यूहन्ना 10:4 - Sirmouri

⁴ जबे से आप्णीं बादी भैड़ो भैंड़शाल़ो शी बाँईडी गाड़ी पाँव, तअ से आपु तिनू आप्णी भैंड़ो शा आगे-आगे हाँडो; अरह् सेजी बादी की बादी भैंड़ो तेसी भैड़वाल़े पाछ़ी-पाछ़ी चाल-पड़ो, किन्देंखे के से तेस्को चूचकार्णो अरह् बुलाँणों पंह्छ़ियाँणों ऐ।

सिरमौरी नौवाँ नियम

⁴ औरौ जोबै सै आपणी सौबै भेड़ो खै बायरै निकाल़ै पांव, तौ तिनकै औगौड़ियौ-औगौड़ियौ चालदा रौंव, औरौ भेड़ो तैसकै पौछौड़ियौ-पौछौड़ियौ हांडो जिथुखै सै तैसकै धाव पोछैयाणौए।

यूहन्ना 10:4 ပူးပေါင်းရင်းမြစ်များ

मत्ती 16:24

तबे प्रभू यीशू ऐ आप्णे चैले खे बुलो, “जे कुँऐं मुँह पाछी आँणों चहाँव, तअ से आपु खे बै-जियाँन जाँणियों आप्णा शुँल़ी-फ़ाँशी मंतल्व दु:ख थागो, अरह् मुँह पाछी चालो।

यूहन्ना 10:16

मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 10:27

मेरी भैंड़ो मेरो चूचकार्णो शुँणों ऐ, अरह् हाँव तिनू पंह्छ़ियाँणू ऐं; अरह् से मुँह पाछ़ी-पाछ़ी चालो।

यूहन्ना 10:3

अरह् तेस्खे सेजे भैंड़ो की शाल़ो के जंगवाल़े भे कुँवाड़ ऊँडो खुलो; अरह् सेजी भैंड़ो भे तेसी भैड़वाल़े को चूचकार्णो अरह् बुलाँणों जाँणों ऐं, अरह् जबे से आप्णी भैंड़ो के नाँव लऐ-लऐयों तिनू आप्णीं छाँनीं शी बाँईडी बऐदी पाँव, तबे से चंराँणों खे तेथै शी आगू बाँईडी नीयों।

यूहन्ना 10:5

किन्देंखे के भैंड़ो कंद्दी भे अ-प्रयाँण आदमी पाछ़ी ने चाल्दी, परह् से तेसी अ-प्रयाँण आदमी देखियों तेख्णीं दुर्की भागी लागो, किन्देंखे के से तेस्को चूचकार्णो अरह् बुलाँणों ने पंह्छ़ियाँण्दी।”

यूहन्ना 10:8

सेजै जैतोड़े मुँह शे आगे आऐं, से बादे के बादे चोर-डाकूँ थिऐ; अरह् तिनू भैड़े ऐ तिनकी शुँणीं ने।

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 13:15

किन्देंखे के मुँऐं तुँओं कैई शा ऐजा ऐक नंमुना देखाऐ थुवा, के जेष्णों मुँऐं तुँवारी गईलो करी थो, तुँऐं भे ऐष्णों ही करिया करह्।

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

यूहन्ना 3:29

जेस्की दुल्ह्न असो, सेजा ही दुल्हा असो; परह् दुह्ले का साथी जू दुह्ले की गईलो खह्ड़ा रंह्, अरह् से दुलेह् की बात शुँणियों; बैजाऐ खुशी हों: मेरी खुशी भे ऐष्णी ही असो, जुण्जी कैथी ऐबे ज़ाऐयों पुरी हऐ गऐ।

1 कुरिन्थियों 11:1

तुँऐं मेरी जेऐ चाल-चालो, जेष्णी हाँव मसीया की जेऐ चाल चालू।

इफिसियों 5:1

हे, प्यारे नहाँन्ड़िया तुँऐं पंण्मिश्वर के अलाद असो, ईन्देंखे तिनके जिऐ बंणों;

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 6:20

जेथै प्रभू यीशू मलिकीसिदक के जेष्णाँ सदा खे महाँ-याजक बंणियों, आँमों खे अगवाल़ के रूप दे हाजीर हऐ रूऐ।

1 पतरस 2:21

अरह् तुँओं ईन्देखे बय्दी थुऐं, किन्देंखे के मसीया भे तुँवारी ताँईऐं दु:ख भूगियों तुँओं खेे ऐक शीख देऐ थऐ, के तुँऐ भे तिनके नंक्क्षे-कदम गाशी चालो।

1 पतरस 4:1

ईन्देंखे जबे के मसीया ऐ देह्-शरीर दे रंह्ऐयों दु:ख भूगा तअ तुँऐं भे सेजी ही हिछ़या धारण करह्, किन्देंखे के जिन्ऐं देह्-शरीर दा दु:ख भूगा से पापो शा मुँक्त्ति पाँव,

1 पतरस 5:3

जुण्जे लोग तुँओं खे देऐं थुऐं, तिन गाशी हंक-अधिकार ने जताऐं, परह् मंडल़ी खे आदर ज़ुगे बंणों।