यूहन्ना 13:14 - Sirmouri

¹⁴ ईन्देंखे जे मुँऐं, तुवाँरे गुरू, अरह् प्रभू, हऐयों भे तुओं सोभी चैले के लात्त धुऐ; तअ तुँऐं भे आपु मुँझी ओका ओकी के लात्त ऐष्णें ही धुऐ चैई।

सिरमौरी नौवाँ नियम

¹⁴ जै मोऐं प्रभु औरौ गुरु जाणैयौ तोंवारै लात धोवे, तौ तुऔं बै आपी कै शरीफ बाणैयौ ऐकी दूजै कै लात धोणे चैंई।

यूहन्ना 13:14 ပူးပေါင်းရင်းမြစ်များ

यूहन्ना 11:2

से सेजी ही मरियम थी, जिऐं प्रभू यीशू के लात्तो गाशी सैंन्ट पाँऐयों आप्णें ही मुँढो के बाल़ो लई ऊँबाँदी लागी थी, तियाँरा ही भाऐ लाज़र बीमाँर थिया।

प्रेरितो कै काम 20:35

मुँऐ तुँओं कैई शो सब-कुछ करियों देखाओ, के कैशे दाँई मेंह्न्त्त करियों मुँऐ कंमजोर लोग सहम्भाल़े; अरह् प्रभू यीशू के बचन चींत्ते कराँणें जरूरी जाँणें, किन्देंखे के पंण्मिश्वर ऐं आपु ही बुलो; के ‘लोंणों शो देंणों भोलो असो।’”

रोमियों 12:10

तुँऐं सच्चै भाईयों जेष्णें ओका ओकी शो पुरे दिल शो पियार करह्; अरह् ओका ओकी खे आपु शा जादा आछा जाँणों।

रोमियों 12:16

आपु मुँझी मिली-चालियों रूऐ; तारीफ ने करे, परह् गरीब आरी संग्त्ति करे; आप्णी नंजरी दे बुद्धीमान ने बंणें।

1 कुरिन्थियों 12:3

ईन्देंखे हाँव तुँओं कैई शो चित्ते कराऊँ के जुण्जा कुँऐं पंणमिश्वर की आत्त्मा की शक्त्ति शो बुलो, से ऐजो बुली ने सक्दा के यीशू श्रापित असो! अरह् ना कुँऐं पबित्र-आत्त्मा भेटे बिना ऐजो बुली ने सक्दा के यीशू ही प्रभू असो।

1 कुरिन्थियों 8:13

ईन्देंखे जे भोजन के जाँणें मेरे भाऐ के बंऐणीं के ढैस-ठोकर लागो, तअ हाँव कद्दी भे कोसी कारण शा माँस ने खाँदी, कद्दी ऐशो ने हईयों के मेरे भाऐ की बंऐणी दी ढैस-ठोकर ने लागो, अरह् हाँव तिनके पाप का भागी ने बंणू।

2 कुरिन्थियों 10:1

हाँव, पौलुस खास करियों मसीया की नरमाँऐं अरह् सहय्नशिलता हाजिर जाँणियों तुवों खे ढाल-अरज करू, किन्देंखे के लोगों का ऐजा बुल्णाँ असो, के हाँव तुँओं मुँझी रंह्ऐयों दीन-नंम्बर असो, परह् जबे हाँव तुँओं मुझी ने हंदा तअ तुवों शा हाँव नीडर असो।

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

फिलिप्पियों 2:11

अरह् परमं-पिता पंण्मिश्वर के बड़ियाऐं खे हर ऐक जीभ ऐजो माँनी पाँव के यीशू मसीया ही प्रभू असो।

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

1 पतरस 4:1

ईन्देंखे जबे के मसीया ऐ देह्-शरीर दे रंह्ऐयों दु:ख भूगा तअ तुँऐं भे सेजी ही हिछ़या धारण करह्, किन्देंखे के जिन्ऐं देह्-शरीर दा दु:ख भूगा से पापो शा मुँक्त्ति पाँव,

1 पतरस 5:5

ऐशो ही दाँई, हे नों जुवाँनो, तुँऐं भे ठग्ड़ै के बष दे रंह्, परह् तुँऐं बादे के बादे ओका ओकी की सेवा कर्णो खे नींमताई शी कमरी दी गाच़ी बाँनों, किन्देंखे के “पंणमिश्वर घम्मडी का बिरोध करह्, अरह् दींन-गरीबो गाशी कृपा कर्णो की पक्क्ष दे रंह्।”