यूहन्ना 1:44 - Sirmouri

⁴⁴ फिलिप्पुस, बेतसैदा नंगर का रंहणों वाल़ा थिया; अरह् तेथै के ही अन्द्रियास अरह् पतरस भे थिऐ।

सिरमौरी नौवाँ नियम

⁴⁴ फिलिप्‍पुस तौ अन्द्रियास औरौ पतरस कै बैतसैदा शहर का रौणौवाल़ा थिया।

यूहन्ना 1:44 ပူးပေါင်းရင်းမြစ်များ

मत्ती 10:3

फिलिप्पुस, अरह् बरतुल्मै, थोमा, अरह् कंण-चूंगी लोणों वाल़ा मत्ती, हलफई का बैटा याकूब, अरह् तद्दै,

मत्ती 11:21

“फींटकारा असो, खुराजीन! नंगर के लोगो गाशी, अरह् फींटकारा असो, बैतसैदा! नंगर गाशी, जेथै ऐत्रे चींन-चंम्त्तकार करे गुऐ; अरह् जे सेजे ही चींन-चंम्त्तकार सूर अरह् सैदा दे करे ज़ाँदे, तअ से टाटो लई मेंठियों अरह् खेऊँड़ों गाशी बऐठियों आप्णा मंन बंद्ल़्दे।

मरकुस 3:18

अरह् अन्द्रियास, अरह् फिलिप्पुस, अरह् बरतुल्मै, अरह् मत्ती, अरह् थोमा, अरह् हलफई का बैटा याकूब, अरह् तद्दै, अरह् शमौन कनानी,

मरकुस 6:45

तैख्णी ही मसीया ऐ आप्णे चैले जूँरें नाँव गाशी बंईठाल़ियों झील शे पाँडे पाईले ढबे खे डियाल़े जेथै खे बैतसैदा बुली तेथै पंईचणों खे बिदा करे, अरह् तिन्ऐं आपु लोगों के भीड़ बिदा करी लऐ थी।

मरकुस 8:22

प्रभू यीशू अरह् चैले बैतसैदा दे आऐ, अरह् लोगे ऐक शैड़ा तिन कैई लियाऐया, अरह् ढाल-अरज करी के ऐसी छुवों।

लूका 10:13

“श्राँप-फीट्कारा असो खुराजीन खे! श्राँप-फींटकारा असो, बैतसैदा! खे किन्देंखे के जुण्जे शक्त्तिशाली काँम-काज़ तुँओं मुँझी हऐ; जे सेजी ही काँम-काज़ सूर, अरह् सैदा, दे करी ज़ादी; तअ ऐजो बादो सूर, अरह् सैदा, टाट-बुरी लई मेठियों दु:खो के मारे खेऊड़ो गाशी बऐठियों कद्दी ऐत्तलो खे मंन बद्ल़ी देंदे।

लूका 6:14

तिन के नाँव ऐशे थिऐ, शमौन जैस्को नाँव तिन्ऐं (पतरस) थो, अरह् तैस्का भाऐ अन्द्रियास, अरह् याकूब, अरह् यूहन्ना, अरह् फिलिप्पुस, अरह् बरतुल्मै,

लूका 9:10

तबे प्रभू यीशू के सेजै खास-चैले पाछ़ू आऐ, करह् सेजो जू कुछ़ तिन्ऐ करो थियों सेजो सब-कुछ़ प्रभू यीशू कैई आगू बुलो; तबे: प्रभू यीशू ऐ तिनू आप्णी गईलो बेतसैदा नंगर की ढबै नींऐ, अरह् से बादे कैथी ऐकाँन्त्त दे हुटे।

यूहन्ना 1:43

दुज़ै देसे प्रभू यीशू ऐ गलील ईलाके खे ज़ाँणों का ईरादा करा। तबे तिनकी भेंट फिलिप्पुस शी हंऐ, अरह् तिन्ऐं तेस्खे बुलो, “मुँह पाछ़ी आओ।”

यूहन्ना 1:45

तबे फिलिप्पुस, कैई शा नतनेएल भेटिया, अरह् तेने तेस्खे बुलो, “जैस्के बारे दो ऋषी-मूसा ऐं अज्ञाँ-निय्म दो, अरह् बरंम्बाँणीं कर्णों वाल़े ऋषी ऐं बुलो थियों; सेजै आँमों भेंटी गुऐ, अरह् सेजा यूसुफ का बैटा यीशू जुण्जें नाँसरंत गाँव के रंहणों वाल़े असो।”

यूहन्ना 1:46

नतनेएल ऐ तेस्खे बुलो, “कियो किऐ आछ़ी चींज भे नासरत शी भेंटी सको?” फिलिप्पुस ऐं तेस्खै बुलो, “चालियों आपु देखी पाव।”

यूहन्ना 1:48

नतनेएल ऐ प्रभू यीशू खे बुलो, “तुँऐं मुँह केशा दाँई जाँणों?” प्रभू यीशू ऐ तेस्खे जबाब दिता, “फिलिप्पुस के बंईद्णों शा आगे जेख्णों तू तेरंम्ल़ी के डाल़ो थाँई थिया; तेख्णों मुँऐं ताँव देखी पाया थिया।”

यूहन्ना 12:21

तिन्ऐ गलील ईलाके के बैतसैदा का रंहणों वाल़ा, फ़िलिप्पुस कैई आऐयों ऐजी अरज करी; के “हे, श्रीमान! आँमें प्रभू यीशू कैई शी भेंट कर्णी चहाँव।”

यूहन्ना 12:22

तबे फिलिप्पुस ऐ आऐयों अन्द्रियास कैई ऐजो बुलो, तबे अन्द्रियास अरह् फिलिप्पुस दुईन्नें झुणें ज़ाऐयों प्रभू यीशू खे बुल्दे लागे।

यूहन्ना 6:5

तबे प्रभू यीशू ऐं आप्णी आखिऐ लोगों के ऐक बड़ी बै-शुमाँर भीड़ आपु कैई आँदे देखी, अरह् तिन्ऐं फिलिप्पुस खे बुलो, “आँमें ईनू सोभी लोगो के खाँणों खे रोटी मोले केथै शी आँणों?”

यूहन्ना 6:7

फिलिप्पुस ऐ तिनखे जबाब दिता, के “दो षोंह् दीनार की रोटी भे ऐत्री भह्त्ति हंदी ने, के ईनू सोभी खे किऐ दाँणिक-दाँणिक भेटी ज़ाँव।”

प्रेरितो कै काम 1:13

नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ।