यूहन्ना 11:11 - Sirmouri

¹¹ ईन्दें पाछ़ी प्रभू यीशू ऐ चैले खे बुलो, “मेरा दोस्त्त लाज़र सुत्ती गुवा; हाँव ज़ादा लागा, के तेसी नींज़ौ शा ऊबा बीऊँजाल़ू।”

सिरमौरी नौवाँ नियम

¹¹ तैणै ऐजी बातौ बुली, औरौ तिथकै बाद तिनुखै बौलदा लागा, “अमारा दोस्त लाजर सोतै गौआ, पौरौ हांव तैसी बिजाल़दा जांदा लागै रौआ।”

यूहन्ना 11:11 ပူးပေါင်းရင်းမြစ်များ

मत्ती 27:52

अरह् खात्ती-कबरो खुली गई, अरह् मरे अंदे पबित्र लोगो के बैजाऐ मुँड़्दे ऊबे जींऐं;

मत्ती 9:24

ईन्देंखे तिनिऐं तिन्खे अज्ञाँ दिती, “ईथे शे आगु ज़ाओ, किन्देंखे के ऐजी धियाँण्टी मरी ने रंई ऐ सुत्ती रंऐ” तबे सेजे लोग प्रभू यीशू के ठाटे पाड़दे लागे।

मरकुस 5:39

घर दे भिंटे हुटियों प्रभू यीशू मसीया ऐ बुलो, “ऐजा रूणाँ-धुणाँ अरह् रोल़ा पाड़णा बंन्द करह्? ऐजी धियाँण्टी मरी ने रंई ऐ—सिर्फ सुत्ती रंऐ!”

यूहन्ना 11:10

परह् जे कुँऐं रात्ती हाँड्ला तअ तेस्के ढैस लागदा, किन्देंखे के रात्ती प्रकाष ने हंदी।”

यूहन्ना 11:12

तबे चैले ऐ तिनखे बुलो, “हे प्रभू! जे लाज़र सुत्ती रूवा, तअ से आप्णीं नींज़ पुरी करियों पाछ़ु ऊबा बीऊँज्दा।”

यूहन्ना 11:13

परह् प्रभू यीशू ऐ, तअ तेस्की मऊँती के बारे दो बुलो थियो; परह् तिनके चैले के सेजी बात संह्म्झ दे ने आई, परह् तिन्ऐ जाँणों के प्रभू यीशू ऐ; तेस्की सुत्त्णों के बारे दो बुली लो।

यूहन्ना 11:3

तिनू दुई बंऐणीं ऐं प्रभू यीशू खे ऐजा शुज़ा दिता, के “हे प्रभू! देखो, जेसी आरी तुँऐं प्यार करह्, सेजा लाज़र बीमार असो।”

यूहन्ना 3:29

जेस्की दुल्ह्न असो, सेजा ही दुल्हा असो; परह् दुह्ले का साथी जू दुह्ले की गईलो खह्ड़ा रंह्, अरह् से दुलेह् की बात शुँणियों; बैजाऐ खुशी हों: मेरी खुशी भे ऐष्णी ही असो, जुण्जी कैथी ऐबे ज़ाऐयों पुरी हऐ गऐ।

प्रेरितो कै काम 7:60

तबे: से घुडकुँणिऐं बंईठा, अरह् तेने जुराल़ी लेरंह् मारियों बुलो, “हे प्रभू! ऐजा पाप ईन्दा ने लाऐ!” अरह् ऐजो बुलियों तेने प्राण छुड़ी दित्ते; अरह् सेजा शाऊल भे तेस्के माँर्णो दा संह्ऐम्त्त थिया।

1 कुरिन्थियों 15:18

तअ जुण्जे मसीया दे बिश्वाष करियों हेबी तोड़ी मरी गुऐ, से भे नंष्ट हऐ गुऐ।

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

1 कुरिन्थियों 15:51

दे:खो, हाँव तुँओं कैई ऐक राज भेद् की बात बुलू: आँमें बादे ने मर्दे परह् बादे बद्ल़ी ज़ाँदे,

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

याकूब 2:23

अरह् पबित्र-ग्रन्थों का सेजा बचन पुरा हुआ, के “अब्राहम ऐ पंणमिश्वर का बिश्वाष करा, अरह् सेजा बिश्वाष तेस्खे धर्म माँना गुवा” अरह् तेसी पंणमिश्वर का साथी माँना गुवा।