याकूब 5:19 - Sirmouri

¹⁹ हे मेरे भाऐ बंईणों, जे तुँओं मुँझ्षा कुँऐं सच्चाई के बाटो शा भट्की ज़ाला, अरह् तेसी कुँऐं पाछू फिरऐयों आँणों। स्वर्गदूत्तों दे हुटे दे भे खुशी मनुवाँ जे कुँऐं बुराई शा पाछू फिरंह्

सिरमौरी नौवाँ नियम

¹⁹ ओए रै मैरै भाईटु, जै तुऔं मुंजी कुणिए बिशवाशी पौरमेशवर कै साची शिक्षाओं शै भोटके जांव, औरौ जै कुणिए तैसकै पापौ कै छौड़णौ दै मौदद कौरौ

याकूब 5:19 ပူးပေါင်းရင်းမြစ်များ

मत्ती 18:15

“जे कुँऐं बिश्वाषी भाऐ के बंईण तेरे बिरूध किऐ पाप कसूर करह्, तअ ज़ा अरह् ऐकाँन्त्त दी तेसी आरी बात-चीत्त करियों तेसी सम्झा; जे से तेरी शुणीं पाँव तअ ताँव तेरा बिश्वाषी भाऐ, बंईण पाछु भेंटी गुऐ।

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

गलातियौं 6:1

हे भाऐ बंईणों, जे कुँऐं आदमी कोसी जुलूमं कर्दें ऊडा थाँबड़ा जाँव, तअ तुँऐं जुण्जे आत्त्मिक असो, सेजे नंरमाँऐं आरी, तेष्णें लोग सम्झाव, अरह् आप्णा भे ख्याल थुऐ, के तुँऐं भे परख दे ने पड़ो। सम्भाल़ो, अरह् आप्णा भे ख्याल थुऐं, के तुँऐं भे परख दे ने पड़ो।

1 तीमुथियुस 6:10

किन्देंखे के रूपिऐ का लोभ बादी बुराई की जड़ असो, जिनू पाँणों की कोशिष दी बहीते लोग बिश्वाष शे भट्कियों आपु-आप्खे कई किस्म के दु:खो लई छिनं-भीनं हऐ ज़ाँव।

1 तीमुथियुस 6:21

किन्देंखे के किऐ लोग ईनू ज्ञाँन माँनींयों बिश्वाष शे बिगड़ी गुऐ, परह् पंण्मिश्वर का कृपा तुँओं आरी सदा रंऐ चेंई।

2 तीमुथियुस 2:18

किन्देखे के सेजे भाऐ ऐजो बुल्दे-बुल्दे के दुज़ाल़िऐ पाछ़ू ऊबो जीऊँणों तअ कंद्दी हंऐ रूओं; अरह् से सच्चाई शे भट्की गुऐ; अरह् पताने तिन्ऐं कैतोड़े का बिश्वाष ऊल़्टा-पुल़्टा करी दिता।

इब्रानियों 5:2

तेस्दी बै-संह्झ़ों, अरह् भूले-भट्के की गंईलो, नंरमाँई का बरताव कर्णो के तागत्त हों, किन्देंखे के से आपु भे आदमी की कंमजूरी शा घीरा अंदा असो।

याकूब 1:16

हे मेरे प्यारें भाऐ बंईणों, धोखे दे रूऐ।

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

याकूब 3:14

परह् जे तुवाँरा मंन-सास डाह्-जल़ण अरह् सुवार्थी हिछ़्या शा भरा अंदा असो, अरह् तिन्दा तुँऐं किऐ धमंन्ड करियों साचे को झूठो बाँणियों ने बुल़े।

याकूब 5:20

तअ जे कुँऐं तेसी भट्का हंदा पापी पाछू फेरियों आँणों, तअ सेजा आदमी तेसी भट्के अंदे पापी आदमी के प्राण-आत्त्मा मंऊँत्ती शे बंचाऐयों तेस्की पाप गाशी पड़दा पाँव।

2 पतरस 3:17

ईन्देंखे हे प्यारे साथियों, तुँऐं लोग आगे ही ईनू बातो जाँणियों च़ौक्क्ष रंह्, जू अ-धर्मी-पापी के जाल़ो दे फशियों आप्णी दृड्ता आप्णें हाथे ने गुवाँल़ों।

यहूदा 1:11

निर्भाग असो! सेजे जू कैन की जैऐ चाल-चालो, अरह् मंजदूरी धियाड़ी देणों खे बिलाम जैष्णें बंईमाँन, भीरिष्ट हऐ गुऐ, अरह् कोरह्, के जैष्णें बिरूध करियों नाँष हुऐ।