यूहन्ना 14:2 - Sirmouri

² मेरे बाबा के घरह् दे बैजाऐ रंहणों की जागा असो, जे हंदी ने; तअ हाँव तुँओं कैई आगे ही बुली देंदा, अरह् हाँव तुओं खे जागा तियार करदा ज़ाँदा लागा।

सिरमौरी नौवाँ नियम

² मैरै पिता पौरमेशवर कै घोरे रौणौ कारिए बौहितै ठाँव औसौ, जै ना हौंदै तौ हांव तुऔं खै बौल़ै दैन्‍दा, जिथुकै हांव तुऔं कारिए ठाँव तैयार कौरदा चालै रौआ।

यूहन्ना 14:2 ပူးပေါင်းရင်းမြစ်များ

लूका 14:22

तबे तिनू दासे ऐ हजो बुलो, के ‘हे माँलिक जेष्णों तुँऐं बुलो, आँमें तेष्णों ही कोरो, परह् ईथै तअ हजो भे जागा बंची रंऐ।’

यूहन्ना 13:33

हे, बालकों, हाँव थोड़ी ही देर खे हजो तुवाँरी गंईलो असो; हजो तुऐं मुँह जुह्ले, अरह् जेष्णों मुँऐं यहूदी अगवाल़ों खे बुलो थियो; तेष्णों ही हाँव तुँओं खे भे बुलू, के ‘जेथै हाँव ज़ाँदा लागा, तेथै तुँऐं ने आऐ सक्दे’;

यूहन्ना 13:36

शमौन पतरस ऐ तिनखे बुलो, “हे प्रभू! तुँऐं केथै ज़ाँदे लागे?” प्रभू यीशू ऐ तेस्खे जबाब दिता, “हाँव जेथै ज़ादा लागा, तेथै तू हेभी मुँह पाछी ने आऐ सक्दा; परह् कुछ़ बख्त्तो पाछी तू भी मुँह ही पाछी आँईदा।”

यूहन्ना 14:28

तुँऐं मुँह ऐजो बुल्दे शुँणा, के ‘हाँव ज़ादा लागा, अरह् हजो पाछु तुओं कैई आऊँबा।’ जे तुँऐं मुँह आरी प्यार कर्दे, तअ ईयों बातो शुँणियों बैजाऐ खुशी हंदे; किन्देंखे के हाँव बाबा कैई ज़ाँदा लागा, जुण्जे के मुँह शे बैजाऐ महाँन बड़े असो।

यूहन्ना 16:4

परह् मुँऐं ऐजी संच्चाऐ तुँओं कैई ईन्देंखे बुली, के जबे ऐजो सब हंदो लागलो; तअ तुवाँरे ऐजो चींत्ते आँव, के ईन्देके बारे दो मुँऐ तुओं कैई आगे ही बुली थो थियों; “मुँऐ ऐजो तुओं कैई शुरूवात्त दो ईन्देंखे ने बुली थोंह्, के तेसी बंख्त्ते हाँव आपु तुवाँरी गंईलो थिया।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

2 कुरिन्थियों 5:1

किन्देंखे के आँमें जाँणों ऐ, के अमाँरो धर्ती गाशी डेरा जिया घर ऊदा ढाल़ी देईदा, तअ आँमों खे पंण्मिश्वर की ढबे शो ऐक ऐशो भवन स्वर्गो दो भेट्दो जू हाथो शो बंणाँव घर ने आथी, परह् हमेशा को घर असो।

1 थिस्सलुनीकियों 5:9

किन्देंखे के पंण्मिश्वर आँमों सजा देणों खे ने, परह् अमाँरे प्रभू यीशू के जाँणें मुँक्त्ति पाँणों खे बंणाऐं थुऐ।

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

इब्रानियों 11:10

तिनकी नंजर तेसी तेथै के नंगर के ढंबै थी, जिन्दें का बंणाँणों वाल़ा पंण्मिश्वर असो।

इब्रानियों 13:14

किन्देंखे के ईथै अमाँरा किऐ अट्ल़ नंगर ने आथी, परह् आँमें तअ तेसी नंगर की बाट जूई लऐ, जू आणों वाल़ा असो।

इब्रानियों 6:20

जेथै प्रभू यीशू मलिकीसिदक के जेष्णाँ सदा खे महाँ-याजक बंणियों, आँमों खे अगवाल़ के रूप दे हाजीर हऐ रूऐ।

इब्रानियों 9:8

ईन्दें लई पबित्र-आत्त्मा ऐजो ही देखाँव, के जाँव तोड़ी आगला ताँम्बू खह्ड़ा असो, ताँव-तोड़ी बैजाऐ पबित्र जागा के बाट् खुह्ली ने हंदी।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 21:2

तबे मुँऐं पबित्र नंगरी नंऐं यरूशलेम पंण्मिश्वर कैई शी, मतल्व स्वर्गो शे ऊँदे आँदे जेष्णीं कुँऐ दुल्हन आप्णें दुल्हें खे सजी-धजियों बिना कल़क के आँव तेष्णीं देखी।

प्रकाशितवाक्य 3:12

जू जींत्ती ज़ाँव तेसी हाँव आप्णें पंण्मिश्वर की देऊँठी दा ऐक खँम्बा बंणाँऊबा, अरह् से कद्दी भे बाऐर ने नींकल़्ला; अरह् हाँव आप्णे पंण्मिश्वर को नाँव अरह् आप्णे पंण्मिश्वर के नंगर, मतल्व नुऐं यरूशलेम को नाँव, जू मेरे पंण्मिश्वर कैई शो स्वर्गो शो ऊँदो आऐ रूवों, अरह् आप्णों नुंवों नाँव तिन्दो लिखूबा।

प्रकाशितवाक्य 3:21

जू जींत्ती ज़ाव, हाँव तेसी आप्णी गईलो सिंगाँस्हणों गाशी बईठाल़ूबा, जेष्णाँ हाँव भे जींतियों आप्णे बाबा की गईलो सिंगाँस्हणों गाशी बऐठी गुवा।