यूहन्ना 10:31 - Sirmouri

³¹ तबे यहूदी अगवाल़े ऐ प्रभू यीशू माँर्णों खे हजो पाथर थागे।

सिरमौरी नौवाँ नियम

³¹ यहूदी नेताए तैसी मारणौ कारिए दुजाल़ियो पाथर टिपै।

यूहन्ना 10:31 ပူးပေါင်းရင်းမြစ်များ

मत्ती 12:14

तबे यहूदी भाट-बाँम्णें बाँईडे ज़ाऐयों, प्रभू यीशू के बिरूध दी ठाट-बाट करी, के ऐसी केशा दाँई नाँष करा ज़ाँव।

मत्ती 21:35

“तिनू जींम्दारे तेसके दास-बैठू थाँम्बड़ियों मारे-पींटे अरह् कऐयों जीयाँनिऐं माँरी दिते, अरह् ऐकी दास-बैठू गाशी टूल्याँच़-पथराच़ दिती।

मत्ती 23:35

तुओं गाशी बादे धार्मिक आदमी की हंत्त्या लह्ऊँ बुवाँणों का दोष असो; धर्मी हाबिल के लह्ऊँ शा उडा बिरिक्याह के बैटे ज़करयाह तोड़ी जेसी तुँऐं देऊँठी की बैदी-पूँजो के बीचो दा मारा। अरह् तेस्को लह्ऊँ संईसारी दो तुवाँरे मुँढे पड़ो।

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

यूहन्ना 10:24

तबे यहूदी अगवाल़ ऐ प्रभू यीशू च़फ़ेर शे घेरियों पुछ़्दे लागे, के “तुँऐं कबे तोड़ी आँमों दू-मंन्नें अरह् धोख्हें दे थंह्दे? अरह् जे तुँऐं सोत्तिखे मसीया असो, तअ आँमों कैई साफ़-साफ़ बुली दियों।”

यूहन्ना 10:32

प्रभू यीशू ऐ तिन कैई शा ऐक सुवाल पुछ़ा, “मुँऐ आप्णें बाबा की तरफ शे तुवाँरे सहाँम्णें कंऐयों भले काँम-काज़ करे; तबे तुँऐं कंसी काँम-काज़ की ताँईऐं मुँह गाशी पंथराँच़ कर्णीं चहाँव?”

यूहन्ना 11:8

चैले ऐ बुलो, “हे रंब्बी; गुरू जी! किऐ देसे आगे तअ यहूदी अगवाल़ तुँओं गाशी पथराच़ देऐयों माँर्णे चहाँव थिऐ; तअ तबे भे कियो तुँऐं हजो तेथी ज़ाँणों चहाँव?”

यूहन्ना 5:18

ईन्दे का नंत्तिजा ऐजा हुवा, के यहूदी अगवाल़ प्रभू यीशू पाछ़ी हाथों धुऐयों पड़े; के ऐ सिर्फ बिशाँव के देसो का निय्म ही ने च़ूड़्दा, परह् ऐ तअ परंम-पिता पंण्मिश्वर खे भे आप्णाँ बाबा बुलियों आपु खे तिनका संग्गा बैटा हंईयों।

यूहन्ना 8:59

ऐजों शुँण्दें ही लोगे ऐं प्रभू यीशू गाशी पंथराच़ देंणों खे पाथर थागे; परह् प्रभू यीशू देऊँठी कैई शे ही तिनकी नंजर शे छ़ाँई-माँई हुऐ।

प्रेरितो कै काम 7:52

कियो तुवाँरे पुराँणिऐं ऐ ऋषियों गाशी अंत्त्याचार करी ने? तिन्ऐं तिनू ऋषी लोग माँरी दित्ते, जिन्ऐं आगे ही तेसी धर्मी जंण के आँवणीं की घोष्णाँ करी थी; तुओं लोगों खे स्वर्गदूत्त के जाँणें, रित्ती-रूवाज निय्म भेंटी ने? परह् तुऐं लोगें ऐं तिन्दें का पाल़्ण ने करी, अरह् ऐबे तेसी धर्मी जंण के थंहम्बड़ाणों वाल़े अरह् हत्त्यारे बंणी गुऐ।