यूहन्ना 12:2 - Sirmouri

² तेथै के लोगे ऐ, प्रभू यीशू की आदर-ईज्त्त कर्णों की ताँईऐं ऐक मीलियों भोज खाँणा तैयार करा; अरह् सेजी मार्था खाँणा बाँड्दी लागी रंऐ थी, अरह् प्रभू यीशू की गईलो सेजा लाज़र भे खाँणों खाँदा बऐठी रूवा थिया।

सिरमौरी नौवाँ नियम

² तिथै तिनुऐ तैसी कारिए दावत तैयार कौरे; औरौ यीशु का आदर कौरणौ कारिए मार्थाए सेवा कौरे लोए थै, औरौ लाजर यीशु कै साथै दावत खाणौ वाल़ौ मुंजीदा ऐक थिया।

यूहन्ना 12:2 ပူးပေါင်းရင်းမြစ်များ

मत्ती 26:6

जबे प्रभू यीशू बैतनिय्याह गाँव दे शमौन जू आगे कोढ़ी थिया तेसके घर दे थिऐं,

मरकुस 14:3

जबे प्रभू यीशू बैतनिय्याह दे शमौन जू आगे कोढ़ी थिया, तेस कागी खाँणों खाँदे बऐठी रूऐ थिऐ, तबे तेथै ऐक तिरंई संग-मरमर की कुँन्ड़ीं दो, सूँ-गद्लो तेल लियाओं जू के शुद्ध थियों, अरह् बैजाऐ मंह्गो थियो, तिऐं तिरंई ऐ सेजी कुँन्ड़ीं फूटाल़ियों, सेजो सूँ-गोंद्लो तेल प्रभू यीशू के मुँढो गाशी पेरोह्।

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

लूका 14:12

तबे प्रभू यीशू ऐ तेसी आदमी खे बुलो, जेने तिनू सोभी खे नीऊँग लाऐ थंऐ थी, के “जबे भे तू देसो, के रात्ती भोज खाणा देणाँ चाईला; तअ ना आप्णे भाऐ, अरह् ना आप्णें मित्तर, बंईदे; अरह् ना आप्णें सैठ-सऊँकार पड़ोसी बईदे, किन्देखे के से भे ताँव खे पाछू तैष्णी ही नींऊग लाँदे; अरह् सेजो बादो बुरा-बर हऐ ज़ाँदो।

लूका 22:27

आखिरकार बड़ा कुँण असो, सेजा जुण्जा मैज गाशी खाणों खाँदा बंईठो; के सेजा जुण्जा खाणों खे दियों? कियो ऐजा बड़ा आथी ने जुण्जा खाँणों खादा बंऐठी रूवा? परह् हाँव तुओं मुँझी सेंवक जेष्णा असो।

लूका 5:29

तेने लेबी ऐ आप्णे कागी प्रभू यीशू के आदर कर्णों खे ऐक बड़ी पाल़्टी दिती, अरह् तेथै ओके चूंगी लंअणों वाल़े भे बैजाऐ पाऊँणें कंट्ठै हुऐ; तेसी लेवी अरह् प्रभू यीशू आरी खाँणों खाँदे।

प्रकाशितवाक्य 3:20

देख, मुँऐं देऊँल़ी कैई खड़े हऐयों दुवार ठक-ठकाऐ लुवो; जे कुँऐं मेरो ठकठकाँणों शुँणियों मुँखें दुवार खुल़्ला, तअ हाँव तेसी कैई भिटा आऐयों, तेस्की गईलो भोजन करूबा अरह् से भे मेरी गईलो भोजन करला।