यूहन्ना 1:34 - Sirmouri

³⁴ आपु मुँऐ ऐजो देखों, अरह् हाँव ईन्दें का गुवाह्-शाज़्त असो; के ऐजा ही पंण्मिश्वर का बैटा असो।”

सिरमौरी नौवाँ नियम

³⁴ मोऐं आपी दैखौ, औरौ हांव तुऔं कैई साचौ बुलू, की ऐजाई पौरमेशवर का बैटा औसौ।”

यूहन्ना 1:34 ပူးပေါင်းရင်းမြစ်များ

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

मत्ती 16:16

शमौन संत्त-पतरस ऐ जबाब दिता, “तुँऐं जीऊँदे पंणमिश्वर का बैटा मसीया असो!”

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

मत्ती 26:63

परह् प्रभू यीशू चुप्पी रूऐ। तबे महाँ-याजक ऐ तिनखे बुलो, “हाँव ताँव्खे जीऊँदे पंणमिश्वर के षौह् देऊँ, के जे तू पंणमिश्वर का बैटा मसीया असो, तअ आँमों कैई ऊडो बुली दे।”

मत्ती 27:40

“अरे तू! तू तअ बुले थिया, के देऊँठी ढाल़ी दियों, अरह् हाँव ऐथू च़ीज़े को खड़ो करी देऊँबा, ऐबे आपु तअ बंचाऐयों दे:ख! जे तू पंणमिश्वर का बैटा असो, तअ ऊदा आ शुँल़ी-फ़ाँशी गैछ़ा।”

मत्ती 27:43

ऐ पंणमिश्वर दा बिश्वाष करह्, किन्देंखे के ऐने ऐजो बुली थो, के ‘हाँव ही पंणमिश्वर का बैटा असो’, तबे पंणमिश्वर ऐसी छुड़ोऐ देला जे से ऐसी शो पियार करह्।”

मत्ती 27:54

तबे सुबेदांर अरह् जुण्जे तिनकी गईलो यीशू के पऐरे देंदे थिऐ, से भूईंच्ल़ो, अरह् जुण्जो किऐ तेथै हुओं थियों, तेथू दे:खियों बैजाऐ डरी गुऐ; अरह् बुलो, “सतिखे ऐ पंणमिश्वर का बैटा थिया!”

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

मत्ती 4:3

तबे पर्ख्णों वाल़े शैतान नंजीक आऐयों प्रभू यीशू खे बुलो, “जे तू पंणमिश्वर का बैटा असो, तअ अज्ञाँ दे के पाथरो की रोटी बंणी ज़ाँव।”

मत्ती 4:6

अरह् तिनखे बुलो, “जे तू पंणमिश्वर का बैटा असो, तअ आपु ईथै शी ऊदी दे; किन्देखे के पबित्र-ग्रन्थों दो लिखी थो: के ‘पंणमिश्वर तेरे बारे दी आप्णें स्वर्गदूत्तो खे अज्ञाँ देंदे, अरह् से ताँव हाथे-हाथ ऊबा थाग्दे; जू कद्दी ऐशो ने हईयों के तेरे लातो दी पाथरो लई ढैस-ठूकर ने लागो।’”

मत्ती 8:29

तिन्ऐ लेल्याऐयों बुलो, “हे पंणमिश्वर का बैटा, अमाँरें तुँओं कैई शो का लोणों? किन्देखे के तुँऐं बख्तो शे आगे आँमों खे दु:ख देंदे ईथे कैई आऐ रूऐ?”

मरकुस 1:1

पंणमिश्वर का बैटा प्रभू यीशू मसीया की खुषख्बरी ऐशी दाँई शुरू हों।

मरकुस 1:11

अरह् स्वर्गो शी ऐजी धाव पड़ी: “तू मेरा प्यारा बैटा असो, हाँव ताँव शा बैजाऐ खुशी असो।”

लूका 1:35

स्वर्गदूत्त ऐ तियोंखे जबाब दिता, “पबित्र-आत्त्मा ताँव गाशी ऊतर्दे, अरह् (परंम-पिता पंणमिश्वर) के शक्त्ति ताँव गाशी छया कर्दे, ईन्देखे के सेजा बालक जू पय्दा हंणो वाल़ा असो, से पबित्र हंदा; तेस्खे पणमिश्वर का बैटा बुल्दा।

लूका 3:22

अरह् पबित्र-आत्त्मा देह्-शरीर धार्ण करियों कबुतर जैष्णी ऊड़ाऐयों तिन गाशी आऐ, अरह् ऐजी अकाष्वाँणी हऐ, “तू मेरा लाड़कू बैटा असो, हाँव ताँव शा खुशी असो।”

