यूहन्ना 14:24 - Sirmouri

²⁴ जुण्जा मुँह शो प्यार ने करला, से मेरे बचन का पाल़्ण ने करदा; अरह् जुण्जे बचन तुँऐं शुणों, सेजे बचन मेरे ने, परह् तेसी बाबा के असो; जिन्ऐं मुँह डेयाल़ी थुवा।

सिरमौरी नौवाँ नियम

²⁴ जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”

यूहन्ना 14:24 ပူးပေါင်းရင်းမြစ်များ

मत्ती 19:21

प्रभू यीशू ऐ तेस्खे बुलो, “जे तू हर बातो दा साचा-पाका बंण्णों चहाँऐं, तअ ज़ा, आप्णों सब-कुछ बीकियों कंगाल-गरीबों खे दे, अरह् मुँह पाछी आ, तबे ताँव्खे स्वर्गो दो धंन भेट्लो।”

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 14:25

“तुवाँरी गंईलो रंह्ऐयों, मुँऐ ऐजी साच्ची बातो तुओं कैई आगे ही बुली थंई।

यूहन्ना 3:11

हाँव ताँव्खे ऐक खास बात बुलू: के आँमें जुण्जो जाँणों ऐ सेजो ही बुलो; अरह् आँमें जुण्जो देखी थो, तिन्दे के ही आँमें गुवाऐ-शाज़्त्त दियों; परह् तुँऐं लोग अमाँरी गुवाऐ-शाज़्त्त माँन्दे ने।

यूहन्ना 3:34

किन्देंखे के जेसी पंण्मिश्वर ऐ डेयाल़ी थुवा, से पंण्मिश्वर की ही बातो बुलो; किन्देंखे के पंण्मिश्वर आत्त्मा नाँपी-तोलियों ने देंदे।

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 5:38

तिनका बचन तुवाँरे सासो दा पाक्का ने बऐठी सकी, किन्देंखे के तुऐ तेसी गाशी बिश्वाष ने कर्दे, जेसी तिन्ऐं डेयाल़ी थुवा थिया।

यूहन्ना 7:16

प्रभू यीशू ऐ तिनखे जबाब दिता, “मेरी शिक्क्षा मेरी ने आथी; परह् तिनकी शिक्क्षा असो, जिन्ऐं मुँह डेयाल़ी थुवा।

यूहन्ना 7:28

प्रभू यीशू ऐ देऊँठी दी शिक्षा देंदे जुराल़ो बुलो; “तुँऐं मुँह जाँणोंऐं, अरह् ऐजो भे जाँणों ऐ, के हाँव केथै का असो। अरह् हाँव आप्णें आप ने आऐ रंई, परह् मुँह डेयाल़्णों वाल़ा साच्चा असो, परह् तुऐं तेसी जाँण्दें ने।

यूहन्ना 8:26

तुवाँरे बारे दो मेरे भह्त्त-कुछ बुल्णों, अरह् ऐजा फ़हऐस्ला करणाँ; के हाँव बादी संईसारी खे सेजो ही बुलू; जुण्जों मुँऐ आप्णें डेयाल़्णों वाल़े कैई शो शुँणीं थों; किन्देंखे के मुँह डेयाल़्णों वाल़ा साच्चा बिश्वाष ज़ूगा असो।”

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

यूहन्ना 8:38

मुँऐं सेजो ही बुली लो, जुण्जों मुँऐ साक्षात आप्णें बाबा कर्दे देखी थो, परह् तुँऐं सेजो ही करह्, जुण्जों तुँऐं आप्णें बाबा कैई शो शुँणीं थों।”

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।