यूहन्ना 12:18 - Sirmouri

¹⁸ ईन्देंखे बैजाऐ भहित्ते लोग प्रभू यीशू मिल्दे आऐ रूऐ थिऐ, अरह् तिनके आँणों कंट्ठै हंणों का कारण ऐजा भे थिया; के तिन्ऐ प्रभू यीशू के सेजे च़ींह्न-चंम्त्तकार के बारे दो शुँणीं थो थियों।

सिरमौरी नौवाँ नियम

¹⁸ इयौं बौजैह शै बौहितै लोग यीशु शै भैटिंदै ओऊवे, जिथुकै तिनुऐ ऐसी चौमत्कार कै बारै मुंजी शौणै राए थियु।

यूहन्ना 12:18 ပူးပေါင်းရင်းမြစ်များ

लूका 19:37

अरह् जबे से तैसी जागे दे पंईचे, जेथै शी ज़ैतून धार के ऊँदाल़्टी शुरू हों; तअ बादी लोगो की बै-शुमार भीड़, प्रभू यीशू के करे अंदे सेजै चंम्त्तकार जुण्जे तिन्ऐं आप्णी आ:खिऐ दे:खी थुऐ थिऐ, तिन्दें लई से मंगन हुऐ, अरह् जुराल़ी लेरह् माँरियों पंण्मिश्वर शे आँनन्द हऐयों खुषी का धन्यबाद अरह् बड़ियाऐ कर्दे लागे:

यूहन्ना 12:11

किन्देंखे लाज़र के कारण बैजाऐ यहूदी लोग तिनू मुँख्या-याजकों आरी शे ज़ोई हुऐ, अरह् से प्रभू यीशू गाशी बिश्वाष कर्दे लागे।

यूहन्ना 12:12

दुज़े देसे, तैयारोह् खे आऐ अंदे बै-शुमाँर लोगों के भीड़ ऐं ऐजो शुँणों के प्रभू यीशू यरूशलेम खे आँदे लागे।

यूहन्ना 12:19

ऐजो सब देखियों यहूदी भाट-बाँम्ण आपु मुँझी ओका ओकी खे बुल्दें लागे, “तुऐ किऐ भे करी ने सक्दे; देखो बादी संईसारी ऐसी पाछ़ी चाल पड़ी।”

यूहन्ना 2:11

प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

यूहन्ना 6:2

अरह् ऐक लोगो के बैजाऐ बड़ी बै-शुमाँर भीड़ तिनू पाछ़ी चाली, किन्देंखे के जुण्जे चींह्न-चंम्त्तकार प्रभू यीशू रोगी-बीमाँर चाँग्गै करियों देखाँव थिऐ; से तिन्दें देख्दे आँव थिऐ।