यूहन्ना 14:17 - Sirmouri

¹⁷ सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

सिरमौरी नौवाँ नियम

¹⁷ सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:17 ပူးပေါင်းရင်းမြစ်များ

मत्ती 10:20

किन्देखे के बुल्णों वाल़े, तुँऐं ने, परह् तुवाँरे स्वर्गो के पिता के आत्त्मा तुवाँरे जाँणें शब्द बुल्दा।”

यूहन्ना 14:16

हाँव बाबा कैई ऐजी अरज़ करूबा, अरह् से तुँओं खे ऐक मदत्तगार देला, जुण्जा संदा काल तोड़ी तुवाँरी गईलो रंह्ला।

यूहन्ना 14:23

प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 15:26

“परह् जबे सेजा मद्त्तगार मंतल्व सच्चाई की आत्त्मा आली, जियों हाँव तुओं खे बाबा कैई शी डेयाल़ूबा; तअ से मेरे बारे दी गुवाऐ-शाज़्त्त देली;

यूहन्ना 16:13

जबे सेजा मंद्त्तगार, मतल्व सच्चाई की आत्त्माँ आली; तअ से पुरी सच्चाई दी, तुओं खे बाट लाँह्दी; से आप्णीं तरफ़ शो किऐ ने बुल्दी, परह् से सेजो ही बुल्दी; जुण्जो से शुँण्ली, से तुवाँरी ताँईऐ आँणों वाल़ी घट्णाँ पर्गट कंरियों तुवाँरे संहाँम्णें आँण्लीं।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

1 कुरिन्थियों 14:15

तबे: का कर्णो पड़ो? हाँव आत्त्मा शी भे प्रार्थना करूबा, अरह् आप्णी बुद्धी-सम्झ शी भे प्रार्थना करूबा; अरह् हाँव आत्त्मा शो गाऊँबा, अरह् आप्णी बुद्धी-सम्झ शो भे गाऊँबा।

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 6:19

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

2 कुरिन्थियों 13:5

आपु-आप्खे जाँच्चो-पर्खो के तुँऐं बिश्वाष दे असो ऐ के आथी ने। आपु-आप्खे जाँच्चो-पर्खो। कियो तुँऐं आप्णें बारे दो ऐजो जाँण्दें ने, के यीशू मसीया तुँओं दे असो? ना तअ तुँऐं जाँच्च-परख दे नि-काँम्में निक्ल़ी रूऐ।

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

गलातियौं 4:6

अरह् तबे तुँऐं जू पंण्मिश्वर के बैटे असो, ईन्देंखे पंण्मिश्वर ऐ तुवाँरे सासो दी बैटे की आत्त्मा देऐ थऐ; जू तुँऐं “हे अब्बा, हे बाबा” करियों बुली सको।

इफिसियों 2:22

अरह् तिनही के जाँणें तुँऐं लोग भे पबित्र-आत्त्मा दे पंण्मिश्वर खे ऐक रंहणों की जागा बंणों।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

2 तीमुथियुस 1:14

पबित्र-आत्त्मा के कारण, जिनका आँमों दा बास असो, तियों पबित्र-आत्त्मा की मंद्दत्त शी जुण्जी अंनमोंल खुष्खबरी तुओं कैई देऐ थंऐ, तिन्दें की आच्छ़ी रंख्वाल़ी करे।

1 यूहन्ना 2:27

परह् तुवाँरा राज तिलक जुण्जा तिनके जाँणें करा गुवा, सेजा तुँओं दा पाक्का अट्ल़ रंह; अरह् तेसी राज तिलक के असर लई, ऐजो जरूरी असो, के कुँऐ तुँओं खे किऐ ओकी शिक्क्षा ने दियों; किन्देंखे के जुण्जी शिक्क्षा तुँओं खे देऐ थऐ, अरह् जुण्जो तुँओं कैई शो शिखाऐ थो; सेजो साच्चो असो, अरह् तुँऐं तियों ही शिक्क्षा के मुँताबिक मसीया दे पाके अट्ल़ रंह।

1 यूहन्ना 3:24

जुण्जा तिनकी अज्ञाँ का पाल़्ण करह्, से तिन्दा पाक्का अट्ल़ रंह्: अरह् तैस्दा पंण्मिश्वर बसा अंदा रंह्; ईन्दें का पता आँमों कैई पबित्र-आत्त्मा के जाँणें लागो, जुण्जी पबित्र-आत्त्मा आँमों खे पंण्मिश्वर देऐ थऐ।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

1 यूहन्ना 4:6

आँमें पंण्मिश्वर के असो, अरह् जुण्जे कुँऐं पंण्मिश्वर जाँणों, से अमाँरी शुणो; परह् जुण्जें कुँऐं पंण्मिश्वर ने जाँण्दें, से अमाँरी भे शुण्दें ने। ईन्दी ही लई आँमें साच्ची अरह् झुठी आत्त्मा की पछ़याँण करी सको।

1 यूहन्ना 5:7

सच्चाऐ तअ ऐजी असो, के गुवाह्-शाज़्त च़ींन असो:

प्रकाशितवाक्य 2:17

जिनके काँन हों, से शुँणी पाँव, के पबित्र-आत्त्मा कलीसियाओं खे का बुलो। के जू जींत्ती ज़ाँव, तिन्खे हाँव चुप्पी के मंन्ना मुँझ्शो देऊँबा, अरह् तैस्खे ऐक चीटा पात्त्थर भे देऊँबा; अरह् तेसी पात्त्थर गाशी ऐक नुंवों नाँव लिखो अंदो हलो, तेसी पात्त्थर भेंट्णों वाल़े के सुवाऐ ओका कुँऐं ने जाँण्ला।