यूहन्ना 1:17 - Sirmouri

¹⁷ ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

सिरमौरी नौवाँ नियम

¹⁷ इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 1:17 ပူးပေါင်းရင်းမြစ်များ

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

यूहन्ना 5:45

ऐजा बिचार आप्णें मंन शा नींकाल़ी दियों, के हाँव बाबा के सहाँम्णें तुओं लोगो गाशी किऐ दोष-ईल़्जाँम लाऊँबा; किन्देंखे के तुओं गाशी दोष-ईल़्जाँम लाणों वाल़ा तअ कुँऐ ओका असो, मतल्व ऋषी मूसा जेस्दा तुऐ बिश्वाष करह्।

यूहन्ना 7:19

कियो ऋषी-मूसा ऐ तुँओं खे अज्ञाँ-निय्म देऐ ने थंऐ? तबे भे तुँओं मुँझी कुँऐं भे अज्ञाँ-निय्म का पाल़्ण ने करदा, तअ तबे तुँऐं लोग मुँह माँरणाँ कैई चहाँव?”

यूहन्ना 8:32

तुँऐं सच्चाऐ जाँण्ले, अरह् सच्चाऐ तुँओं अजाद कर्लीं।”

यूहन्ना 9:29

आँमें ऐजो जाँणों ऐं, के पंण्मिश्वर ऐ ऋषी-मूसा की गईलो बात-चींत्त करी; परह् आँमें तेसी आदमी ने जाँण्दें, से पता ने केथै शा आऐं रूवा।”

प्रेरितो कै काम 28:23

तबे: यहूदियों ऐ संत्त-पौलुस की गईलो ऐक देस बंईठणों खे पाक्को करो, अरह् बैजाऐ लोग कंट्ठै हुऐ; अरह् तबे संत्त-पौलुस झ़ीषों शा पुंडा फ़ीरे तोड़ी तिनू आरी बात-चींत्त करदा रूवा; अरह् पंण्मिश्वर के राज्य के बारे दी आप्णीं गुवाऐ-शाज़्त्त देंदे रूवा; अरह् ऋषी मूसा खे भेटे गुऐ अज्ञाँ निय्म, अरह् ऋषियों के पबित्र-ग्रन्थों के मुँताबिक तिन कैई प्रभू यीशू के बारे दे संहम्झाँणों की कोशिष करदा रूवा।

प्रेरितो कै काम 7:38

से सेजा ही ऋषी मूसा थिया, जुण्जा शुंन-शाँन जागा की कलीसिया के बीच दी तेसी स्वर्गदूत्त की गंईलो सीनै धारोह् गाशी बात-चींत करह् थिया; से अमाँरे पुराँणियों आरी भी थिया, तेसी ही ऋषी मूसा खे जीऊँदें बचन भे भेंटे, के से सेजे पंण्मिश्वर के बचन आँमों तोड़ी पंह्ऊँचाल़ो।

रोमियों 6:14

तबे तुँओं गाशी पाप का हंक ने रंह्दी, किन्देंखे के तुँऐं ऋषी-मूसा खे भेटे गुऐ निय्म के बंष दे ने, परह् पंणमिश्वर की कृपा के बंष दे हंन्दे।

2 कुरिन्थियों 1:20

किन्देंखे के पंण्मिश्वर के जै-तोड़े बाय्दे असो, से ईन्दी ही “हाँ” आरी हों। ईन्देंखे तिनके जाँणें आमीन भे हऐ, के अमाँरे जाँणें पंण्मिश्वर के बड़ियाऐं हों।

गलातियौं 3:17

परह् मतल्व ऐजा असो, जुण्जा बाय्दा पंण्मिश्वरे आगे ही पाक्का करी थुवा थिया; सेजा चार षौ तीष बर्ष पाछी आँणों वाल़ा, मूसा खे भेटे गुऐ अज्ञा-निय्म के रित्ती शा ने बद्ल़ी सको थिया; अरह् ना ही बाय्दा बै-कार बाँणा ज़ाँव थिया।

इब्रानियों 9:22

अरह् अज्ञा-निय्म के मुँताबिक मंतल्व; ऐक नाँम चींजो लह्ऊँ के छ़िड़कावे के कारण शुद्ध करी गंई; अरह् बल़ीदाँण के लह्ऊँ के बिना पाप खे माँफ़ी भेंट्णीं सुखी ने आथी।