यूहन्ना 13:20 - Sirmouri

²⁰ हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”

सिरमौरी नौवाँ नियम

²⁰ हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”

यूहन्ना 13:20 ပူးပေါင်းရင်းမြစ်များ

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मरकुस 9:37

“जुण्जा कुँऐं मेरे नाँव शा, ऐसी बालक जेष्णाँ, कोसी ऐक बालक माँनंला, से मुँह मान्दा, अरह् जू कुँऐं मुँह माँनंला, से मेरा डियाल़णो वाल़ा भे माँन्दा ऐ।”

लूका 10:16

“जुण्जा तुवाँरी शुणों, से मेरी भे शुण्दा ऐ; अरह् जुण्जा तुँओं छ़ोट्टे जाँणों, से मुँह भे छ़ुट्टा जाँणों; अरह् जुण्जा मुँह छुट्टा जाँणों; सैजा तैसी भे छुट्टा जाँणों जेने मुँह डियाल़ी थुवा।”

लूका 9:48

अरह् प्रभू यीशू ऐ तिनू आप्णें सैले खे बुलो, “जुण्जा कुँऐं मेरे नाँव शा ऐथू नहाँन्ड़िया का माँन-समाँन करला, तअ से मेरा माँन-समाँन करला; अरह् जुण्जा कुँऐं मेरा माँन-समाँन करह्, से मेरे भेज्णों वाल़े का भे माँन-समाँन करह्; किन्देंखे के तुँओं सोभी मुँझ्षा जुण्जा छ़ुटे शा छ़ुटा असो, सैजा ही बड़ा असो।”

गलातियौं 4:14

अरह् तुँऐं भे मेरी देह्-शरीर की दषा जिन्दें लई तुँवारी परख करी गऐ थी, तिन्दें लई तुँऐं मुँह छोटा ने जाँणी; अरह् मुँह शी नफरत ने करी, परह् तुँऐं पंण्मिश्वर का स्वर्गदूत्त के जेष्णाँ मेरा आदर करा, जेष्णाँ के हाँव आपु मसीया यीशू ही थिया।

कुलुस्सियों 2:6

ईन्देंखे के तुऐं जेष्णाँ मसीया यीशू धारण करी थुवा; तअ तुऐं आप्णाँ जीवन भे तिनही आरी जीयों।

1 थिस्सलुनीकियों 4:8

ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों।