यूहन्ना 12:6 - Sirmouri

⁶ तेने ऐजो ईन्देंखे ने बुली, के तेसी गरीब-कंगालो का किऐ फिकर थिया; परह् तैने ऐजो ईन्देंखे बुलो, के से चोर थिया; अरह् तेसी कैई तिनके पंय्सै की थऊँली रंह् थी; अरह् तियों थऊँली दे जुण्जे भे किऐ पंय्सै पाई थिऐ, से तिन्दें मुँझ्शे सेजे पंय्सै चूप्पीं च़ुरियों ऊँडे गाड़ो थिया।

सिरमौरी नौवाँ नियम

⁶ तैणै ऐजै बात इथकारिए ना बुली कै तैसीखै कंगालो कै परवाह थी, पौरौ इथकारिए कै सै चोर थिया, औरौ तैसीकैईं तिनकी पौयसै की थोली थी औरौ तिंदु जू किछै पांव थिए, सै तिथु उंडु घाड़ो थिया।

यूहन्ना 12:6 ပူးပေါင်းရင်းမြစ်များ

मत्ती 21:13

अरह् तिनखे बुलो, “पबित्र-ग्रन्थों दो लिखी थो के ‘मेरी देऊँठी खे प्रार्थना को घर बुलो ज़ाँदो’; परह् तुँऐं ऐथू डाकू खे चूंरिणों की जागा बाणीं थंऐ।”

लूका 8:3

अरह् हेरोदेस का भडारी खुज़ा के घरवाल़ी योन्ना, अरह् सूसन्नाह, अरह् ऊकी भे बैजाऐ भहती तिरंई थी। जुण्जी आप्णी घरोऊँची शो खर्च करियों प्रभू यीशू अरह् तिन के चैले के सेंवा करह् थी।

यूहन्ना 10:13

सेजा धियाड़ूवा ईन्देंखे भागी लागो, के से सिर्फ धियाड़ूवा असो; किन्देंखे के तेसी तिनू भैंड़ो का किऐ भे फ़ीकर-चींन्त्ता ने आथी।

यूहन्ना 12:5

“सेजो सैंन्ट च़ींन षौ दिनाँर को बीकियों कंगाल-गरीबो मुँझी कैई ने बाडी?”

यूहन्ना 13:29

कंऐ लोगे ऐ ऐजो जाँणों के प्रभू यीशू ऐ यहूदा ईस्करियोती खे ऐजो बुलो, के जुण्जो किऐ अमाँरे तैयारोह् के मेंल़ै खे चेंई; सेजो मोंले-खर्दियों शीघौ ऊँडो आँणों, अरह् किऐ गरीब-कंगालो खे देऐ दे; किन्देंखे के तेसी यहूदा ईस्करियोती कैई पंय्सै के थंह्ऊली रंह थी।

1 कुरिन्थियों 6:10

ना चोर, ना लोभी, ना पियक्ड़-शराबी, ना गाल़ी देणों वाल़े, ना अनियाँऐ, कर्णो वाल़े, पंणमिश्वर के राज्य के वारिस हंदी।

गलातियौं 2:10

तिन्ऐं सिर्फ ऐजो बुलो, के आँमें गरीब कंगालो का शुज़ा करूबे; अरह् हाँव आपु भे ऐजी काँम-काज़ कर्णी ने; परह् ईयों काँम-काज़ कर्णो के मेरी बेजाऐ हिछ़या भे थी।

1 थिस्सलुनीकियों 5:22

साँत-भाँत्ती बुराई शे बंचे अंदे रूऐ।

याकूब 2:2

ऐजी बात ऐथी घटाव के जे तुवाँरें संत्त-संग दा कुँऐं आदमी सुन्नें की काँगणी अरह् बड़िया खोट्णों बाँम्बियों आँव, अरह् तेख्णी तेथै कुँऐं फाटे-पुराँणें खोट्णों बाँम्बियों ऐक गरीब कंगाल आदमी भे तेथै आँव।

याकूब 2:6

परह् तुँऐं तेसी गरीब कंगालो कि बैस्ती करी ने, कियों सैठ-सऊँकार तुँओं गाशी अनियाँऐं कर्दें ने, कियों से तुँओं दाल़त्ती-कचौरी दे खीचियों नींदे ने।