यूहन्ना 12:49 - Sirmouri

⁴⁹ मुँऐं आप्णी तरफ शो किऐ ने बुली थंई, परह् मेरे बाबा ऐं! जिन्ऐं मुँह डेयाल़ी थुवा; तिन्ऐं ही मुँखे ऐजी अज्ञाँ देऐ थंऐ, के मुँह का बुल्णों पड़ो; अरह् केष्णों बुल्णों पड़ो?

सिरमौरी नौवाँ नियम

⁴⁹ जिथुकै मोऐं खुद आपणै औधिकार शै आपणी औरौ शी बातौ ना कौरी, पौरौ पिता पौरमेशवरे जैणै मुखै भैजै राए तैणैई मुखै आज्ञा दैय राए, कै का-का बौतौऊं, औरौ का-का सौमझौऊं।

यूहन्ना 12:49 ပူးပေါင်းရင်းမြစ်များ

यूहन्ना 14:10

कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 14:24

जुण्जा मुँह शो प्यार ने करला, से मेरे बचन का पाल़्ण ने करदा; अरह् जुण्जे बचन तुँऐं शुणों, सेजे बचन मेरे ने, परह् तेसी बाबा के असो; जिन्ऐं मुँह डेयाल़ी थुवा।

यूहन्ना 14:31

संईसारी ऐजो जाँणीं पाँव, के हाँव बाबा आरी प्यार करू; अरह् ऐजा ही कारण असो, के हाँव तिनकी बादी अज्ञाँ का पाल़्ण करू; ऐबे: ‘बीऊँजो अरह् ईथै शे आगु चालो।’

यूहन्ना 15:15

मुँऐ तुओं दास सेंवक ने, परह् आप्णें दोस्त्त माँनी थुऐ; किन्देंखे के दास सेंवक कैई ऐजा पता ने हंदा, के तेस्का माँलिक का कर्णो वाल़ा असो; परह् मुँऐं तुँओं कैई सेजी बादी बातो बुली थंई, जुण्जी मुँऐ बाबा कैई शी शुँणीं थंऐ।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 3:11

हाँव ताँव्खे ऐक खास बात बुलू: के आँमें जुण्जो जाँणों ऐ सेजो ही बुलो; अरह् आँमें जुण्जो देखी थो, तिन्दे के ही आँमें गुवाऐ-शाज़्त्त दियों; परह् तुँऐं लोग अमाँरी गुवाऐ-शाज़्त्त माँन्दे ने।

यूहन्ना 3:32

जुण्जो किऐ तेने देखो अरह् शुँणी थो, से तिन्दें के ही गुवाऐ-शाज़्त्त दियों; परह् कुँऐं भे तिनकी गुवाऐ-शाज़्त्त माँन्दें ने।

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 5:30

“हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

यूहन्ना 6:68

शमौन संत्त-पतरस ऐ प्रभू यीशू खे जबाब दिता, “हे प्रभू! आँमें कोसी कैई ज़ाँव? किन्देंखे के तुओं कैई अमर-जीवन के बचन असो।

यूहन्ना 7:16

प्रभू यीशू ऐ तिनखे जबाब दिता, “मेरी शिक्क्षा मेरी ने आथी; परह् तिनकी शिक्क्षा असो, जिन्ऐं मुँह डेयाल़ी थुवा।

यूहन्ना 8:26

तुवाँरे बारे दो मेरे भह्त्त-कुछ बुल्णों, अरह् ऐजा फ़हऐस्ला करणाँ; के हाँव बादी संईसारी खे सेजो ही बुलू; जुण्जों मुँऐ आप्णें डेयाल़्णों वाल़े कैई शो शुँणीं थों; किन्देंखे के मुँह डेयाल़्णों वाल़ा साच्चा बिश्वाष ज़ूगा असो।”

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

प्रकाशितवाक्य 1:1

यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;