यूहन्ना 11:2 - Sirmouri

² से सेजी ही मरियम थी, जिऐं प्रभू यीशू के लात्तो गाशी सैंन्ट पाँऐयों आप्णें ही मुँढो के बाल़ो लई ऊँबाँदी लागी थी, तियाँरा ही भाऐ लाज़र बीमाँर थिया।

सिरमौरी नौवाँ नियम

² ऐजै सैजै मरियम थी जियैं बाद मै प्रभु कै लातो पांदी इत्र रितायौ खै तैसकै लातो खै आपणै बाल़ो लैई गौशै राए थिए, तियौंका भाई लाजर बीमार थिया।

यूहन्ना 11:2 ပူးပေါင်းရင်းမြစ်များ

मरकुस 14:3

जबे प्रभू यीशू बैतनिय्याह दे शमौन जू आगे कोढ़ी थिया, तेस कागी खाँणों खाँदे बऐठी रूऐ थिऐ, तबे तेथै ऐक तिरंई संग-मरमर की कुँन्ड़ीं दो, सूँ-गद्लो तेल लियाओं जू के शुद्ध थियों, अरह् बैजाऐ मंह्गो थियो, तिऐं तिरंई ऐ सेजी कुँन्ड़ीं फूटाल़ियों, सेजो सूँ-गोंद्लो तेल प्रभू यीशू के मुँढो गाशी पेरोह्।

लूका 7:13

तियों माँ दे:खियों प्रभू यीशू के आप्णी सासो दी बैजाऐ असेरो लागी; अरह् दया करियों तियों माँ खे बुलो, “रूऐ ने”

लूका 7:19

तबे संत्त-यूहन्ना ऐ आप्णे चैले मुँझ्षे दो चैले आपु कैई बऐदियों तिनू प्रभू यीशू कैई ऐजो पुछ़णों खे डियाल़े; के “आँणों वाल़े तुँऐं ही असो, के आँमें कोसी ओकी की ठह्ल़णाँऐ करह्?”

यूहन्ना 11:21

माँर्था ऐ प्रभू यीशू खे बुलो, “हे प्रभू जी! जे तुँऐं ईथै हंदे, तअ मेरा भाऐ बिल्कुल ने मँर्दी थी।

यूहन्ना 11:3

तिनू दुई बंऐणीं ऐं प्रभू यीशू खे ऐजा शुज़ा दिता, के “हे प्रभू! देखो, जेसी आरी तुँऐं प्यार करह्, सेजा लाज़र बीमार असो।”

यूहन्ना 11:32

जैई मरियम तेसी जागे दी पह्ऊँची, जेथै प्रभू यीशू थिऐ, तैई से तिनू देख्दे ही तिनके लात्तो गाशी पड़ी; अरह् तिऐ बुलो; “हे, प्रभू जी! जे तुऐं ईथै हंदे तअ मेरा भाऐ मंरदा ने थिया।”

यूहन्ना 12:3

तबे मरियम ऐ च़ीन षौ ग्राँम खास-शुद्ध जटामाँसी को बैजाऐ मह्गों सैंन्ट आँणियों प्रभू यीशू के लात्तो गाशी पैरियों मुँल़ौ अरह् आप्णें मुँढों के बाल़ो लई तिनके लात्त ऊबे ऊबाँदी लागी; तेसी सैंन्ट की आच्छी खुष्बू बादे घरह् दी फय्ली रंऐ थी।

यूहन्ना 13:13

तुँऐं मुँखे गुरू, अरह् प्रभू बुलो, ऐजो ठीक असो, किन्देंखे के ‘हाँव सेजा ही असो’।

यूहन्ना 13:14

ईन्देंखे जे मुँऐं, तुवाँरे गुरू, अरह् प्रभू, हऐयों भे तुओं सोभी चैले के लात्त धुऐ; तअ तुँऐं भे आपु मुँझी ओका ओकी के लात्त ऐष्णें ही धुऐ चैई।