यूहन्ना 12:17 - Sirmouri

¹⁷ जबे प्रभू यीशू ऐं लाज़र खात्ती-कबर शा मँरे अँदे मुँझ्शा पाछू ऊबा जीयाल़ा थिया, तअ तैसी बख्त्ते जुण्जे लोग तिनकी गईलो तेख्णों तेथै थिऐ; तिनू सोभिऐ तियों घट्णा के गुवाऐ-शाज़्त्त देऐ लंऐ थी।

सिरमौरी नौवाँ नियम

¹⁷ तोबै भीड़ कै लोगै जू तैसी सौमय तैसीआरी थिए, ओकी लोगौ कै बौलदै लागै कै तैणै लाजर कै कब्र पौरैशा बौएदैयौ मौरेयौंदे मुंजीदा जियुंदी कौरे राए थिया।

यूहन्ना 12:17 ပူးပေါင်းရင်းမြစ်များ

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

यूहन्ना 1:32

तबे संत्त-यूहन्ना नहाँण-कराँणों वाल़े ऐ ऐजी गुवाऐ-शाज़्त्त दिती: के “मुँऐं पंण्मिश्वर के आत्त्मा स्वर्गो शी ऊँदी कबुतर के जेष्णी आँदे देखी, अरह् से ईनू गाशी ठहरी गऐ।

यूहन्ना 1:34

आपु मुँऐ ऐजो देखों, अरह् हाँव ईन्दें का गुवाह्-शाज़्त असो; के ऐजा ही पंण्मिश्वर का बैटा असो।”

यूहन्ना 11:31

तबे जुण्जे लोग पल़ाव बुल्दे मरियम की गंईलो तेसी घरोह् दे थिऐ, से ऐजो देखियों; के से अचाँणक ऊभे बीऊँजियों बाँऐडी हुटी, तअ से भे तियों ही पाछ़ी बाँईडे हुटे; किन्देंखे के तिन्ऐं संहम्झों, के से जरूर खात्ती-कबर गाशी रूँदी हुटी रंऐ।

यूहन्ना 11:42

हाँव जाँणू थिया, के तू सदा मेरी प्रार्थना शुँणें। परह् मुँऐं ऊडे-पुडे खह्ड़े हुऐं अंदे आदमी के कारण ऐष्णों बुली लो; जिन्दें लई ऐ बिश्वाष करह्, के तुँऐं ही मुँह डेयाल़ी थुवा।”

यूहन्ना 12:9

जबे यहूदी लोगो की बै-शुमाँर भीड़ो कैई ऐजा पता लागा, के प्रभू यीशू ईथी असो; तअ से सिर्फ तिनू देख्दे ही ने, परह् तेसी लाज़र देख्दे भे आऐ; जैसी मँरे अँदे मुँझ्शा प्रभू यीशू ऐं ऊँबा जीयाल़ी थुवा थिया।

यूहन्ना 19:35

जेने सपाई ऐं ऐजो देखो, तेने गुवाऐ-शाज़्त्त दिती; अरह् तेस्की गुवाऐ-शाज़्त्त साच्ची थी; से ऐजों जाँणों थिया, के ऐने साच्चो बुली लो, जिन्दें लई तुऐं भे बिश्वाष करह्।

यूहन्ना 21:24

से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो।

प्रेरितो कै काम 1:22

ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।”

प्रेरितो कै काम 5:32

ईयों बातो के गुवाह्-शाज़्त्त आँमें असो, अरह् पबित्र-आत्त्मा असो; जियों पबित्र-आत्त्मा पंण्मिश्वर ऐ तिनू लोगों खे देऐ थऐ, जुण्जे तिनकी अज्ञाँ का पाल़्ण करह्।”

प्रकाशितवाक्य 1:2

संत्त-यूहन्ना ऐ ऐजा प्रमाँण देंदे बुलो, के मुँऐ जुण्जो किऐ देखो, सेजा पंण्मिश्वर का बचन अरह् यीशू मसीया के गुवाऐ-शाज़्त्त असो।