यूहन्ना 12:27 - Sirmouri

²⁷ “ऐबे मेरी आत्त्मा ब्याकुल असो, हाँव का बुलू? के ‘हे बाबा! मुँह ईयों ओब्ली शा बंचाऐ दियों?’ परह् ऐसी ही कारण शा तअ हाँव ईथै तोड़ी पंह्ऊँची रूवा।

सिरमौरी नौवाँ नियम

²⁷ “ऐबै मैरा जी घबराए रौआ कै ऐबै हांव का बुलू ‘ओए रै पिता मुखै इयौं पीड़ो कै सौमय दा बौचा?’ पौरौ ना, जिथुकै दुख सैहणौ औरौ मौरणौ कारिए हांव इयौं दुनिया दा आए रौआ।

यूहन्ना 12:27 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

मत्ती 11:26

होर, सत्तिखे, हे पिता पंणमिश्वर, तुँवारी खुशी-आँनन्द ईन्दी असो।”

मत्ती 26:42

तबे प्रभू यीशू ऐ दुज़ाल़िऐं ज़ाऐयों ऐजी ही प्रार्थना करी, “हे पिता जे ऐजा दु:ख मुँखे दिऐं बिना टल़ी ने सक्दा; तअ ईन्दी मेरी ने परह् तुँवारी हिछ़या पुरी हों।”

मत्ती 26:45

तबे प्रभू यीशू ऐ चैले कैई आऐयों तिनखे बुलो, “कियों तुँऐं हेबी भे चऐन के सुत्ती रूऐ? दे:खो, सेजी घड़ी आऐं पुज़ी, अरह् आदमी का बैटा पापियों की हाथे थंम्बड़ाया ज़ाँदा।

लूका 22:44

प्रभू यीशू बैजाऐ कष्ट अरह् दुख्ह शे तड़्फी रूऐ थिऐ, परह् तबे भे से दिल-जाँन शे प्रार्थना कर्दे रूऐ; अरह् “ऐत्रें ज़ूगे के तिनकी माँथै शी गर्मी के बड़े-बड़े लंह्ऊँ के जिऐ टिपू धनियों धर्ती गाशी पड़्दे लागे।”

लूका 22:53

जबे हाँव देऊँठी दा रोज तुँवारी गईलो थिया, तअ तेथै तअ तुँऐं मुँह्दा हाथ भे लाई ने, परह् ऐजा तुवाँरा बख्त असो, अरह् ईन्दे गाशी अंन्धकार का हंक-अधिकार असो।”

यूहन्ना 11:41

ईन्दे गाशी लोगे ऐ सेजा पाथर आगु गाड़ा। तबे प्रभू यीशू ऐ आप्णी आखी ऊबी स्वर्गो की ढबै देखियों बुलो, “हे, बाबा! हाँव तेरा धन्यबाद करू; के तुऐं मेरी प्रार्थना शुँणीं पाऐ।

यूहन्ना 12:23

तबे: ऐजो शुँणिंयों प्रभू यीशू ऐ तिनखे बुलो, “सेजा बख्त्त आऐ गुआ; जबे आदमी के बैटे की बड़ियाऐं हंदी।

यूहन्ना 13:21

ऐजी बातो बुल्दे-बुल्दे प्रभू यीशू आत्त्मा दे ब्याकुल हुऐ, अरह् तिन्ऐं बुलो; “हाँव तुँओं खे ऐक खास बात बुलू, के तुँओं मुँझ्षा कुऐं ऐक झुणा मुँह आरी धोख्हा करदा।”

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

इब्रानियों 2:14

ईन्देंखे के अलाद लंह्ऊँ अरह् माँस के हों, अरह् तबे मसीया यीशू भे लंह्ऊँ अरह् माँस के बंणीं गुऐ, के मऊँती के कारण से तेसी मतल्व शैतान जेस्दे मंऊँत्ती के शक्त्ति थी, तेसी तिन्ऐ नाँष करी दिता।

इब्रानियों 5:7

प्रभू यीशू ऐ आप्णें आदमी के सरूप दो रंह्दें बख्त्ते जुराल़ो लेरो-माँरी-माँरियों अरह् आशुवों बुवाऐ-बुवाऐयों तिन कैई जुण्जें तिनू मऊँत्ती शे बंचाऐ सको थिऐ, तिन शी तिन्ऐ प्रार्थनाँऐं अरह् बिनंत्ती करी, अरह् तियों भगत्ति के कारण तिनकी शुँणीं भी गंई।