यूहन्ना 10:10 - Sirmouri

¹⁰ चोर कोसी ओकी काँम शा ने आँदा, से तअ सिर्फ चूरी करदा, हंत्त्या करदा, अरह् नाँष करदा आँव; परह् हाँव ईन्देंखे आऐ रूवा, के तुँओं खे जीवन भेटो; अरह् भर-पुरी का जीवन भेंटो।

सिरमौरी नौवाँ नियम

¹⁰ चोर सिरफ भेड़ो कै चुराणो, मारणौ औरौ नाश कौरणौ कारिए ही आंव। हांव इथकारिए ओऊवा ताकि सै पूरी तरह शै जियुंदै रौंव।

यूहन्ना 10:10 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:11

(किन्देखे के आदमी का बैटा पाऐं अंदे बंचाँदा ही आऐ रूवा।)

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 21:13

अरह् तिनखे बुलो, “पबित्र-ग्रन्थों दो लिखी थो के ‘मेरी देऊँठी खे प्रार्थना को घर बुलो ज़ाँदो’; परह् तुँऐं ऐथू डाकू खे चूंरिणों की जागा बाणीं थंऐ।”

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

मरकुस 11:17

तेथै शिक्क्षा देंदे प्रभू यीशू मसीया ऐ बुलो, “कियो रे, तुँऐ पबित्र-ग्रन्थों दो पढ़ी ने थई, के मेरो घर सभी लोगो खे प्रार्थना को घर देऊँठी हदीं? परह् तुँऐं ऐथू चोर, डाकू, लुटरें खे चुँरिणों के ओराँटी बाँणी थऐ।”

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

यूहन्ना 10:1

“हाँव तुँओं कैई भैंड़वाल़े अरह् भैंड़ो को अनाँणों शुँणाँऊ: के जुण्जा कुँऐं भैड़शाल़ दा दुवार-जैडी खुलियों भीटा ने ज़ाव; अरह् से कैथी ऊक्त्ते ही बाटी भैड़शाल़ दा भींटा ज़ाँला, तअ से कुँऐ चोर डाकू ही हऐ सको।

यूहन्ना 10:11

“आछा भैंड़वाल़ा हाँव असो: आछा भैड़वाल़ा आप्णीं भैंड़ो की ताँईऐं आप्णी जीयाँन-प्राँण देऐ दियों।

यूहन्ना 12:47

हाँव तेसी आदमी दोषी-कसूर बार ने बाँण्दा, जुण्जा कुँऐ मेरी खुषख्बरी शुँणियों तिन्दें का पाल़्ण ने करदा; किन्देंखे के हाँव संईसारी दा दोष-कसूर लाँदा ने आऐ रंई, परह् ईयों संईसारी खे छ़ुट्कारा करदा आऐ रूवा।

यूहन्ना 12:6

तेने ऐजो ईन्देंखे ने बुली, के तेसी गरीब-कंगालो का किऐ फिकर थिया; परह् तैने ऐजो ईन्देंखे बुलो, के से चोर थिया; अरह् तेसी कैई तिनके पंय्सै की थऊँली रंह् थी; अरह् तियों थऊँली दे जुण्जे भे किऐ पंय्सै पाई थिऐ, से तिन्दें मुँझ्शे सेजे पंय्सै चूप्पीं च़ुरियों ऊँडे गाड़ो थिया।

यूहन्ना 3:17

पंण्मिश्वर ऐं आप्णा बैटा संईसारी दा ईन्देंखे ने डेयाल़ी, के से संईसारी खे सजा की अज्ञाँ दियों; परह् तेसी ईन्देंखे डेयाल़ा के संईसारी तेस्के कारण छुट्कारा-मुँक्त्ति पाँव।

यूहन्ना 5:40

तबे भे तुँऐं लोग अमर-जीवन पाँणों खे मुँह कैई ने आँणों चहाँदे।

यूहन्ना 6:33

पंण्मिश्वर की रोटी तअ ऐजी असो; जुण्जी स्वर्गो शी ऊँदी ऊत्रियों ईयों संईसारी खे अमर जीवन दियों।”

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

रोमियों 2:21

तअ: कियो तू जू ओकी कैई शो शिखाऐं, सेजो कियो तू आपु शिख्दा ने? कियों तू जू ऐशो शिखाँऐ के कुँऐं चुरी ने करे, तअ तबे भे कियों तू चुरी करे?

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

इब्रानियों 6:17

ईन्देंखे पंण्मिश्वर तिनू बाय्दे करे अंदें हंकदार खे साफ कर्णो चहाँव थिऐ, के मुँऐं देणों का जुण्जा बाय्दा करी थुवा; से कद्दी भी बद्ल़ी ने सक्दा; ईन्देकी ताँईऐं तिन्ऐं आपु-आप्णी षौह्-कंस्म करी।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

2 पतरस 1:11

परह् ऐशे दाँई तुँऐं अमाँरे प्रभू अरह् बचाँणों वाल़े प्रभू यीशू मसीया के सदा की राज्य दे बड़े आदर आरी दाखिल हऐ ज़ाँले।