याकूब 5:20 - Sirmouri

²⁰ तअ जे कुँऐं तेसी भट्का हंदा पापी पाछू फेरियों आँणों, तअ सेजा आदमी तेसी भट्के अंदे पापी आदमी के प्राण-आत्त्मा मंऊँत्ती शे बंचाऐयों तेस्की पाप गाशी पड़दा पाँव।

सिरमौरी नौवाँ नियम

²⁰ तौ तुऔं ऐजौ पौता हौणौ चैंई कै जू कुणिए आदमी सौचाई शै भोटकैयोंदै पापी कै फैर लांव, तौ सै तैसी पापी कै जिन्दगी कै मौत शै बौचांदा औरौ पौरमेशवर तैसकै सौबै पापौ कै माफ कौरे दैंदा।

याकूब 5:20 ပူးပေါင်းရင်းမြစ်များ

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

रोमियों 11:14

जू हाँव केशे ही दाँई, आप्णें कुड़्बे के इस्राएली लोगो दी जल़्ण-डाह् पय्दा कराऐयों, तिनू मुँझ्शा कोसी ऐकी का तअ मुँक्त्ति कराऐ सँकू।

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

1 कुरिन्थियों 9:22

कंमजूरो खे कंंमजोर बणा, जू हाँव तिनू कंंमजोर लोग भे खींचियों लियाँऊ। हाँव सोभी आदमी खे सब-कुछ बंणा के कैशे ही दाँई भे हाँव कोसी ऐक खे छ़ूट्कारा देयाऐ सकूँ।

1 तीमुथियुस 4:16

आप्णीं तरफ़ शा आप्णें भाष्ण दा च़ौक्क्ष रूऐ, अरह् ईनू ही बातो गाशी पाक्का भे रूऐ; किन्देंखे के जे तू ऐष्णों ही करदा रंईला, तअ तू आप्णाँ अरह् तेरी बातो शुँण्णों वाल़े लोगों खे भे ऐक आच्छ़ा-नंमुँना बंणला।

फिलेमोन 1:19

मुँऐ पौलुस ऐ आप्णे हाथै लिखी लों, के हाँव आपु आगु देऊँबा; अरह् ऐस्खे बुल्णों के किऐ जरूरत ने आथी, के मेरी कर्जी जुण्जी ताँव कैई असो, से तू ही असो।

याकूब 1:15

तबे सेजा लूभ-लाल़्च बड़ियों पाप कराँव, अरह् मऊँत्ती के मुँओं दे नींयों।

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

याकूब 5:15

अरह् बिश्वाष की प्रार्थना लई सेजा रूगी चाँगा हऐयों प्रभू के नाँव शा बंची ज़ाला, अरह् जे तेने किऐ पाप करी थुऐ, तअ प्रभू सेजे भे तेस्खे माँफ करी देला।

याकूब 5:19

हे मेरे भाऐ बंईणों, जे तुँओं मुँझ्षा कुँऐं सच्चाई के बाटो शा भट्की ज़ाला, अरह् तेसी कुँऐं पाछू फिरऐयों आँणों। स्वर्गदूत्तों दे हुटे दे भे खुशी मनुवाँ जे कुँऐं बुराई शा पाछू फिरंह्

1 पतरस 4:8

सोभी शी बड़ी प्रभू यीशू के बात ऐजी असो, के ओका ओकी शो बैजाऐ पियार करह्, किन्देंखे के पियार कऐयों पाप दबाऐ दियों।

प्रकाशितवाक्य 20:6

भागोईंत्त अरह् पबित्र सेजे असो, जिनू ऐसी आगले ऊबे जीऊँणों के साजी बंणाँऐ गुवे। तियों दुज़ी मंऊँत्ती का तिनू गाशी किऐ हंक-अधिकार ने आथी; परह् से पंण्मिश्वर अरह् मसीया के बड़े-याजक हले, अरह् तिनकी गईलो हजार साल्ह तोड़ी से राज कर्ले।