यूहन्ना 13:1 - Sirmouri

¹ (फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो।

सिरमौरी नौवाँ नियम

¹ ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 13:1 ပူးပေါင်းရင်းမြစ်များ

मत्ती 26:45

तबे प्रभू यीशू ऐ चैले कैई आऐयों तिनखे बुलो, “कियों तुँऐं हेबी भे चऐन के सुत्ती रूऐ? दे:खो, सेजी घड़ी आऐं पुज़ी, अरह् आदमी का बैटा पापियों की हाथे थंम्बड़ाया ज़ाँदा।

मत्ती 28:20

अरह् जुण्जी मुँऐं अज्ञाँ देऐ थई, सेजी बादी बातो तिन कैई शी माँनणीं शिखाव: अरह् दे:खो, हाँव संईसारी की अंन्त्त तोड़ी सदा तुँवारी गईलो असो।”

लूका 22:53

जबे हाँव देऊँठी दा रोज तुँवारी गईलो थिया, तअ तेथै तअ तुँऐं मुँह्दा हाथ भे लाई ने, परह् ऐजा तुवाँरा बख्त असो, अरह् ईन्दे गाशी अंन्धकार का हंक-अधिकार असो।”

लूका 9:51

जबे प्रभू यीशू के स्वर्गो दे ऊँबे ज़ाँणों के देसो नंजीक आऐ; तअ तबे तिन्ऐं यरूशलेम खे ज़ाँणों का पाक्का बिचार करा।

यूहन्ना 11:55

यहूदियों के (फ़सह) को तैयारह् नंजीक थियों। अरह् बैजाऐ भहित्ते लोग फ़सह के तैयारंह् शे आगे आपु-आप्खे शुद्ध हंणों की ताँईऐ गाँव शे यरूशलेम दे आऐ रूऐ थिऐ।

यूहन्ना 12:23

तबे: ऐजो शुँणिंयों प्रभू यीशू ऐ तिनखे बुलो, “सेजा बख्त्त आऐ गुआ; जबे आदमी के बैटे की बड़ियाऐं हंदी।

यूहन्ना 13:29

कंऐ लोगे ऐ ऐजो जाँणों के प्रभू यीशू ऐ यहूदा ईस्करियोती खे ऐजो बुलो, के जुण्जो किऐ अमाँरे तैयारोह् के मेंल़ै खे चेंई; सेजो मोंले-खर्दियों शीघौ ऊँडो आँणों, अरह् किऐ गरीब-कंगालो खे देऐ दे; किन्देंखे के तेसी यहूदा ईस्करियोती कैई पंय्सै के थंह्ऊली रंह थी।

यूहन्ना 13:3

प्रभू यीशू ऐजो जाँणो थिऐ, के बाबा ऐं सब-कुछ़ मेरे हाथों दो देऐ थुओ; अरह् ऐजो भे जाँणों थिऐ, के हाँव पंण्मिश्वर कैई शा आऐ रूवा, अरह् पाछ़ू पंण्मिश्वर कैई ज़ाँदा लागा।

यूहन्ना 13:34

हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्।

यूहन्ना 14:28

तुँऐं मुँह ऐजो बुल्दे शुँणा, के ‘हाँव ज़ादा लागा, अरह् हजो पाछु तुओं कैई आऊँबा।’ जे तुँऐं मुँह आरी प्यार कर्दे, तअ ईयों बातो शुँणियों बैजाऐ खुशी हंदे; किन्देंखे के हाँव बाबा कैई ज़ाँदा लागा, जुण्जे के मुँह शे बैजाऐ महाँन बड़े असो।

यूहन्ना 14:31

संईसारी ऐजो जाँणीं पाँव, के हाँव बाबा आरी प्यार करू; अरह् ऐजा ही कारण असो, के हाँव तिनकी बादी अज्ञाँ का पाल़्ण करू; ऐबे: ‘बीऊँजो अरह् ईथै शे आगु चालो।’

यूहन्ना 16:28

होर, हाँव बाबा के डेयाल़्णों, शा ही ईयों संईसारी दा आया; अरह् ऐबे मुँऐ ईयों संईसारी छ़ुड़ी लऐ, के हाँव हजो बाबा कैई पाछ़ू ज़ाँऊ।”

यूहन्ना 17:1

प्रभू यीशू ऐं ऐजी बादी बातो जबे बुली पाई, तअ तिन्ऐ आप्णीं आखी अगाषों की ढबै लाऐयों बुलो; “हे बाबा, सेजी घड़ी आऐ पुझ़ी, ऐबे आप्णें बैटे की बड़ियाऐ करह्; जू बैटा भे तुवाँरी बड़ियाऐ करी सको।

यूहन्ना 17:16

ऐ ईयों संईसारी के ने आथी; जेष्णाँ के हाँव भे ईयों संईसारी का ने आथी।

यूहन्ना 17:26

मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 17:5

ईन्देंखे हे बाबा! तुऐं मेरी भे आप्णी गंईलो, तियों महाँ बंड़ियाई आरी, बड़याऐ करह्, जुण्जी बड़ियाऐ मेरी तुवाँरी गंईलो संईसारी की रंचणों कंर्णो शी आगे थी।

यूहन्ना 18:4

प्रभू यीशू ऐ, सेजो जाँणियों के मुँह गाशी, का-का बित्त्दी, से आगुड़े हुटे, अरह् तिन्ऐं तिन कैई शो पुछ़ो; के “तुऐं कोसी जुह्ऐ लुवा?”

यूहन्ना 19:28

ईन्दें पाछ़ी जबे प्रभू यीशू ऐ ऐजो जाँणीं पाव, के ऐबे सब-कुछ पुरो हऐ गुओं; तअ पबित्र-ग्रन्थों का सेजा लेख्ह पुरा कहर्णो खे बुलो; “हाँव च़ींषा असो”।

यूहन्ना 2:13

यहूदियों के फ़सह को तैयारह् नंजीक थियों, ईन्देंखे प्रभू यीशू यरूशलेम खे हुटे।

यूहन्ना 6:4

यहूदियों के (फ़सह) को तैयारह् नंजीक थियो।

यूहन्ना 7:30

ईन्दें गाशी तिन्ऐं प्रभू यीशू थाँहम्बड़ियों बाँनणें चहाऐ, परह् कुँणिऐं तिन्दी पाच्ची ने पाई; किन्देंखे के हेभी तोड़ी तिन का बख्त्त ने आऐ रंई थी।

यूहन्ना 7:6

तबे प्रभू यीशू ऐ आप्णें सुहरे भाई खे बुलो, “मेरा बख्त्त हेभी तोड़ी आऐ ने रई परह् तुँओं लोगो का बख्त्त तअ सदा असो।

यूहन्ना 8:20

प्रभू यीशू ऐ ऐजे बचन देऊँठी के भडारे दे शिक्षा देंदे बख्त्ते बुले, तबे भे कुँणिऐं तिन दा हाथ तक ने लाई; किन्देंखे के हेभी तोड़ी तिन का बख्त्त ने आऐ रंई थी।

रोमियों 8:37

परह् ईनू बादी बातो दे आँमें तेसके जाँणें जिन्ऐं आँमों शो पियाँर करी थो; जिनके जाँणें आँमें ऐक शुभाल़ी-जींत्त दे जीत्त्दें लागे।

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

इब्रानियों 6:11

परह् आँमें हजो बैजाऐ ऐशो चहाँव, के तुँओं मुँझ़्शे ऐक नाँम जंण आखरी तोड़ी ऐसी ही भोर्षे दे रंहणों के कोशिष कर्दे रंह्।

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।