यूहन्ना 11:37 - Sirmouri

³⁷ परह् तिनू मुँझ्शो कई लोगे बुलो, “ईन्ऐं तअ शैड़े की आखी भे खुल्ली थंई, तअ कियो ऐ ऐत्रो भे करी ने सको थिऐ, के ऐजा आदमी मंरदा ही ने?”

सिरमौरी नौवाँ नियम

³⁷ पौरौ तिनुमुंजी दै किछै लोगै बौल़ौ, “ऐणै तौ तैसी आन्धै आदमी की आखी ठीक कौरी, ऐजा लाजर कै मौरणौ शै बौचाए सौकौ थिया?”

यूहन्ना 11:37 ပူးပေါင်းရင်းမြစ်များ

मरकुस 15:32

इस्राएल का राजा, ‘मसीया’ ऐबे शुँल़ी-फ़ाँशी गाछ़ा ऊदा आ, जू आँमें भे ऐजो दे:खियों बिश्वाष करूबे” अरह् जुण्जे दो ढाकू तिनकी गईलो शुँल़ी-फ़ाँशी टाँगी थुऐ थिऐ, डेरे अरह् सोऐं ढबे जुण्जे सत्तिखे गुनेगार थिऐ, से भे प्रभू यीशू के ठाटे पाड़दे अरह् नीदया कर्दे लागे।

लूका 23:35

लोगों के भीड़ ऐं ऐजो सब देखी लो थियों, अरह् नंम्बरदार लोग ठाठै पाड़ी-पाड़ियों बुलो थिऐ; के “ऐने ओकी बंचाऐ थुऐ; परह् जे ऐ पंण्मिश्वर का मसीया असो; अरह् तेस्का चूणाँ-छाँटा अंदा असो, तअ ऐ आगे आपु आप्खे बंचाँऐ दियों।”

लूका 23:39

तेथै शुँल़ी-फ़ाँशी टाँग्गै अंदें ऐक कु-कर्मी प्रभू यीशू की नींदया करदा लागा; के “तू मसीया असो? तअ आपु अरह् आँमों भे बंचा।”

यूहन्ना 11:21

माँर्था ऐ प्रभू यीशू खे बुलो, “हे प्रभू जी! जे तुँऐं ईथै हंदे, तअ मेरा भाऐ बिल्कुल ने मँर्दी थी।

यूहन्ना 11:32

जैई मरियम तेसी जागे दी पह्ऊँची, जेथै प्रभू यीशू थिऐ, तैई से तिनू देख्दे ही तिनके लात्तो गाशी पड़ी; अरह् तिऐ बुलो; “हे, प्रभू जी! जे तुऐं ईथै हंदे तअ मेरा भाऐ मंरदा ने थिया।”