यूहन्ना 14:1 - Sirmouri

¹ “तुँऐ आप्णाँ मंन ब्याकुल ने हंणों दियों, जे तुऐ पंण्मिश्वर गाशी बिश्वाष करह्; तअ मुँह गाशी भे बिश्वाष करह्।

सिरमौरी नौवाँ नियम

¹ यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ।

यूहन्ना 14:1 ပူးပေါင်းရင်းမြစ်များ

यूहन्ना 11:33

प्रभू यीशू मरियम अरह् तियाँरी गईलो आऐं अंदें यहूदी लोग रूँदे देखियों, से आत्त्मा दे बैजाऐ ऊदास अरह् ब्याकुल हुऐ, अरह् लाँम्बी साँस लंऐयों तिन्ऐं शुष्कार छ़ुड़ा।

यूहन्ना 12:27

“ऐबे मेरी आत्त्मा ब्याकुल असो, हाँव का बुलू? के ‘हे बाबा! मुँह ईयों ओब्ली शा बंचाऐ दियों?’ परह् ऐसी ही कारण शा तअ हाँव ईथै तोड़ी पंह्ऊँची रूवा।

यूहन्ना 12:44

प्रभू यीशू ऐ धुवाऐयों बुलो, “जुण्जा कुँऐ मुँह गाशी बिश्वाष करह्, से मुँह्दा ने परह् मेरे डेयाल़्णों वाल़े गाशी बिश्वाष करह्।

यूहन्ना 13:19

ऐजी सब घट्णाँ घट्णों शो आगे ही मुँऐ तुओं कैई बुली लो, के जबे ऐजी घट्णाँ घटी ज़ाँव; तअ तुँऐं बिश्वाष करह्, के ‘हाँव मसीया असो।’

यूहन्ना 16:24

हेभी तोड़ी तुँऐं मेरे नाँव शो बाबा कैई शो किऐ ने माँगी थई; माँगो, तअ तुँओं खे जरूर भेंट्लो, जिन्दें लंई तुवाँरी खुशी-आँनन्द पुरी हली।

यूहन्ना 16:3

से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 16:6

परह् मुँऐं जू ऐजी बातो तुओं कैई बुली, ईनू बातो शुँणियों तुवाँरा मंन शोक-दु:ख्ह शा भरी गुवा।

यूहन्ना 5:23

जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

2 कुरिन्थियों 2:7

ईन्दें शो भलों ऐजो असो, के तैस्के अपराध माफ करह्, अरह् शाँन्ति दियों, ना की ऐष्णा आदमी बैजाऐ ऊदासी दा डूब्बी ज़ाँव।

इफिसियों 1:15

प्रभू यीशू गाशी तुवाँरा बिश्वाष अरह् सोभी भगत्तो के बारे दा तुवाँरे प्यार के बारे दो शुँणी थुओ, हाँव तुवाँरे जाँणें पंण्मिश्वर का धन्बाद देदा रंऊँ;

2 थिस्सलुनीकियों 2:2

के कोसी आत्त्मा के बचन के कोसी पंत्री के जाँणें, जुणजी के अमाँरी ढबै शी जेऐ हों; ऐजो जाँणियों के प्रभू को देस आऐ पुझ़ों; ईन्दें लंई तुवाँरा मंन डामाँडोल ने हों, अरह् ना तुऐ डरह्।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।