यूहन्ना 1:4 - Sirmouri

⁴ जीवन बचन दा थिया, अरह् सेजा ही जीवन आदमी खे ज्योंत्ति-प्रकाष थिया।

सिरमौरी नौवाँ नियम

⁴ सै सौबी जिन्दगीयों का स्रोत औसौ, औरौ सै सैजाई औसौ, जू सौबी लोगौ कै पेयाशो दैंव।

यूहन्ना 1:4 ပူးပေါင်းရင်းမြစ်များ

मत्ती 4:16

जुण्जे लोग ईनाँरें दे बऐठी रूऐ थिऐ, तिन्ऐ बड़ा प्रकाष दे:खा; अरह् जुण्जे मंऊँत्ती के देश अरह् छ़या दे बऐठी रूऐ थिऐ, तिनू गाशी प्रकाष चंम्का।”

लूका 2:32

के से गऐर-यहूदी खे पियाषे देणों वाल़ी जोत्त, अरह् तेरे खास लोगो इस्राएल खे बड़ियाऐं हों।”

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 12:35

प्रभू यीशू ऐ लोगो खे बुलो, ऐबे थोड़े ही बख्त्तो खे “जोत्त तुवाँरे बीच दी असो। अरह् जाँव तोड़ी जोत्त तुओं कैई असो, ताँव तोड़ी तुऐं ऊँजाल़े दे चाल्दे रंह्; जू कद्दी ऐशो ने हंईयों, के ईनाँरो तुँओं घेरी ने पाव; अरह् जुण्जा आदमी ईनाँरे दा चालो, तेस कैई ऐजा पता ने लागदा के से कैशे खे ज़ाँदा लागा।

यूहन्ना 12:46

हाँव जोत्त बंणियों ईयों संईसारी दा आऐ रूवा, जिन्दे लई सेजे बादे लोग, जुण्जे मुँह्दा बिश्वाष करह्; से ईनाँरे दे ने रंह्।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 3:19

दोषी-कसूरबार का कारण ऐजा असो, के ज्योति-प्रकाष संईसारी दे आऐ; परह् आदमी ऐं तियों ज्योति-प्रकाष प्यारी ने माँनी; अरह् तिन्ऐं ईनाँरो प्यारो माँनों, किन्देंखे के तिनके काँम-काज़ बुरे थिऐ।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 5:26

किन्देंखे के जेष्णाँ बाबा ऐं आपु दा जीवन धारण करी थुवा, तेष्णा ही तिन्ऐं बैटे कैई भे आपु दा जीवन धारण कर्णो खे हंक-अधिकार देऐ थुवा;

यूहन्ना 8:12

प्रभू यीशू ऐ हजो लोगो खे बुलो, “संईसारी खे ज्योंत्ति-प्रकाष हाँव असो; जुण्जा मुँह पाछी आला से ईनाँरे दा ने हाँड्दा, किन्देंखे के जीवन का प्रकाष ज्योत्ति हमेशा खे तेसी आरी रंह्दी।”

यूहन्ना 9:5

हाँव जाँव-तोड़ी संईसारी दा असो; ताँव-तोड़ी हाँव संईसारी खे ज्योति-प्रकाष असो।”

प्रेरितो कै काम 26:23

मतल्व ऐजो के मसीया दु:ख्ह भोगदे, अरह् मँरे अँदें मुँझी सोभी शे आगे दुज़ाल़िऐ ऊबे पाछ़ू जीऊँदें हंऐयों, आप्णें लोगों खे, अरह् गऐर-यहूदियों खे भे ज्योंत्ति-प्रकाष के खुषख्बरी का प्रचार कर्दे देंदे रंह्दे।”

1 कुरिन्थियों 15:45

पबित्र-ग्रन्थों दो लिखी भे थो, के “आगला आदमी, मतल्व आदम जीऊँदा जींव बंणा” अरह् आखरी आदम जीवन देणों वाल़ी आत्त्मा बंणी।

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

कुलुस्सियों 3:4

जबे मसीया जू अमाँरा जीवन असो से पर्गट हंदा; तबे तुँऐं भे तिनकी गईलो बड़ियाऐ आरी पर्गट करे ज़ाँदे।

1 यूहन्ना 1:1

जीवन देणों वाल़े तेसी बचन के बारे दो, जुण्जा बचन आदी शा ऊबा थिया, जेसी बचन आँमें शुँणा, अरह् जेसी आँमें आप्णी आ:खिऐ मतल्व सुवाँ करियों दे:खा, अरह् जेसी आँमें आप्णें हाथे छुवाँ।

1 यूहन्ना 1:2

जबे सेजा जीवन पर्गट हुआ, अरह् आँमें तेसी दे:खा, अरह् तिन्दे की गुवाऐ-शाज़्त दियों, अरह् तुँओं खे सेजा सदा-सदा का अमर-जीवन की खुषख्बरी दियों, जू सर्गो के परमं-पिता पंण्मिश्वर की गईलो थिया, अरह् जुण्जा आँमों गाशी पर्गट करा गुवा।

1 यूहन्ना 5:11

सेजी गुवाऐ-शाज़्त ऐजी असो: के पंण्मिश्वरे आँमों खे अमर-जीवन देऐ थुवा, किन्देंखे के सेजा अमर-जीवन तिनके बैटे दा असो।

प्रकाशितवाक्य 22:1

तबे ईन्दें पाछ़ी तेने स्वर्गदूत्तें मुँह कैई शी जीवन के जल की नंदी देखाऐ, जुण्जी बिल्लौर के जेष्णी छ़लक्दी, साफ सीसै हार्षी की जेऐ थी, जुण्जी पंण्मिश्वर अरह् छ़ैल़्टे के सिगाँस्ण शी बंह्दें नींक्ल़ों थी।

प्रकाशितवाक्य 22:16

“हाँव, यीशू, मुँऐ कलीसियाओं के बारे दी ऐजी बातो पर्गट कर्णो खे आप्णाँ दूत्त तुओं कैई डेयाल़ी थुवा; हाँव राजा दाऊद के बंष-गंड़ी का सोभी शी खास अलाद असो, अरह् झ़ीषौ बियाँणीं दा चंमम्कणों वाल़ा तारा असो।”