यूहन्ना 12:36 - Sirmouri

³⁶ जाँव तोड़ी जोत्त तुँओं कैई असो, ताँव तोड़ी तियों जोत्त दा बिश्वाष करह्; जिन्दें लई तुऐं, ज्योत्ति-प्रकाष की अलाद बंणीं सको।” प्रभू यीशू ऐजो बुलियों आगु हुटे, अरह् तिन कैई शे चुरियों रूऐ।

सिरमौरी नौवाँ नियम

³⁶ जांव तौड़ी पेयाशो तोंवारै साथै औसौ, पेयाशै पांदी भोरोशा राखौ कै तुऐं पेयाशै कै सन्‍तान बौणौ।” ऐजी बातौ बौलेयौ कै यीशु तिथैदा आगु हौटा औरौ तिनुवांदा दूर रौआ।

यूहन्ना 12:36 ပူးပေါင်းရင်းမြစ်များ

मत्ती 21:17

तबे प्रभू यीशू तिनू छुड़ियों नगर शे बाईडे हुटे, अरह् बिषाँव कर्णो खे बैतनिय्याह नाँव के गाँव दे हुटे, अरह् तेथै सेजी रात्त काटी।

मत्ती 5:14

तुँऐं संईसारी खे जोत्त असो, धार-पाह्ड़ी गाशी बसा अंदा नंगर चुप्पी ने थंईदा।

लूका 16:8

तेने सैठ माँलिक ऐं तैसी चंतूर आगु गाड़े अंदे आप्णें खजाँन्च़ी खे शबाशी दित्ती; किन्देंखे के तेने च़तूराई वाल़ी चाल-चाली, ईन्देंखे ऐसी ज़ूगो के अलाद भे आप्णी ईयों पीड़ी की गईलो, आप्णी लेंण-देंण की चाल-चल़्ण दे जादा चंत्तूर असो!

यूहन्ना 1:7

सेजा संत्त-यूहन्ना नहाँण-कराँणों वाल़ा ईन्देंखे डेयाल़ा गुवा, के बादे लोग ज्योत्ति-प्रकाष देखों; अरह् तियों ज्योत्ति-प्रकाष के गुवाह्-शाज़्त्त बंणों, अरह् तेस्के कारण ज्योंत्ति-प्रकाष दा बिश्वाष करह्।

यूहन्ना 11:54

ईन्देंखे प्रभू यीशू ऐं तेसी बख्त्तो शुभो यहूदा ईलाके दो खुह्लमं-खुह्लो घुम्णों-फ़ीर्णो बंन्द करी दितो; अरह् तबे से आप्णें चैले आरी शुँन-शाँन जाँगल़ों के नंजीक इफ़्राईम नाँव के ऐकी नंगर दे हुटे; अरह् आप्णें चैले आरी से तैथी रूऐ।

यूहन्ना 12:37

प्रभू यीशू ऐ तिनके सहाँम्णें ऐत्रें चींह्न-चंम्त्तकार देखाऐ, तबे भे तिन्ऐ तिन गाशी बिश्वाष ने करी;

यूहन्ना 12:46

हाँव जोत्त बंणियों ईयों संईसारी दा आऐ रूवा, जिन्दे लई सेजे बादे लोग, जुण्जे मुँह्दा बिश्वाष करह्; से ईनाँरे दे ने रंह्।

यूहन्ना 3:21

परह् जुण्जा सच्चाई दा चालो, से पैयाषे के नंजीक आँव, ईन्देंखे के तेस्के करे अंदे आच्छे काँम-काज़ देखाई दे आँव, किन्देंखे के सेजे आछ़े काँम-काज़ पंण्मिश्वर की तरफ शे करे ज़ाँव।”

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

यूहन्ना 8:59

ऐजों शुँण्दें ही लोगे ऐं प्रभू यीशू गाशी पंथराच़ देंणों खे पाथर थागे; परह् प्रभू यीशू देऊँठी कैई शे ही तिनकी नंजर शे छ़ाँई-माँई हुऐ।

इफिसियों 5:8

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

1 थिस्सलुनीकियों 5:5

किन्देंखे के तुँऐं बादे सच्चाई के जोत्त प्रकाष के अलाद असो; आँमें ना रात्ती के अरह् ना ईनाँरे के साथी आथी।

1 थिस्सलुनीकियों 5:8

परह् आँमें जू देसो के असो, बिश्वाष अरह् प्यार का चौग्गा बाँम्बियों अरह् छुट्कारे के भोर्षे का टूप्पा लाऐयों संकने रंह्।