यूहन्ना 12:28 - Sirmouri

²⁸ हे, बाबा! आप्णें नाँव की बड़ियाऐ करह्।” तबे ईन्दें गाशी अगाषो शी ऐजी धाव शुँणाँई पड़ी; “मुँऐ तेरी बंड़याऐ करी थंऐ, अरह् हाँव हजो भे तेरी बड़याऐ करूबा।”

सिरमौरी नौवाँ नियम

²⁸ ओए रै पिता, प्रगट कौर कै तू कैतरा महान औसौ।” तोबै स्वर्ग पौरैशी ऐक ऐशणी आवाज़ आए कै, “मोऐं प्रकट कौरे राए कै हांव कैतरा महान औसौ, औरौ हांव इयौं बातौ कै होटेयो प्रकट कौरदा।”

यूहन्ना 12:28 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

मत्ती 11:26

होर, सत्तिखे, हे पिता पंणमिश्वर, तुँवारी खुशी-आँनन्द ईन्दी असो।”

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

मत्ती 26:42

तबे प्रभू यीशू ऐ दुज़ाल़िऐं ज़ाऐयों ऐजी ही प्रार्थना करी, “हे पिता जे ऐजा दु:ख मुँखे दिऐं बिना टल़ी ने सक्दा; तअ ईन्दी मेरी ने परह् तुँवारी हिछ़या पुरी हों।”

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

मरकुस 1:11

अरह् स्वर्गो शी ऐजी धाव पड़ी: “तू मेरा प्यारा बैटा असो, हाँव ताँव शा बैजाऐ खुशी असो।”

मरकुस 14:36

अरह् बुलो, “हे अब्बा, हे बाबा! तुँओं शो तअ सब-कुछ हऐ सको; मेरे साम्णें थुवा अंदा ऐजा बैलुवा आगु करह्, तबे भे मेरी ने परह् तुँवारी हिछ़या पुरी हों।”

मरकुस 9:7

तबे ऐक बादल़ जिओ आओं अरह् तिन्देशी ऐक धाव शुणाँई पढ़ी, “ऐ मेरा प्यारा बैटा असो, ऐस्कि शुण्णों।”

लूका 3:22

अरह् पबित्र-आत्त्मा देह्-शरीर धार्ण करियों कबुतर जैष्णी ऊड़ाऐयों तिन गाशी आऐ, अरह् ऐजी अकाष्वाँणी हऐ, “तू मेरा लाड़कू बैटा असो, हाँव ताँव शा खुशी असो।”

लूका 9:35

तबे तेसी बाद्ल़ो शी ऐक धाव पढ़ी, “ऐ मेरा बैटा असो, मेरा च़ूणा-छ़ाँटा अंदा; ऐस्की बात शुणों।”

यूहन्ना 11:4

प्रभू यीशू ऐ ऐजो शुँणियों बुलो, “ऐजी बीमारी मंऊँती के ने आथी; परह् पंण्मिश्वर की बड़ियाई खे असो, जिन्दें के कारण पंण्मिश्वर के बैटे के बड़ियाऐं हंदी।”

यूहन्ना 18:11

प्रभू यीशू ऐ संत्त-पतरस खे बुलो, “आप्णी तरवार पाछ़ू मियाँनों दी थो! कियों जुण्जा दु:ख्ह का बैलुवा बाबा ऐ, मुँह्खे देऐ थुवा, कियों हाँव तेसी पीऊँ ने?”

यूहन्ना 9:3

प्रभू यीशू ऐ तिनखे जबाब दिता, “ना तअ ऐने आदमी ऐ किऐ पाप करी थंई; अरह् ना ऐस्के माँ-बाबा ऐं किऐ पाप करी थंई। ऐ ईन्देंखे जन्म शा ही पेट्-आँधा पय्दा हुवा, के ऐस्के कारण ही पंण्मिश्वर के बड़ियाऐ पर्गट हों।

इफिसियों 2:7

पंण्मिश्वर ऐ आँमों खे जुण्जी दयालुत्ता यीशू मसीया दे देंखाऐ, तिन्दें लंई आँमों खे आँणों वाल़े ज़ूगौ दे आप्णी अपार कृपा के मुँताबिक देखाऐ दिती;

इफिसियों 3:10

जू ऐबे कलीसिया के जाँणें पंण्मिश्वर का साँत्त-भाँत्ता ज्ञाँन तिनू हाकमों गाशी अरह् अधिकारियों गाशी जू स्वर्गिऐं जागा दे असो, तिनू कैई पर्गट करा ज़ाँव।

इफिसियों 3:21

कलीसिया दे अरह् मसीया यीशू दे तिनकी बड़ियाऐ पीड़ी शे पीड़ी तोड़ी ज़ूगौ-ज़ूगौ तोड़ी हंदी रंह्। आमीन!

2 पतरस 1:17

किन्देंखे के जबे तिनू परमं-पिता पंण्मिश्वर कैई शी आदर-ईज्जत अरह् बड़ियाऐ भेटी, अरह् तियों शक्त्तिशाली बड़ियाऐ मुँझ्शी ऐजी धाव शुणाँई पड़ी, के “ऐजा मेरा पियारा बैटा असो, जैच्छ़ा हाँव बैजाऐ खूशी असो।”