यूहन्ना 11:50 - Sirmouri

⁵⁰ तुओं कैई ऐजा पता ही ने आथी, के ऐजो सब-कुछ़ तुओं खे भलो असो; किन्देंखे के जे सब-कुछ़ राज्य नाँष हंणों वाल़ो हों; तअ ईन्दें शो आछ़ो ऐजो आथी ने; के ऐक आदमी अमाँरे लोगो की ताँईऐ मँरी ज़ाव; अरह् बादी जात्ती नाँष ने हों।”

सिरमौरी नौवाँ नियम

⁵⁰ औरौ ऐजौ बै ना सौमझौ, कै तुऔं कारिए ऐजौ ठीक औसौ कै सारै लोगौ कारिए सिरफ ऐक आदमी मोरो औरौ अमारै सौबै लोग नाश नी हौंव।”

यूहन्ना 11:50 ပူးပေါင်းရင်းမြစ်များ

मत्ती 5:29

जे तेरी सुँई आँ:ख ताँव पाप कर्णो खे मंज्जबूर करो, तअ तियों ऊँडी गाड़ियों फ़ेरकाऐं दे; किन्देखे के ताँव्खे ऐजो भलो होंदो, के तेरे अंग मुँझ्शा ऐक अंग नाँष हंऐ ज़ाँव, अरह् तेरा ओका बादा देह्-शरीर नंरक दा पाँणों शा बचीं ज़ाँव।

लूका 24:46

अरह् प्रभू यीशू ऐ तिनखे बुलो, “पबित्र-ग्रन्थों दो ऐजो लिखी थो; के मसीया दु:ख्ह भोग्ले, अरह् से च़ींज़े के मंरे अंदे मुँझ्शे पाछु ऊँबे जीऊँदे हंदे।”

यूहन्ना 11:48

जे आँमें तेसी आदमी ऐष्णों ही कर्दे रंहणों देंऊँबे, तअ बादे लोग ऐस्दा बिश्वाष कर्दे; अरह् रोमन लोग आऐयों अमाँरी देऊँठी अरह् अमाँरे हंक-अधिकार, अरह् अमाँरी जात्ति अरह् बादो राज्य आमों कैई शो दड़ियों आगु कर्दे।”

यूहन्ना 18:14

से सेजा ही काइफा थिया, जेने यहूदी अगवाल़ खे ऐजी सलाह दिती थी, के अमाँरे लोगों की ताँईऐं ऐक मर्दो को मर्णो आछो असो।

यूहन्ना 19:12

ईन्दें गाशी हाकम-पिलातुस ऐ प्रभू यीशू छुह्ड़णों की बैजाऐ कोशिष करी; परह् यहूदी अगवाँल़ लेल्याँऐ-लेल्याँऐयों बुल्दे लागे; “जे तू ऐसी आदमी छुह्ड़ी देईला, तअ तू कैसर का साथी ने आथी; परह् जुण्जा कुँऐं आपु-आप्खे राजा बुलो, से रोमन महाँ राजा कैसर का बिरोध करह्।”

रोमियों 3:8

“आँमें बुराऐ कैई ने करह्, के भलाऐ नींक्ल़ो?” जेष्णाँ आँमों दा ऐजा दोष-ईल़जाम लाया ज़ाँव, अरह् कुँऐं बुलो, के ईन का ऐजा ही बुल्णा असो। परह् ऐष्णें दुषी बंण्णो ज़ूगै असो।