यूहन्ना 1:51 - Sirmouri

⁵¹ प्रभू यीशू ऐ तेस्खे बुलो, “हाँव तुओं खे खास बात बुलू: तुऐं स्वर्ग खुलो अंदो, अरह् पंण्मिश्वर के स्वर्गदूत्त आदमी के बैटे गाशी ऊँदे आँदें, अरह् ऊँबे ज़ाँदे देख्ले।”

सिरमौरी नौवाँ नियम

⁵¹ हौजौ तैसीखै बौल़ौ, “हांव तुऔं खै साचौ-साचौ बुलू कै तुऐं स्वर्गो खै खुलू औरौ पौरमेशवर कै स्‍वर्गदूतौ कै ऊबै जांदै औरौ मुं आदमी कै बैटै कै उपरोशे उरतदै बैई दैखदै।”

यूहन्ना 1:51 ပူးပေါင်းရင်းမြစ်များ

मत्ती 25:31

“जबे आदमी का बैटा आप्णी बड़ियाऐ आरी आला, अरह् बादे स्वर्गदूत्त तेसी आरी आले, तअ से आप्णी बड़ियाऐं के सिंगास्हणं गाशी बईठला।

मत्ती 26:24

आदमी का बैटा तअ जेष्णों तेस्के बारे दो पबित्र-ग्रन्थों दो लिखी थो, तेस्खे तेष्णों ही होंदो; परह् तेसी आदमी खे श्राँप-फीटकारा असो! जेस्के कारण आदमी का बैटा थंम्बड़ाया ज़ाला: जे सेजा आदमी पय्दा ही ने हंदा तअ तेस्खे सेजो आछो होंदो थियों।”

मत्ती 3:16

नहाँण-नहाँणों पाछ़ी जेई प्रभू यीशू पाँणीं मुँझ्शे बाँईडे आऐ, तेई तिन्खे स्वर्ग खुली गुवों, अरह् संत्त-यूहन्ना ऐ पंणमिश्वर की आत्त्मा कबुतर जेष्णी ऊतर दे अरह् प्रभू यीशू गाशी ठहर्दे दे:खी।

मत्ती 4:11

तबे शैतान तिन कैई शा आगू हुटा, अरह् देखो, स्वर्गदूत्त आऐयों प्रभू यीशू के सेवा कर्दे लागे।

मत्ती 8:20

प्रभू यीशू ऐ तेस्खे बुलो, “सीयाल़ी के भे ढूऐं, अरह् अस्माँनों के चोचेटू-चड़कुले के भे कोलों हों; परह् आदमी के बैटे के मुँढो घुसर्णों खे भे जागा ने आथी।”

मत्ती 9:6

ईन्देंखे के तुँऐं जाँणी पाँव, के आदमी के बैटे खे धर्ती गाशी पाप माँफ कर्णो का भे हंक-अधिकार असो।” तबे प्रभू यीशू ऐ अदरंगो के दुखिया खे बुलो, “बिऊँज, आप्णा बिछ़ाँन्द्रा थाग, अरह् आप्णें घरे ज़ा।”

मरकुस 1:10

अरह् जबे प्रभू यीशू पाँणी मुँझ शे नहाँण-नहाँऐयों बाँईडे आऐं, तअ तेख्णी तिन्ऐ असमाँन खुल्दे, अरह् पबित्र-आत्त्मा कबुतर जेष्णीं आपु गाशी ऊतर दे दे:खी।

मरकुस 14:62

प्रभू यीशू मसीया ऐ बुलो, “होर, हाँव ही असो! तुँऐं आदमी का बैटा सर्वशंक्त्तिमान के सोऐं ढबे बईठा अंदा अरह् असमाँनों शा बाद्ल़ो मुँझी आँदे दे:ख्ले।”

लूका 2:13

तबे ऐका-ऐक तेसी स्वर्गदूत्त की गऐलो स्वर्गदूत्तों का ऐक दल़ पंण्मिश्वर की स्तुति कर्दे अरह् ऐजो बुल्दे दे:खाई पड़े,

लूका 2:9

अरह् प्रभू का ऐक दूत्त तिन कैई आऐयों खड़ा हुवा; अरह् प्रभू का त्तेज-प्रकाष तिनके चौऊ ढबै चम्का, अरह् से बैजाऐ डरी गुऐ। थिऐ।

लूका 22:43

तबे प्रभू यीशू के ऐक स्वर्गदूत्त देखाई पड़ा, जुण्जा तिनखे हिम्मत्त देंदा आऐ रूवा थिया।

