी च़ूड़ियों ज़ई करी थंई, अरह् तुँऐं लोग जू बाड़ूई तेरमोंल़ी जेष्णें असो, अरह् जे तुँवारी तिनू डाल़ी के जागें दी कलंम लाईली, जू तुँऐं भे तेरमोंल़ी के पाचै तेरमोंल़ों के हिस्सेदार बंणों।

1 कुरिन्थियों 3:9

किन्देंखे के आँमें तअ पंणमिश्वर आरी साथी काँम-काज़ कर्णो वाल़े असो, अरह् तुँऐं पंणमिश्वर की खेत्ती अरह् पंणमिश्वर की देऊँठी असो।

1 यूहन्ना 2:8

तबे भे हाँव तुँओं खे नंऐं अज्ञाँ लिखू, अरह् ऐ तिन्दी अरह् तुँओं दी साची बंण्दी; किन्देंखे के ईनाँरो खत्त्म होंदो, अरह् सच्चाई का प्रकाष ऐबे चम्कोंदा लागा।