यूहन्ना 1:38 - Sirmouri

³⁸ प्रभू यीशू ऐ तिनू आपु पाछी आँदे देखियों पूछ़ो, “तुँऐं का चहाँव?” तिन्ऐ बुलो, “हे रब्बी मतल्व (हे गुरू जी) तुँऐं केथै रंह्?”

सिरमौरी नौवाँ नियम

³⁸ यीशुए फेरेबा औरौ तिनुखै पाछु आन्दै बैई दैखैयो तिनुखै बौल़ौ, “की तुऐं कोसके तलाश दै औसौ?” औरौ तिनुऐ तैसीखै बौल़ौ, “ओए रै गुरुजी, तू कुकै रौए?”

यूहन्ना 1:38 ပူးပေါင်းရင်းမြစ်များ

लूका 10:39

अरह् तियाँरी ऐक मरियम नाँव के बईण थी, से प्रभू यीशू के लात्तो कैई बऐठियों तिन कैई शी बचन की शिक्क्षा शुण्दी लागी।

लूका 14:25

प्रभू यीशू की गईलो लोगो के बै-शुमार भीड़ चाली रंऐ थी; तबे प्रभू यीशू ऐं लोगों की ढबे पाछ़ु फीरियों बुलो।

लूका 15:20

“तबे से बीऊँजियों आप्णें बाबा के घरह् के ढबे चाल पड़ा, अरह् से घरह् शा दुरका ही थिया; के तैस्के बाबा ऐं तैसी दुर्के शा ही दें:खी पाया, अरह् सेजा बाबा दया-रंय्म शा भर गुवा; अरह् तेने बीच़्ड़ियों ज़ाऐयों, तैसी आप्णें बैटे दी हंगाल़ दिती, अरह् तैसी खुप्टाऐ-खुप्टाऐयों पाया।

लूका 19:5

जबे प्रभू यीशू तेसी डाल़ी के नंजीक पऊँचे, तअ तिन की झ़ैठ ऊबे खे तियों डाल़ी दे पड़ी जियों डाल़ी ऊबा सेजा जक्कंई हुट्टी रूवा थिया; तबे तेसी दे:खियों प्रभू यीशू ऐं तेस्खे बुलो, “हे जक्कंई, हेभी ऊदा आ, किन्देंखे के ऐत्त्लो हाँव तेरे कागी जरूर रंह्दा।”

लूका 22:61

तबे प्रभू यीशू ऐ पाछू फीरियो, पतरस दी झ़ैठ पाऐ, अरह् पतरस के सेजी बात चींत्ते आऐं; जुण्जी बात प्रभू यीशू ऐ तैस्खे आगे ही बुली थंऐ थी, के ऐत्त्लो रात्ती ही तू कुक्ड़े के बाँक देंणों शा आगे भाजी ज़ाँईदा के हाँव ने ऐसी जाँण्दा के ऐ कुँण असो।

लूका 8:38

जैसी आदमी शी सेजी दुष्ट-आत्त्मा निक्ल़ी रंही थी, से प्रभू यीशू शी बीनत्ती करदा लागा, के मुँह भे आप्णी गईलो रंहणों दियो; परह् प्रभू यीशू ऐ तैस्खे बिदा कर्दे बुलो।

यूहन्ना 1:37

तबे सेजे दुईनें चैले, संत्त-यूहन्ना के ऐजी बात शुँणियों प्रभू यीशू पाछी चाले।

यूहन्ना 1:39

प्रभू यीशू ऐ तिनखे बुलो, “आओ अरह् देखो।” ईन्देंखे ज़ाँऐयों तिन्ऐं प्रभू यीशू को घरह् देखो; अरह् तेसी देसे से तैथी तिन कागी रूऐ: अरह् फिरेह् के चार बाजी रूऐ थिऐ।

यूहन्ना 1:49

नतनेएल ऐ प्रभू यीशू खे जबाब दिता, “हे रब्बी, गुरूजी! तू सोत्तिखे पंण्मिश्वर का बैटा असो: तू ही इस्राएल का महाँन राजा असो।”

यूहन्ना 12:21

तिन्ऐ गलील ईलाके के बैतसैदा का रंहणों वाल़ा, फ़िलिप्पुस कैई आऐयों ऐजी अरज करी; के “हे, श्रीमान! आँमें प्रभू यीशू कैई शी भेंट कर्णी चहाँव।”

यूहन्ना 18:4

प्रभू यीशू ऐ, सेजो जाँणियों के मुँह गाशी, का-का बित्त्दी, से आगुड़े हुटे, अरह् तिन्ऐं तिन कैई शो पुछ़ो; के “तुऐं कोसी जुह्ऐ लुवा?”

यूहन्ना 18:7

तबे: प्रभू यीशू ऐ तिन कैई शो हजो पुछो, “तुँऐं कोसी जुह्ऐ लुवा।” तिन्ऐ बुलो, “नासरत्त गाँव का यीशू।”

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 3:26

संत्त-यूहन्ना नहाँण-कराँणों वाल़े के चैले ऐं आप्णे गुरू संत्त-यूहन्ना कैई आऐयों बुलो, “हे रब्बी, (गुरू जी) जुण्जा आदमी यरदन शा पाईले ढबे तुँवारी गईलो थिया, अरह् जेस्के बारे दे तुँऐं गुवाऐ-शाज़्त्त देऐ थी; देखो, तेने आदमी ऐं भे ऐबे लोगों कैई शो नहाँण-कराँऐ लो; अरह् ऐबे बादे लोग तेसी ही कैई नहाँण-नहाँदे ज़ाँदे लागे।”

यूहन्ना 4:31

तबे चैले ऐं तेख्णीं प्रभू यीशू शी बिनती करी, के “हे रंब्बी! हे गुरू जी! तुऐं भे किऐ खाऐ करह्।”

यूहन्ना 6:25

जबे सेजे लोग झील शे पाँईले ढबे हुटे, अरह् तिन्ऐ प्रभू यीशू तेथै देखे, तअ तिन्ऐ बुलो, “रंब्बी (हे गुरू जी! तुऐं ईथै कबे आऐ?”

प्रेरितो कै काम 10:21

तबे: संत्त-पतरस तिनू लोगों कैई ऊदे हुटियों बुल्दे लागे, “तुऐ जैसी जुह्दे आऐ रूऐ, सेजा हाँव ही असो; तुऐं कैई आऐ रूऐ?”

प्रेरितो कै काम 10:29

ईन्देंखे तुवाँरे बंईद्णों गाशी, हाँव बै-झीझ्क ईथै आऐ रूवा; अरह् ऐबे हाँव तुओं कैई शो ऐजो पुछ़णों चहाँऊँ; के तुऐं मुँह कैई बंऐदी थुवा?”