यूहन्ना 10:24 - Sirmouri

²⁴ तबे यहूदी अगवाल़ ऐ प्रभू यीशू च़फ़ेर शे घेरियों पुछ़्दे लागे, के “तुँऐं कबे तोड़ी आँमों दू-मंन्नें अरह् धोख्हें दे थंह्दे? अरह् जे तुँऐं सोत्तिखे मसीया असो, तअ आँमों कैई साफ़-साफ़ बुली दियों।”

सिरमौरी नौवाँ नियम

²⁴ तोबै यहूदी नेताए तैसीखै आयौ खै घेरे दिया औरौ पूछु, “तुऐं आमु जादा सौमय तौड़ी शक दै पाए राए। जै तू मसीह औसौ, तौ आमुखै साफ-साफ बौताए दै?”

यूहन्ना 10:24 ပူးပေါင်းရင်းမြစ်များ

मत्ती 11:3

“कियों तुँऐं सेजे ही असो जुण्जे आँणों वाल़े अरह् जिनके बारे दा बाय्दा करा गुवा थिया; के आँमें कोसी ओकी की ठहल़्णाँई ताक दे रंह्?”

मरकुस 8:32

प्रभू यीशू ऐ ऐजी बातो तिनशी साफ-साफ बुली, ईन्दें गाशी संत्त-पतरस ऐ तिनू ज़ई नींऐं अरह् सम्झाँदा लागा।

लूका 3:15

जबे लोगो के भूर्षा थिया, अरह् बादे आप्णें-आप्णें मंन दो संत्त-यूहन्ना के बारे दे सुह्चदे लागी रूऐ थिऐ, के कद्दी ऐजा ही मसीया तअ ने हों।

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

यूहन्ना 10:31

तबे यहूदी अगवाल़े ऐ प्रभू यीशू माँर्णों खे हजो पाथर थागे।

यूहन्ना 10:33

यहूदी अगवाल़े ऐ प्रभू यीशू खे जबाब दिता, “कंसी भले काँम-काज़ की ताँईऐं ने; परह् तू जू आप्खे पंण्मिश्वर आरी संनाँईऐं, आँमें तेसी ही कारण शी ताँव गाशी पंथराँच़ कर्णी चहाँव; किन्देंखे के तू आदमी हंऐईयों भे आपु खे पंण्मिश्वर बुले!”

यूहन्ना 16:25

“ऐसी बख्त्ते मुँऐं ऐजी बादी बातो तुओं कैई अंनाँणें दी बुली थंई; परह् सेजा बख्त्त आँदा लागा, जबे हाँव बाबा के बारे दो अंनाँणें शो ने; परह् साफ़-साफ़ खुह्लियों बुली देऊँबा।

यूहन्ना 8:25

तबे लोगे ऐं प्रभू यीशू शो पुछ़ो, “तुऐं कुँण असो?” प्रभू यीशू ऐ जबाब दिता, “सेजा ही; जुण्जो मुँऐ शुरू शो ऊँबो, तुओं खे बुलो थियों।

यूहन्ना 8:53

कियो तू अमाँरे बाबा-अब्राहम शा भे बड़ा असो? से बादे झ़ोणें मंरी गुऐ, बाबा अब्राम, अरह् ऋषी लोग भे मंरी गुऐ; परह् तू आपु खे का जाँणें?”

यूहन्ना 9:22

तेसी आदमी के माँ-बाबा ऐं ऐजी बात ईन्देंखे बुली, किन्देंखे के से यहूदी निय्म के शिखाँणों वाल़े शे डरो थिऐ; अरह् यहूदी निय्म के शिखाँणों वाल़े ऐं ऐजो आगे ही ठाटी थो थियों, के जे कुँऐं आदमी प्रभू यीशू खे मसीया माँनला तअ आँमें तेसी आदमी यहूदी च़ौत्रे शा बाँईडा गाड़ी देऊँबे।

2 कुरिन्थियों 3:12

ईन्देखे ऐसी भुर्षें आरी आँमें हिम्मत करियों बुलो,