लूका 22:69

परह् ऐत्त्‍लो शा ऊबा आदमी का बैटा सर्वशक्त्तिशाली पंण्मिश्वर के सूऐ ढबे बईठाल़ा ज़ाला।”

लूका 24:4

जबे से ईयों बातो शी हंराँन हऐ ही रंई थी, तअ देखो दो मंरोद् चंम्कोदे खोट्णों बाँम्बे अंदें तिन के सहाँम्णें खह्ड़े हुऐ।

लूका 3:21

जबे बादे लोगे नहाँण-नहाँऐं पाव, तबे प्रभू यीशू नहाँण-नहाँऐयों, प्रार्थना करदा लागा, तअ तबे असमाँन खुली गो;

यूहन्ना 1:50

प्रभू यीशू ऐ जबाब दिता, “मुँऐं ताँव्खे बुलो, के ‘मुँऐ ताँव तेरंम्ल़ी के डाल़ो थाँई देखा’; कियों तू ईन्देंखे बिश्वाष करे? तुऐं ईन्दें शे भे बड़े काँम देख्ले।”

यूहन्ना 10:1

“हाँव तुँओं कैई भैंड़वाल़े अरह् भैंड़ो को अनाँणों शुँणाँऊ: के जुण्जा कुँऐं भैड़शाल़ दा दुवार-जैडी खुलियों भीटा ने ज़ाव; अरह् से कैथी ऊक्त्ते ही बाटी भैड़शाल़ दा भींटा ज़ाँला, तअ से कुँऐ चोर डाकू ही हऐ सको।

यूहन्ना 10:7

ईन्देंखे प्रभू यीशू ऐ हजो तिनू लोगों खे बुलो, “हाँव तुँओं कैई शो ऐसी अंनाँणें का मंतल्व संह्म्झाँऊँ; हाँव ही भैंड़शाल़ो को दुवार असो:

यूहन्ना 13:16

हाँव तुँओं खे ऐक खास बात बुलू, के दास आप्णें माँलिक शा बड़ा ने आथी, अरह् ना डेयाल़ा अंदा आप्णें डेयाल़्णों वाल़ा शा बड़ा आथी।

यूहन्ना 13:38

प्रभू यीशू ऐ जबाब दिता, “कियों तू मेरी ताँईऐं आप्णी जीयाँन-प्राँण भे देऐ देईदा? तअ हाँव ताँव्खे खास बात बुलू, के ऐत्त्लो ही तू कोक्ड़े के बाँक देणों शा आगे च़ीं बई भाजी ज़ाँईदा के हाँव ने ऐसी जाँण्दा।

यूहन्ना 14:12

“हाँव तुँओं खे ऐक खास बात बुलू: के जुण्जा कुँऐं मुँह्दा बिश्वाष करह्, से सेजे बादे काँम-काज़ करला; जुण्जे काँम-काज़ हाँव करू, परह् से ईन्दें शे भे जादा बड़े-बड़े काँम-काज़ कर्ले; किन्देंखे के ऐबे हाँव बाबा कैई ज़ाँदा लागा।

यूहन्ना 16:20

हाँव तुँओं कैई ऐक खास बात बुलू: के तुँऐं रूह्ले अरह् लेल्याले, परह् संईसारी आँनन्द-खुशी मंनाँली; तुऐं जरूर शोग-दु:ख्ह मंनाँले, परह् तुवाँरा दु:ख्ह-शोग आँनन्द-खुशी दा बद्ल़ी ज़ाला।

यूहन्ना 16:23

तेसी देसे तुँऐं मुँह कैई शा किऐ सुवाल ने पुछ़्ले। हाँव तुँओं खे ऐक खास बात बुलू: के जे तुऐ मेरे नाँव शो बाबा कैई शो किऐ माँगले, तअ से तुओं खे मेरे नाँव शो देंऐ देले।

यूहन्ना 21:18

हाँव ताँव कैई ऐक संच्चाऐ बुलू, जबे तू जुवान थिया; तअ आप्णी लाँकी दी आपु गाच़ी बाँनें थिया, अरह् आप्णीं हिछ़या शा जेथै जाँणों चहाँऐ थिया; तेथै ज़ाऐया करे थिया, परह् जबे तू बुड़ा हंऐ ज़ाईला, तअ आप्णें हाथ खह्ड़े करला; अरह् कुँऐ ओका तेरी कंमरी दी गाच़ी बाँनला, अरह् से ताँव तेथै नींला; जेथै तू ज़ाँणों ने चहाईला।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 3:5

