यूहन्ना 14:11 - Sirmouri

¹¹ मेरा ऐजा बिश्वाष करह्, के हाँव बाबा दा असो; अरह् बाबा मुँह्दा बंसा अंदा असो, ना तअ तबे मेरे करे अँदे चींह्न-चंम्त्तकार गाशी ही बिश्वाष करह्।

सिरमौरी नौवाँ नियम

¹¹ मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”

यूहन्ना 14:11 ပူးပေါင်းရင်းမြစ်များ

यूहन्ना 10:25

प्रभू यीशू ऐ तिनखे जबाब दिता, “मुँऐं तअ तुँओं कैई बुली थो; परह् तुँऐं आपु ही बिश्वाष ने कर्दे! बादे काँम-काज़ जुण्जे हाँव आप्णें बाबा के नाँव शे करू; से ही मेरी गुवाऐ-शाज़्त्त दियों।

यूहन्ना 10:32

प्रभू यीशू ऐ तिन कैई शा ऐक सुवाल पुछ़ा, “मुँऐ आप्णें बाबा की तरफ शे तुवाँरे सहाँम्णें कंऐयों भले काँम-काज़ करे; तबे तुँऐं कंसी काँम-काज़ की ताँईऐं मुँह गाशी पंथराँच़ कर्णीं चहाँव?”

यूहन्ना 10:38

जे मुँऐ ऐजे काँम-काँज़ करी लुऐ, तअ तुऐ भाँव मुँह्दा बिश्वाष भी ने करह्; तबे भे ईनू भले काँम-काज़ दा तअ बिश्वाष करह्, जिन्दें लई तुँऐ ऐजो जाँणीं पाव, अरह् संहम्झी पाव; के बाबा मुँह्दा असो, अरह् हाँव बाबा दा असो।”

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 5:36

परह् मुँह कैई जुण्जी गुवाऐ-शाज़्त्त असो, सेजी गुवाऐ-शाज़्त्त संत्त-यूहन्ना की गुवाई-शाज़्त शी भे बड़ी असो: किन्देंखे के जुण्जे काँम-काज़ बाबा ऐं मुँह कैई पुरे कर्णों खे देऐ थुऐ थिऐ; सेजे ही काँम-काज़ मेरे बारे दी गुवाऐ-शाज़्त्त दियों, के मुँह बाबा ऐं डेयाल़ी थुवा।

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

इब्रानियों 2:4

ईन्देंके सुवाऐ पंण्मिश्वर ऐ चींह्न-चंम्त्तकार अरह् आप्णी कंई-किस्मं के अनोंख्हें काँमों के कारण: अरह् आप्णीं हिछ़या के मुँताबिक देऐ गंऐ पबित्र-आत्त्मा के तागत्त के कारण भी ईन्देंके घोष्णाँ करी थंऐ।