याकूब 4:5 - Sirmouri

⁵ कियो तुँऐं ईयो जाँणों के पबित्र-ग्रन्थों का ऐसी कथंन का किऐ अर्थ ने आथी: सेजी आत्त्मा जियों “पंणमिश्वरे आँमों दी बसाऐ थऐ, से बैजाऐ आप्णी हिछ़या शी आँमों खे ऐजी काँमना करह् जिन्दें का प्रत्ति-फ़ल़ डाह्-जल़ण हों”।

सिरमौरी नौवाँ नियम

⁵ कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?

याकूब 4:5 ပူးပေါင်းရင်းမြစ်များ

यूहन्ना 10:35

जेस्खे पंण्मिश्वर का बचन दिता गुवा थिया, तेस्खे देव्त्ता बुला गुवा थिया; अरह् ऐजा (पबित्र-ग्रन्थों का लिखा टाल़ा ने ज़ाँदा)।

यूहन्ना 19:37

पबित्र-ग्रन्थों के ऐकी जागे दो ऐष्णों भे लिखी थो; के “जेसी तिन्ऐ बह्ड़छै लई भींना थिया, तेसी से हजो देख्ले।”

यूहन्ना 7:42

कियों पबित्र-ग्रन्थों दो ऐजो लिखी ने थंई, के राजा दाऊद के बंष-गड़ी शे; अरह् राजा दाऊद के गाँव बेतलेहम शी मसीया के आँव्णी असो?”

प्रेरितो कै काम 7:9

“तिनू कुल़ बाबा ऐ, डाह्-जल़्ण के कारण यूसुफ़ मिस्र देश दा बिकी दिता; परह् पंण्मिश्वर तेसी यूसुफ़ की गईलो थिया।

रोमियों 1:29

ईन्देंखे के से सेजी ही काँम-काज़ करह् थिऐं, जुण्जी पंणमिश्वर ने चहाँन्दें, जेष्णाँ के लोभ, बईर भाव शे भरे गुऐ; अरह् डाह अरह् हंत्या, अरह् झगड़े, छल़-कप्ट, अरह् रीष-मिष, दे भरे गुऐ, अरह् चुगल खोर बंणें,

रोमियों 9:17

किन्देंखे पबित्र-ग्रन्थों दो पंणमिश्वरे फिरौन खे बुलो, के “मुँऐं ताँव ईन्दी खे खड़ा करी थुवा, के ताँव कैई शी आप्णी शक्त्ति देखाऊँ, अरह् मेरे नाँव का प्रचार बादी धर्ती गाशी हों।”

1 कुरिन्थियों 6:19

कियों तुँऐं ऐजो जाँण्दे ने, के तुँवारी देह्-शरीर पबित्र-आत्त्मा की देऊँठी असो; जू तुवाँरे भितरा बास करह्, जुण्जी आत्त्मा तुँओं पंणमिश्वर कैई शी भेंटी रंऐ; अरह् ईन्दा तुवाँरा किऐ भे हंक-अधिकार ने आथी?

2 कुरिन्थियों 6:16

अरह् मुर्तियों आरी पंण्मिश्वर की देऊँठी का नाँता का असो? किन्देंखे के आँमें तअ जीऊँदें पंण्मिश्वर की देऊँठी असो; जैष्णों पंण्मिश्वर बुलो, “हाँव तिनू दा बास करूबा; अरह् तिनू मुझी चाला फिरा करूबा; अरह् हाँव तिनका पंण्मिश्वर हंऊँबा; अरह् से मेरे लोग हंदे।”

गलातियौं 3:8

अरह् पबित्र-ग्रन्थों दो आगे ही शो ऐजो जाँणियों के पंण्मिश्वर गऐर यहूदी लोग बिश्वाष शे ही धर्मी बाँण्दे, आगे ही शुभो अब्राहम खे ऐजी खुषख्बरी शुणाऐ, के “तेरे जाँणें बादी गऐर यहूदी खे आशिर्बाद भेट्दा।”

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।