याकूब 5:15 - Sirmouri

¹⁵ अरह् बिश्वाष की प्रार्थना लई सेजा रूगी चाँगा हऐयों प्रभू के नाँव शा बंची ज़ाला, अरह् जे तेने किऐ पाप करी थुऐ, तअ प्रभू सेजे भे तेस्खे माँफ करी देला।

सिरमौरी नौवाँ नियम

¹⁵ औरौ बिशवाश कै प्रार्थना लैई बीमार बौचै जांदा औरौ प्रभु तैसीखै औटेयौ खै ठीक कौरदा औरौ जै तैणै पाप बै कौरे रालै तौ पौरमेशवर तैसीखै माफ कौरदा।

याकूब 5:15 ပူးပေါင်းရင်းမြစ်များ

मत्ती 17:20

तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी।

यूहन्ना 5:14

अरह् किऐ बख्ह्त्त बित्त्णों गाशी, प्रभू यीशू ऐ तेसी आदमी देऊँठी दा देंखियों तेस्खे बुलो, “देख्ह तू चाँग्गा हऐ गुवा; ऐबे हजो पाप ने करे; जू कोद्दी ऐशो ने हऐयों के ताँव गाशी ईन्दें शी भे जादा अब्ल़ी ने बईठो।”

यूहन्ना 6:39

अरह् जिन्ऐं मुँह डेयाल़ी थुवा, तिनकी हिछ़या ऐजी असो; के जिनू तिन्ऐं मुँखे देऐ थुऐ; हाँव तिन मुँझ्शा ऐक भे नाँष ने हंणों देऊँ, परह् तिनू सोभी आखरी के देसो दे हजो पाछ़ू ऊँबे जीऊँदे करी देऊँबा।

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

2 कुरिन्थियों 4:14

किन्देंखे के आँमें जाँणों ऐ, के जिन्ऐं प्रभू यीशू जियाल़े, सेही आँमों भे प्रभू यीशू के साथी जाणियों ऊबे जियाल़्दे, अरह् तुँवारी गईलो आप्णें साम्णें हाजिर कर्दें।

याकूब 1:6

सिर्फ बिश्वाष आरी माँगों। दाँणिक भे षक ने करा चेंई। परह् जिनके षक हो, से संमुन्द्रो की फालो जेष्णाँ हों, जू ढोंढ-बागूरिऐ खिदर-बदर हऐयों जिदो-किदो ज़ाँव।

याकूब 5:13

जे तुँओं मुँझी कुँऐं दु:ख-तख्लिफ दा असो, तअ से प्रार्थना करह्, जे कुँऐं सु:खी-मंजे दा असो, तअ से दिल शे स्तुति-अरार्धना के भजन गाँव।

याकूब 5:16

आछो तअ ऐजो असो, के तुऐं आप्णें पाप आपु ओका ओकी के साम्णें माँनी पाँव, अरह् ओका ओकी खे प्रार्थना करह्, जिन्दें लई तुँऐं हजो चाँगै हऐ ज़ाँव, किन्देंखे के धर्मी जंण की प्रार्थना की शक्त्ति लई सब-कुछ हों।

याकूब 5:20

तअ जे कुँऐं तेसी भट्का हंदा पापी पाछू फेरियों आँणों, तअ सेजा आदमी तेसी भट्के अंदे पापी आदमी के प्राण-आत्त्मा मंऊँत्ती शे बंचाऐयों तेस्की पाप गाशी पड़दा पाँव।