यूहन्ना 11:47 - Sirmouri

⁴⁷ तबे मुँख्या-याजकों अरह् यहूदी भाट्-बाँम्णें ऐ; ऐक खह्त्ती की बैजाऐ बड़ी खुम्ल़ी कंट्ठी करियों बुलो, के ऐबे “आँमें तेस्को का करह्? ऐने आदमी ऐं तअ बैजाऐ चींह्न-चंम्त्तकार देखाऐ लुऐ।

सिरमौरी नौवाँ नियम

⁴⁷ इयौं बातौ पांदी मुख्य यहूदी पुरोहिते औरौ फरीसी लोगै महासभा कै लोगौ कै कौठै कौरेयौ बौल़ौ, “आमै का कौरु? ऐजा आदमी तौ बौहितै चौमत्कार कै काम दिखांव।

यूहन्ना 11:47 ပူးပေါင်းရင်းမြစ်များ

मत्ती 26:3

तबे प्रधान-याजकों अरह् यहूदी लोगों के माने-गीणें ठगड़े काईफा नाँव का महाँ-याजक के आँगणों दे कठे हुऐ,

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मरकुस 14:1

दू देसो बेत्तणों गाशी फ़सह अरह् बिना खटाई की रोटी को तियार थियों, प्रधान-याजक अरह् यहूदी-निय्म के शिखाँणों वाल़े ईयो ताक दे थिऐ, के प्रभू यीशू किऐ-किऐ छल़-कप्ट, शे थाँम्ड़ियों मारी ज़ाईदे।

लूका 22:2

मुख्या-याजकों अरह् यहूदी-निय्म के शिखाँणों वाल़े, लोग ईयों खोज-ताक दे थिऐ के यीशू कैषा दाँई माँरा ज़ाँव; परह् से लोगो दे डरो थिऐ।

यूहन्ना 11:57

मुँख्या-याजकों, अरह् यहूदी भाट्-बाँम्णें ऐं; प्रभू यीशू थाँहम्बड़णों के मंतल्व शे सोभी खे ऐजी अज्ञाँ देऐ थंऐ थी, के जे कसी भे आदमी कैई ऐजा पता लागो; के यीशू केथै असो; तअ से तियों बातो का शुज़ा तिन कैई तेख्णी दियों; जू आँमें तेसी ऊडा थाँम्बड़ी दियों।

यूहन्ना 12:19

ऐजो सब देखियों यहूदी भाट-बाँम्ण आपु मुँझी ओका ओकी खे बुल्दें लागे, “तुऐ किऐ भे करी ने सक्दे; देखो बादी संईसारी ऐसी पाछ़ी चाल पड़ी।”

यूहन्ना 2:11

प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

यूहन्ना 6:2

अरह् ऐक लोगो के बैजाऐ बड़ी बै-शुमाँर भीड़ तिनू पाछ़ी चाली, किन्देंखे के जुण्जे चींह्न-चंम्त्तकार प्रभू यीशू रोगी-बीमाँर चाँग्गै करियों देखाँव थिऐ; से तिन्दें देख्दे आँव थिऐ।

यूहन्ना 7:32

यहूदी भाट-बाँम्णें ऐं लोगो मुँझी प्रभू यीशू के बारे दी ऐजी बातो चुप्पी-चुप्पी कर्दे शुँणी; ईन्देंखे मुँख्या याजकों, अरह् यहूदी भाट्-बाँम्णें आप्णें सपाऐ डेयाल़े।

यूहन्ना 7:45

जबे सपाऐ “मुँख्या-याजकों, अरह् यहूदी भाट-बाँम्णों कैई पाछ़ू आऐ; तअ यहूदी भाट-बाँम्णें ऐं तिन कैई शो पुछो, तुऐं तेसी कैई ने आँणी?”

प्रेरितो कै काम 5:21

ऐजो शुँणियों से झ़ीषौ भेंयासरो दे ही देऊँठी दे हुटे; अरह् लोगों खे शिक्क्षा देंदे लागे। तबे महाँ-याजक अरह् तिनके साथी ऐ आऐयों बड़ी खुम्ल़ी करी, अरह् इस्राएलियों के बादे पुराँणियाँ कठै करे, अरह् कय्दी खाने खे ऐजा शुज़ा दिता के खास-चैले उडे आँणों।

प्रेरितो कै काम 5:24

तबे देऊँठी के रंख्वाल़े-जगवाल़े का मुँख्या अरह् मुँख्या-याजकों ऐं ऐजो शुँणों, तअ से फिकर दे पड़े; के तिनू खास-चैले को का हुओ।