यूहन्ना 10:33 - Sirmouri

³³ यहूदी अगवाल़े ऐ प्रभू यीशू खे जबाब दिता, “कंसी भले काँम-काज़ की ताँईऐं ने; परह् तू जू आप्खे पंण्मिश्वर आरी संनाँईऐं, आँमें तेसी ही कारण शी ताँव गाशी पंथराँच़ कर्णी चहाँव; किन्देंखे के तू आदमी हंऐईयों भे आपु खे पंण्मिश्वर बुले!”

सिरमौरी नौवाँ नियम

³³ यहूदी नेताए जवाब दिया, “भले काम कारिए आमै तांव पांदी पाथरो की ना लोऊँ, पौरौ पौरमेशवर कै नेंदैया कौरणौ की बौजैह शै औरौ इथकारिए कै तू आदमी हौयौ दावा कौरे कै तू पौरमेशवर औसौ।”

यूहन्ना 10:33 ပူးပေါင်းရင်းမြစ်များ

यूहन्ना 10:24

तबे यहूदी अगवाल़ ऐ प्रभू यीशू च़फ़ेर शे घेरियों पुछ़्दे लागे, के “तुँऐं कबे तोड़ी आँमों दू-मंन्नें अरह् धोख्हें दे थंह्दे? अरह् जे तुँऐं सोत्तिखे मसीया असो, तअ आँमों कैई साफ़-साफ़ बुली दियों।”

यूहन्ना 10:30

‘हाँव अरह् बाबा ऐक जीऊँ असो।’”

यूहन्ना 10:32

प्रभू यीशू ऐ तिन कैई शा ऐक सुवाल पुछ़ा, “मुँऐ आप्णें बाबा की तरफ शे तुवाँरे सहाँम्णें कंऐयों भले काँम-काज़ करे; तबे तुँऐं कंसी काँम-काज़ की ताँईऐं मुँह गाशी पंथराँच़ कर्णीं चहाँव?”

यूहन्ना 19:7

यहूदी अगवाल़ ऐ, जबाब दिता, “अमाँरे भे ऐक निय्म-रूवाज असो, अरह् तेसी निय्म-रूवाजो के मुँताबिक ऐ मंऊँत्ती की सजा ज़ूगा असो; किन्देंखे के ऐ आपु खे पंण्मिश्वर का बैटा बुलो।”

यूहन्ना 5:18

ईन्दे का नंत्तिजा ऐजा हुवा, के यहूदी अगवाल़ प्रभू यीशू पाछ़ी हाथों धुऐयों पड़े; के ऐ सिर्फ बिशाँव के देसो का निय्म ही ने च़ूड़्दा, परह् ऐ तअ परंम-पिता पंण्मिश्वर खे भे आप्णाँ बाबा बुलियों आपु खे तिनका संग्गा बैटा हंईयों।

रोमियों 13:1

ऐक नाँम आदमी हाक्म अधिकारी के बष दे रूऐ, किन्देंखे के कुऐं भे हंक-अधिकार ऐशा ने आथी, जू पंणमिश्वर की ढबे शा ने हों; अरह् जुण्जे हंक-अधिकारी असो, तिनू पंणमिश्वर ही बंणाऐं थुऐ।

फिलिप्पियों 2:6

जिन्ऐ पंण्मिश्वर के स्वरूप दे हंऐयों भें, पंण्मिश्वर शी आप्णीं बरा-बरी गाशी आप्णाँ हंकधिकार थंणाँ ठीक ने जाँणीं;