यूहन्ना 10:3 - Sirmouri

³ अरह् तेस्खे सेजे भैंड़ो की शाल़ो के जंगवाल़े भे कुँवाड़ ऊँडो खुलो; अरह् सेजी भैंड़ो भे तेसी भैड़वाल़े को चूचकार्णो अरह् बुलाँणों जाँणों ऐं, अरह् जबे से आप्णी भैंड़ो के नाँव लऐ-लऐयों तिनू आप्णीं छाँनीं शी बाँईडी बऐदी पाँव, तबे से चंराँणों खे तेथै शी आगू बाँईडी नीयों।

सिरमौरी नौवाँ नियम

³ तैसी कारिए रोखवाल़ा दवार खोले दैंव, औरौ भेड़ो तैसकी आवाज़ पोयछाणो, औरौ सै आपणै भेड़ो का नांव लोयो बोईदौ औरौ बायरै लोए जांव।

यूहन्ना 10:3 ပူးပေါင်းရင်းမြစ်များ

यूहन्ना 10:14

“आछा भैड़वाल़ा हाँव असो: हाँव आप्णीं भैंड़ो पंह्छ़ियाँणू ऐ, अरह् मेरी भैंड़ो भे मुँह पंह्छ़ियाँणों ऐ।

यूहन्ना 10:16

मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 10:4

जबे से आप्णीं बादी भैड़ो भैंड़शाल़ो शी बाँईडी गाड़ी पाँव, तअ से आपु तिनू आप्णी भैंड़ो शा आगे-आगे हाँडो; अरह् सेजी बादी की बादी भैंड़ो तेसी भैड़वाल़े पाछ़ी-पाछ़ी चाल-पड़ो, किन्देंखे के से तेस्को चूचकार्णो अरह् बुलाँणों पंह्छ़ियाँणों ऐ।

यूहन्ना 10:9

हाँव ही दुवार असो; जे कुँऐं मेरे कारण जीवन दे दाखिल हों, तअ से छ़ुट्कारा पाँदें; अरह् से भीटे-बाईडे आँदे ज़ाँदे रंह्दे, अरह् तिनू खाँणा-पींणा भेट्दा रंह्दा।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:45

ऋषियों ऐ पबित्र-ग्रन्थों दो लिखी थो, के सेजे लोग बादे पंण्मिश्वर कैई शी शिक्क्षा पाँदे; जेने कुँणिऐं बाबा कैई शो शुँणी अरह् शिखी थो, से मुँह कैई आँदा।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

1 कुरिन्थियों 16:9

किन्देंखे के मुँखे तेथै ऐक खास जरूरी सेंवा कर्णों का मोंका भेटी रूवा; अरह् तेथै मेरे कंऐयों बिरोध कर्णो वाल़े भे बैजाऐ असो।

फिलिप्पियों 4:3

हे साच्चै साथी, हाँव तुँओं खे भे ढाल-अरज करू, के तिनू तिरंई की साय्ता करह्, किन्देंखे के तिन्ऐं मेरी गईलो खुषख्बरी फईलाँणों खे, भाऐ-क्लेमेंस अरह् मेरे ओके साथी, समेंत मेंह्नत करी थऐ, जिनके नाँव जीवन की कताबे दे लिखे अंदें असो।

कुलुस्सियों 4:3

अरह् ईन्दें आरी आँमों खे भे प्रार्थना कर्दे रंह्, के पंण्मिश्वर आँमों खे बचन शुँणाँणों खे ऐशो दुवार खुली दियों, के आँमें मसीया का तेसी भेद् का बखाँण करी सको जिन्दे के जाँणें हाँव कय्दी दा असो;

2 तीमुथियुस 2:19

तबे भे पंण्मिश्वर कि पाक्की पह्-नींव अट्ल़ असो, जिन्दें गाशी ऐजी मुँहर-छ़ाप लागीं रंऐ; के “प्रभू तिनू जाँणों ऐं, जुण्जें प्रभू के असो,” अरह् जुण्जा कुँऐं प्रभू का नाँम लों, से अपराध के शा बंचा अंदा रंह्।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।

1 यूहन्ना 4:6

आँमें पंण्मिश्वर के असो, अरह् जुण्जे कुँऐं पंण्मिश्वर जाँणों, से अमाँरी शुणो; परह् जुण्जें कुँऐं पंण्मिश्वर ने जाँण्दें, से अमाँरी भे शुण्दें ने। ईन्दी ही लई आँमें साच्ची अरह् झुठी आत्त्मा की पछ़याँण करी सको।

3 यूहन्ना 1:14

परह् मुँह भूर्षा असो, के तुँओं कैई शा शीघा भेटींदा; तबे आँमें आँम्णें-साँम्णे बात-चीत्त करूबे।

प्रकाशितवाक्य 20:15

अरह् जेसी कोसी को नाँव जीवन की कताबे दो लिखों अंदो ने भेंटी, तेसी तियों ही आगी की झ़ील दा पाऐ दिता।

प्रकाशितवाक्य 3:20

देख, मुँऐं देऊँल़ी कैई खड़े हऐयों दुवार ठक-ठकाऐ लुवो; जे कुँऐं मेरो ठकठकाँणों शुँणियों मुँखें दुवार खुल़्ला, तअ हाँव तेसी कैई भिटा आऐयों, तेस्की गईलो भोजन करूबा अरह् से भे मेरी गईलो भोजन करला।

प्रकाशितवाक्य 7:17

किन्देंखे के बीच, के सिंगाँस्हणों गाशी बंईठा अंदा छ़ैल़्टा तिनका चराईया हंदा; से तिनू जीवन के जल के फटवाँणीं तोड़ी नींदा पंण्मिश्वर तिनकी आखी शे बादे आशुओं आगू घुष्दा”।