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँऐं आदमी पाँणी अरह् आत्त्मा शा जन्म ने लंह्दा, ताँव-तोड़ी से पंण्मिश्वर के राज्य दा हाजिर ने हऐ सक्दा।

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 5:27

अरह् तेस्खे आदमी का बैटा हंणों के कारण नियाँव कर्णो का भे हंक-अधिकार देऐ थुवा।

यूहन्ना 6:26

प्रभू यीशू ऐ तिनखे जबाब दिता, “हाँव तुँओं खे खास बात बुलू; के तुँऐं मुँह ईन्देंखे ने जुऐ लई, के तुँऐं चींह्न-चंम्त्तकार देखे, परह् तुऐं मुँह ईन्देंखे, जुऐ लुवा के तुँऐं छ़:कियों रोटी खाऐ थंई।

यूहन्ना 6:32

प्रभू यीशू ऐ तिनखे जबाब दिता, “हाँव तुँओं खे खास बात बुलू: के ऋषी-मूसा ऐ तुँओं खे स्वर्गो शी रोटी ने दिती थी; परह् मेरी बाबा ऐ तुओं खे स्वर्गो शी साच्ची रोटी देऐ लई।

यूहन्ना 6:47

हाँव तुँओं खे खास बात बुलू: जुण्जा बिश्वाष करह्; तेसी ही अमर-जीवन भेट्दा।

यूहन्ना 6:53

ईन्देंखे प्रभू यीशू ऐ तिनखे बुलो, “हाँव तुँओं खे ऐक खास बात बुलू; के जे तुऐं आदमी के बैटे की देह्-शरीर ने खाले, अरह् तेस्को लंह्ऊँ ने पीले, तअ तुओं दा जीवन ने हंदी।

यूहन्ना 8:34

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू: के जुण्जा कुँऐ आदमी पाप करदा ही रंह्, से पाप का दास गुलाँम हों।

यूहन्ना 8:51

हाँव तुँओं खे ऐक खास बात बुलू: के जे कुँऐं मेरे बचन का पाल़्ण करह्; तअ तेस्की मंऊँत्त कद्दी ने हंदी।”

यूहन्ना 8:58

प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

प्रेरितो कै काम 10:11

संत्त-पतरस ऐ देखो, के स्वर्ग खोली गुओं; अरह् ऐक बड़ी लाँम्बी-बीयूल़ी चादर जेऐ किऐ चींज स्वर्गो शी ऊदी आँदी लागी, अरह् तिन्दें के चारे कुँणें धर्त्ती गाशी थंऐ लुऐ थिऐ।

प्रेरितो कै काम 7:56

तबे स्तिफ़नुस ऐं तिनखे बुलो, “देखो, मुँऐ स्वर्ग खुलो अंदो, अरह् आदमी का बैटा पंण्मिश्वर के सोऐं ढबै खह्ल़ी अँदा देखी लुवा।”

2 थिस्सलुनीकियों 1:7

अरह् तुँओं जू कल़ेष भेंटो, तुऐ अमाँरी गईलो चऐनं शे; तेसी बख्ते जबे के प्रभू यीशू आप्णे शक्त्तिशाली दूत्तों की गईलो, भभ्कदी आगी शे स्वर्गो शे पर्गट हले,

2 थिस्सलुनीकियों 1:9

से प्रभू के सहाँम्णें अरह् तिनकी शक्त्ति के तेज शे दुर्कें हऐयों सदा खे नाँष की सजा पाँदे।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

इब्रानियों 1:14

कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?

यहूदा 1:14

हनोक ऐ भे जू आदम शी साँत्तवें पीड़ी-गड़ी का थिया, तिनके बारे दी ऐजी बरंम्बाणीं करी, “दे:खो, प्रभू आप्णें लाखो पबित्रों की गईलो आया,

प्रकाशितवाक्य 19:11

तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।

प्रकाशितवाक्य 4:1

इन बातो पाछी मुँऐं संईसारी दी देखियों झ़ैठ पाऐयों का देखी लो, के स्वर्गो दो ऐक दुवार खुली अंदो असो, अरह् जेसी मुँऐं आगे रंणशिंगै-कनाँल़ी की जेई गूँह्ज दा आपु आरी बात कर्दे शुँणाँ थिया, से ही बुलो, के “ईथै ऊँबा आ; अरह् हाँव सेजी बातो ताँव कैई शी देखाऊँबा, जुण्जी बातो ईन्दें पाछी हंणीं जरूरी ही असो।”