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

यूहन्ना 1:49

नतनेएल ऐ प्रभू यीशू खे जबाब दिता, “हे रब्बी, गुरूजी! तू सोत्तिखे पंण्मिश्वर का बैटा असो: तू ही इस्राएल का महाँन राजा असो।”

यूहन्ना 10:30

‘हाँव अरह् बाबा ऐक जीऊँ असो।’”

यूहन्ना 10:36

तअ जेसी पंण्मिश्वर ऐं, पबित्र बंणाँऐयों; ईयों संईसारी दा डेयाल़ी थुवा: ‘तेस्खें तुऐ लोग पंण्मिश्वर की निदया कर्णो वाल़ा बुलो,’ से सिर्फ ईन्देंखे के मुँऐं ऐजो बुलो; के ‘हाँव पंण्मिश्वर का बैटा असो?’

यूहन्ना 11:27

मार्था ऐ जबाब दिता, “होर, प्रभू जी! हाँव बिश्वाष करू; के तुऐं ही मसीया, मतल्व पंण्मिश्वर का बैटा असो; जुण्जा संईसारी दा आँणों वाल़ा थिया।”

यूहन्ना 19:7

यहूदी अगवाल़ ऐ, जबाब दिता, “अमाँरे भे ऐक निय्म-रूवाज असो, अरह् तेसी निय्म-रूवाजो के मुँताबिक ऐ मंऊँत्ती की सजा ज़ूगा असो; किन्देंखे के ऐ आपु खे पंण्मिश्वर का बैटा बुलो।”

यूहन्ना 20:28

तबे थोंमा ऐ जबाब दिता; “हे मेरे प्रभू! हे मेरे पंण्मिश्वर!”

यूहन्ना 20:31

परह् ईन्दें का बखाँण ईन्देंखे दिया गुवा, जिन्दें लंई तुऐं बिश्वाष करह्; के यीशू ही पंण्मिश्वर का बैटा मसीया असो; अरह् आप्णें ऐसी ही बिश्वाष के कारण तिनके नाँव शा अमर-जीवन पाँव।

यूहन्ना 6:69

आँमें बिश्वाष करह्, के तुँऐं ही ‘पंण्मिश्वर के पबित्र जंण’ असो।”

रोमियों 1:4

अरह् पबित्र-आत्त्मा के जाँणें से मरे अंदे मुंझ्शा ऊबे जीऊँणों के जाँणें शक्त्ति आरी पंणमिश्वर का बैटा माँना गुवा।

2 कुरिन्थियों 1:19

किन्देंखे के पंण्मिश्वर का बैटा यीशू मसीया जिनका अमाँरे जाँणें मतल्व मेरे अरह् सिलवानुस अरह् तीमुथियुस के जाँणें तुवाँरे बिचो दा प्रचार हुआ, तिन्दो “हाँ”, अरह् “नहाँ”, दुईनें ने थी, परह् “हाँ” ही “हाँ” हऐ थी।

इब्रानियों 7:3

कोसी कैई भे तेसी मलिकीसिदक के माँ, बाबा, अरह् ना बंष-गड़ी का पता आथी, अरह् ना जेस्के शुरू का, अरह् ना जीवन के अंन्त्त का किऐ पता थी; अरह् से भे पंण्मिश्वर के बैटे का जिया संदा खे याजक असो।

1 यूहन्ना 2:23

जुण्जा कुँऐं बैटे को ने माँन्दा, तैस कैई स्वर्गो का पिता भे आथी ने: परह् जुण्जा कुँऐं बैटे को माँनी पाँव, तैस कैई स्वर्गो का पिता भे असो ऐ।

1 यूहन्ना 3:8

पाप कर्णो वाल़ा आदमी शैतान का असो, किन्देंखे के शैतान शुरू शा ही ऊबा पाप करदा रंह्; परह् पंण्मिश्वर का बैटा ईन्देंखे पर्गट हुवा, के शैतान की बादी काँम-काज़ का नाष करी दियों।

1 यूहन्ना 4:9

आँमों मुँझी पंण्मिश्वर को पियार ऐशो दाई पर्गट हुवो; के पंण्मिश्वरे आप्णें ऐकलोता बैटा भे ईयों संईसारी दे ईन्देंखे डियाल़े, के आँमों तिनकी जाँणें अमर-जीवन भेटो।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

2 यूहन्ना 1:9

जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।

प्रकाशितवाक्य 2:18

“थुआतीरा नंगर की कलीसिया के दूत्त खे ऐजो लिख: “पंण्मिश्वर का बैटा जिनकी आँखी भभ्कदी आगी के लहयारे जेष्णी, अरह् जेस्के लात्त आछे पीतलो के जैष्णें असो; से ऐजो बुलो के,