याकूब 5:5 - Sirmouri

⁵ संईसारी धर्ती गाशी तुवाँरा जीवन बैजाऐ सुखी-आँनन्द थिया, अरह् तुँवारा दिल भे देह्-शरीर की हिछ़या शा भरा अंदा थिया, जिन्दें लई तुँऐं मुँटे-ताजे हंऐ रूऐ थिऐ, जेष्णें बाड़े के भात्ती मुँटियों।

सिरमौरी नौवाँ नियम

⁵ तुऐं धोरती पांदी ऐशौ आराम दै लागैयौंदे रौंव, औरौ बौड़ा ही सुख भोगे राए, ऐशै कौरेयौ तुऐं तिनु गोरु कै जैशणै आपी कै मोटा-ताजा कौरे राए जिनुखै बाद दै मारैयौ खाए दैंव, तिनु साए तुऐं बै ऐजौ ना जाणौ कै तोंवारा नाश हौणौवाल़ा औसौ।

याकूब 5:5 ပူးပေါင်းရင်းမြစ်များ

लूका 16:19

“ऐक सैठ आदमी थिया, जू आछे मंख्मल के खोट्णों बाँम्बो थिया; जू रोज सुख्ह-बिलास दा अरह् ठाट-बाट आरी जीयों थिया।

लूका 16:25

परह् बाबा अब्राहम ऐं तैस्खे बुलो, ‘हे बैटा, देई तअ चींत्ते करह् के तुँऐं आप्णी जीवन दी आच्छ़ी च़ीजों लंऐ थंई; परह् ऐसी लाजर दु:ख्ह ही दु:ख भेटी रूवा, परह् ऐबे ऐसी ईथै शाँण्त्ति भेटी रंऐ; अरह् तू तड़फ़ी रूवा।

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

1 तीमुथियुस 5:6

परह् जुण्जी बिध्वा भोग-बिलास दे पढ़ी गऐ, से जीऊँदी हंऐयों भे मँरी गंऐ।

2 तीमुथियुस 3:4

बिश्वाषघाती, ढीठ, घमंडी, अरह् पंण्मिश्वर के ने, परह् आप्णे भोग-बिलास के चहाँणों वाल़े ही हंदे।

2 पतरस 2:13

अरह् ऐशा दाँई से आप्णें पापो की सजा भूगतले। तिनू देसो के दुपारे भोग-बिलास करणा आछा लागो, ऐजा ऐक कल़ंक असो, ऐष्णें लोग जबे तुँवारी गईलो खाँव-पीयों ऐ तअ से आपु अरे शा भोग-बिलास करह्,

यहूदा 1:12

ऐजे लोग तुँवारी पियार की खुम्ल़ी दो तुँवारी गईलो खाँदें, पींन्दें रंह्, ऐजे लोग संमुन्द्रो दी छुपी कऐड़ी जेई असो; अरह् बै-झीझ्क बै-धड़क आप्णों पेट-ओजरा भरो; से बिना पाँणी के बाद्ल़ो जिऐ असो, जुण्जे बागूरिऐ ऊड़ाऐ ज़ाँव; ऐ बै-मोस्मी फल़ की जेई डाली जुण्जी दूबंई मंरी गुऐ अरह् जंड़ शै ऊखलियों हुटे।

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।