याकूब 4:8 - Sirmouri

⁸ पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।

सिरमौरी नौवाँ नियम

⁸ पौरमेशवर कै नेड़िक आव, तौ सै बै तोंवारै नेड़िक आन्‍दा। ओए रै पापियों आपणै जीवन शै पाप कै दूर कौरौ, औरौ ओए रै दुगल़ै लोगौ आपणै मन खै पवित्र कौरौ।

याकूब 4:8 ပူးပေါင်းရင်းမြစ်များ

मत्ती 12:33

“जेसी डाल़ों खे तुँऐं आछा बुलो, तिन्दें के फल़ खे भे आछा हों, अरह् जे तुँऐं कोसी डाल़ो खे नि-काँम्मा बुलो तअ तेसी डाल़ो के फल़ खे भे नि-काँम्मा बुलो; किन्देखे के ऐक नाँम डाल़ तिनके फल़ शे ही पंछ़्याँणें ज़ाँव।

मत्ती 15:2

“तुवाँरें चैले पुराणियों के रित्ती-रूवाज कैई टाल़ो, अरह् ऐ पुराणियाँ के हिसाब शे रोटी खाँणों खे हाथ कैई ने धुन्दें?”

मत्ती 27:24

जबे हाक्म पिलातुस ऐ दे:खो, के किऐ ने करिन्दो, परह् ईन्दें के बिरूध बैगेही हाला-घुला हंदा लागा, तअ तेने पाँणी करियों लोगो की भीड़ के साम्णें आप्णें हाथ धुऐं अरह् बुलो, “हाँव ऐसी धर्मी के लह्ऊँ शा बै-कसूर असो; तुँऐं ही जाँणों।”

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

2 कुरिन्थियों 7:1

तअ: हे प्यारे, जबे के आँमों ऐजा बाय्दा भेटी रूवा, तअ आओ, आँमें आपु-आप्णी देह्-शरीर आत्त्मा की बादी गंन्दगी शे शुद्ध करह्, अरह् पंण्मिश्वर का डर थईयों पबित्रता साच्ची बाँणों।

1 तीमुथियुस 2:8

ईन्देंखे हाँव ऐशो चहाऊँ, के ढीको मरोद्, बिना घीपी अरह् बिना बाद-बिबाद के आप्णें पबित्र हाथ खह्ड़े करियों प्रार्थना करिया करह्।

इब्रानियों 10:22

तअ आव, आँमें साच्चै मंन, अरह् बादे बिश्वाष आरी, अरह् आप्णी अंन्त्तर आत्त्मा का दोष दूर कर्णो खे आप्णें दिल गाशी छ़िड़कावा करियों, अरह् आप्णी देह्-शरीर शुद्ध जंल शी धोऐयों पंण्मिश्वर के नंजीक ज़ाँव।

इब्रानियों 7:19

(ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।

याकूब 1:8

सेजा आदमी दू-मंना-दू-चीत्ता, असो, अरह् आप्णी बादी बातो दा चंचल असो।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 पतरस 3:21

ऐजो नहाँण-नहाँणों च़ीन असो, जू तुओं खे छूट्कारा असो; ऐसी नहाँणों का मतल्व देह्-शरीर को मोंल़ धुणों ने आथी; परह् शुद्ध मंन शा पंण्मिश्वर खे आपु आप्खे देणों असो, किन्दें खे के ऐजो नहाँण प्रभू यीशू मसीया के दुज़ाल़िऐ ऊबै जीऊँणों का प्रतिक असो।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।