यूहन्ना 14:13 - Sirmouri

¹³ मेरे नाँव शो तुऐ जुण्जो किऐं माँगले, हाँव सेजो पुरो करूबा; जिन्दें लई बैटे के जाँणें, बाबा के बड़ियाऐ पर्गट हों।

सिरमौरी नौवाँ नियम

¹³ औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव।

यूहन्ना 14:13 ပူးပေါင်းရင်းမြစ်များ

मत्ती 21:22

अरह् जुण्जो किऐ तुँऐं प्रार्थना दो बिश्वाष शो माँगले सेजो सब तुँओं खे भेट्लो।”

मत्ती 7:7

“माँगो, तअ तुँओं खे दियों ज़ालो; जुह्ले तअ तुँओं भेंट्लो, ठक-ठकाले, तअ तुँओं खे ऊडो खुल्ल़ों ज़ालो।

मरकुस 11:24

ईन्देंखे हाँव तुँओं खे बुलू, के जू किऐ तुँऐं प्रार्थना करियों माँगो, अरह् बिश्वाष करह्, के जुण्जो हाँव बुलबा सेजो ही हंदो, तअ तेस्खे तेष्णों ही हलो।

लूका 11:9

हाँव तुँओं खे ऐशो बुलू, के माँगो, तअ तुँओं खे दियो ज़ालो; अरह् जुह्ले तअ तुओं भेट्लो; अरह् जे तुँऐं खट-ख्टाले तअ तुँओं खे दुवार ऊडो खुलो ज़ालो।

यूहन्ना 10:30

‘हाँव अरह् बाबा ऐक जीऊँ असो।’”

यूहन्ना 12:44

प्रभू यीशू ऐ धुवाऐयों बुलो, “जुण्जा कुँऐ मुँह गाशी बिश्वाष करह्, से मुँह्दा ने परह् मेरे डेयाल़्णों वाल़े गाशी बिश्वाष करह्।

यूहन्ना 13:31

यहूदा इस्करियोती के बाँईडे ज़ाँणों गाशी, प्रभू यीशू ऐं बुलो: “ऐबे आदमी के बैटे की बड़ियाऐ हंदी; अरह् तेस्के ही जाँणें पंण्मिश्वर की बड़ियाऐ हंदी।

यूहन्ना 14:14

जे तुऐ किऐ मेरे नाँव शो माँगले, तअ हाँव सेजो पुरो करूबा।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:7

जे तुँऐं मुँह्दे पाक्कै बंणें अंदे रंह्, अरह् मेरे बचन के शिक्षा तुँओं दी बंसी अंदी रंह्; तअ भाँव तुँऐं किऐ भे माँगों, तअ सेजी तुवाँरी माँग पुरी करी ज़ाँली।

यूहन्ना 16:23

तेसी देसे तुँऐं मुँह कैई शा किऐ सुवाल ने पुछ़्ले। हाँव तुँओं खे ऐक खास बात बुलू: के जे तुऐ मेरे नाँव शो बाबा कैई शो किऐ माँगले, तअ से तुओं खे मेरे नाँव शो देंऐ देले।

यूहन्ना 16:26

तेसी देसे तुँऐं आपु मेरे नाँव शो बाबा कैई शो माँगले; मुँऐ ऐजो ने बुली लई, के मुँह ही तुवाँरे तरफ़ शी बाबा कैई अरज कर्णी पड़्ली।

यूहन्ना 16:7

तबे भे संच्चाऐ तअ ऐजी असो, के मेरो ज़ाँणों तुवाँरी ताँईऐ फ़ाय्देंबंन्द असो; किन्देंखे के जे हाँव ने ज़ाँऊँबा, तअ सेजा मंद्त्तगार मतल्व पबित्र-आत्त्माँ तुओं कैई ने आँदी; परह् जे हाँव ज़ाँऊबा, तअ हाँव तेसी पबित्र-आत्त्मा तुँओं कैई डेयाल़ी देऊँबा।

यूहन्ना 4:10

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 7:37

मेल़ै के आखरी, अरह् खास देसे, प्रभू यीशू खह्ड़े हुऐ; अरह् तिन्ऐं जुराल़ो बुलो, “जे कुँऐ च़ीषा असो, तअ से मुँह कैई आँव, अरह् ऐजो जीवन को जल मुँह कैई शो पीयों।

1 कुरिन्थियों 14:13

ईन्देंखे जे कुँऐं अंण-जाँण भाषा बुलो, तअ से प्रार्थना करह्, के से तियों अंण-जाँण भाषा का अनुबाद करियों मतल्व भे सम्झाऐ सको।

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

इफिसियों 3:12

आँमें प्रभू यीशू मसीया गाशी बिश्वाष करह्, अरह् तबे ही आँमें पुरे भूर्षें आरी, बै-झिझ्क हऐयों पंण्मिश्वर कैई ज़ाँव।

इफिसियों 3:14

हाँव ईन्दी के ताँईऐं तेसी परमं-पिता पंण्मिश्वर के साम्णें घुन्डू नुवाँऊ,

फिलिप्पियों 4:13

जू मुँखे तागत दियों, तिन्दे खे हाँव सब-कुछ करी सकू।

कुलुस्सियों 3:17

तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

इब्रानियों 13:15

तअ: आओ आँमें प्रभू यीशू के कारण पंण्मिश्वर खे सतुत्ति रूपी बल़ीदाँण मतल्व तिनके नाँव की बड़ियाऐं करणों वाल़े ओठों का फल़ हमेशा चड़ाँदे रंह्।

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

याकूब 5:16

आछो तअ ऐजो असो, के तुऐं आप्णें पाप आपु ओका ओकी के साम्णें माँनी पाँव, अरह् ओका ओकी खे प्रार्थना करह्, जिन्दें लई तुँऐं हजो चाँगै हऐ ज़ाँव, किन्देंखे के धर्मी जंण की प्रार्थना की शक्त्ति लई सब-कुछ हों।

1 पतरस 2:5

तुँऐं भे जीऊँदें पाथरो जेष्णें बंणों, के आत्त्मिक देऊँठी के जेष्णें बंणाऐं ज़ाव; जू ऐक ऐशा पबित्र याजकों का समाज बंणियों सेवा करी सको, जिनका फर्ज ऐशे ऐशे आत्त्मिक बल़ीदाँण चढा़ऐया करह्, जू प्रभू यीशू मसीया के जाँणें पंणमिश्वरो के भाँव।

1 यूहन्ना 3:22

तअ जबे आँमें तिन कैई शी, बिनती करह्, तअ तिन कैई शो आँमों भेटी ज़ाँव; किन्देंखे के आँमें तिनकी अज्ञाँ का पाल़्ण करह्; अरह् तिनकी हिछ़या के मुँताबिक आप्णा सभाव थंह्।

1 यूहन्ना 5:14

पंण्मिश्वर के बारे दा अमाँरा बिश्वाष ऐजा असो: के जबे आँमें तिनकी हिछ़या के मुताबिक किऐ बिनती ढाल-अरज करह्; तअ से बैटे के नाँव शी शुणी पाँव।