यूहन्ना 11:38 - Sirmouri

³⁸ प्रभू यीशू ऐ हजो गह्ऐरी साँस लऐ, अरह् से तिनकी गईलो खात्ती-कबर गाशी आऐ; अरह् सेजी खात्त-कबर ऐकी ऊराड़ो दी खुणीं अंदी थी, जिन्दें के मुँहों गाशी ऐक बड़ा पाथर लाया अंदा थिया।

सिरमौरी नौवाँ नियम

³⁸ यीशुए हौजौ शुशकार भोरै, औरौ बौड़ै दुख कै साथै कब्र पांदी ओऊवा, सैजै क्रब ऐक औड़ार थियु, औरौ जिथकै दवारो पांदी ऐक पाथर राखै राए थिया।

यूहन्ना 11:38 ပူးပေါင်းရင်းမြစ်များ

मत्ती 27:60

अरह् तेसी आप्णी नंई खात्ती-कबरी दा थऐ दिता, जुण्जी तेने कफाड़ो दी खुँणाँऐं थऐ थी, अरह् खात्ती-कबरी के मुँह गाशी ऐक बड़ा पाथर रंड़काँऐयों तेथै शा आगू हुटा।

मत्ती 27:66

तअ: तिन्ऐ जगवाल़े गईलो नीऐं, अरह् पाथरो गाशी मुँहर-सिल लाऐयों खात्ती-कबरी के रंख्वाल़ी करी।

मरकुस 15:46

तबे यूसुफ ऐ धूऐ के टाली खर्दी, अरह् मड़दा ऊँदा गाड़ियों, तेसी धूऐ की टाली दा मेठाया अरह् ऐकी ऊराड़ो दा थऐ दिता, अरह् तेसी ऊराड़ो के मुँहों गाशी ऐक बड़ा पाथर घिसारियों लाऐ दिता।

मरकुस 8:12

प्रभू यीशू ऐ आप्णी पबित्र-आत्त्मा शो जाँणी पाओ, अरह् शुष्कार छुड़ियों बुलो, “ऐसी ज़ुगौ के लोग चींन-चम्तकार कैई जूवों? हाँव तुँओं खे खास बात बुलू, के ऐसी ज़ुगौ के लोगो खे किऐ चींन-चम्तकार ने दिऐ ज़ाँदे।”

लूका 24:2

तिन्ऐं सेजा पाथर तियों खात्ती-कबर गाछ़ा रड़का अंदा देखा।

यूहन्ना 11:33

प्रभू यीशू मरियम अरह् तियाँरी गईलो आऐं अंदें यहूदी लोग रूँदे देखियों, से आत्त्मा दे बैजाऐ ऊदास अरह् ब्याकुल हुऐ, अरह् लाँम्बी साँस लंऐयों तिन्ऐं शुष्कार छ़ुड़ा।

यूहन्ना 20:1

संह्फ़त्ते के आगले देसे, झ़ीषौ भैयाँसरो दी रिंम्मं-रिंम्में आरी सुरूज ऊँद्णों शी आगे; मरियम-मगदलीनी खात्ती-कबर कैई आऐ, अरह् तिऐं देंखो के तियों खात्ती-कबर गाच्छ़ा सेजा पाथर आगे ही गाड़ा अंदा थिया।