यूहन्ना 14:10 - Sirmouri

¹⁰ कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

सिरमौरी नौवाँ नियम

¹⁰ हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए।

यूहन्ना 14:10 ပူးပေါင်းရင်းမြစ်များ

यूहन्ना 10:30

‘हाँव अरह् बाबा ऐक जीऊँ असो।’”

यूहन्ना 10:38

जे मुँऐ ऐजे काँम-काँज़ करी लुऐ, तअ तुऐ भाँव मुँह्दा बिश्वाष भी ने करह्; तबे भे ईनू भले काँम-काज़ दा तअ बिश्वाष करह्, जिन्दें लई तुँऐ ऐजो जाँणीं पाव, अरह् संहम्झी पाव; के बाबा मुँह्दा असो, अरह् हाँव बाबा दा असो।”

यूहन्ना 11:26

अरह् जुण्जा कुँऐं आदमी जींऊँदा असो, अरह् से मुँह्दा बिश्वाष करह्; से कोदी ने मँर्दी; कियों तू ईयों बातो दा बिश्वाष करे ऐ?”

यूहन्ना 12:49

मुँऐं आप्णी तरफ शो किऐ ने बुली थंई, परह् मेरे बाबा ऐं! जिन्ऐं मुँह डेयाल़ी थुवा; तिन्ऐं ही मुँखे ऐजी अज्ञाँ देऐ थंऐ, के मुँह का बुल्णों पड़ो; अरह् केष्णों बुल्णों पड़ो?

यूहन्ना 14:11

मेरा ऐजा बिश्वाष करह्, के हाँव बाबा दा असो; अरह् बाबा मुँह्दा बंसा अंदा असो, ना तअ तबे मेरे करे अँदे चींह्न-चंम्त्तकार गाशी ही बिश्वाष करह्।

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 14:24

जुण्जा मुँह शो प्यार ने करला, से मेरे बचन का पाल़्ण ने करदा; अरह् जुण्जे बचन तुँऐं शुणों, सेजे बचन मेरे ने, परह् तेसी बाबा के असो; जिन्ऐं मुँह डेयाल़ी थुवा।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 5:17

प्रभू यीशू ऐ तिनखे जबाब दिता, “मेरा बाबा हेभी तोड़ी आप्णें काँम-काज़ करदा रंह्; अरह् हाँव भे काँम-काज़ करू।”

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 7:16

प्रभू यीशू ऐ तिनखे जबाब दिता, “मेरी शिक्क्षा मेरी ने आथी; परह् तिनकी शिक्क्षा असो, जिन्ऐं मुँह डेयाल़ी थुवा।

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

यूहन्ना 8:38

मुँऐं सेजो ही बुली लो, जुण्जों मुँऐ साक्षात आप्णें बाबा कर्दे देखी थो, परह् तुँऐं सेजो ही करह्, जुण्जों तुँऐं आप्णें बाबा कैई शो शुँणीं थों।”

यूहन्ना 8:40

तुँऐं मेरी हंत्त्या कर्णीं चहाँव, मेरी, जेने पंण्मिश्वर कैई शी भेंटी अंदी सच्चाऐ तुओं कैई बुली थंऐ; परह् बाबा अब्राहम तअ ऐष्णों करी ने थीं।

प्रेरितो कै काम 10:38

पंण्मिश्वर ऐ तिनू ही नाँसरत गाँव के यीशू पबित्र-आत्त्मा अरह् शक्त्ति शे अभिषिक्त्त करे गुऐ; अरह् से घूम्मी-फीरियों भलाई कर्दे रूऐ; अरह् शैतान के सताँऐ अंदे लोग चाँग्गै करदा रूऐ; किन्देंखे के पंण्मिश्वर तिनकी गईलो आपु थिऐ।

2 कुरिन्थियों 5:19

अमाँरी खुषख्बरी ऐजी असो, के पंण्मिश्वर लोगो के पाप अंनदे:खे करियों यीशू मसीया के बल़ीदाँण के जाँणें, तिनू आपु आरी मिलाऐं दिते, तिनके पाप माँफ करे; अरह् मिलाप कराँणों वाल़ा बचन आँमों कैई दिता।

कुलुस्सियों 1:19

किन्देंखे के पिता की खुशी ईन्दी असो, के तिनदी ही बादी भरपुरी बास करह्;

कुलुस्सियों 2:9

पंण्मिश्वर की बादी भरपुरी जुण्जी के मसीया दा देह्-शरीर दा रूप धारंण करियों सदा बास करह्;

1 यूहन्ना 5:7

सच्चाऐ तअ ऐजी असो, के गुवाह्-शाज़्त च़ींन असो: