याकूब 4:4 - Sirmouri

⁴ ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

सिरमौरी नौवाँ नियम

⁴ ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

याकूब 4:4 ပူးပေါင်းရင်းမြစ်များ

मत्ती 12:39

तिनिऐं तिनखे जबाब दिता, “ऐसी ज़ुगौ के बूरे धोखे बाज लोग चींन-चंम्त्तकार जुवों, परह् बरंम्बाँणी कर्णो वाल़े ऋषी-योना की जीवन दो जू किऐ हुओं, तियों चींन-नीशाँणी के सुवाऐ ओकी कुँण्जी भे चींन-नीशाँणी ईनखे देऐ ने ज़ाँदी।”

मत्ती 16:4

ऐसी ज़ुगौ के धोखे बाज लोग चींन-चंम्त्तकार जुह्ओं, परह् ऋषी-योना की जीवन दे जुण्जें चींन-चंम्त्तकार करे गुऐं, तिन्दें के सुवाऐ इन कैई शे ओके किऐं भे चींन-चंम्त्तकार ने दिऐ ज़ाँदे।” अरह् से तिनू छुड़ियों आगू हुटे।

मत्ती 6:24

“कुँऐं आदमी दू: मालिक-स्वामी की सेवा ने करी सक्दा, किन्देखे के से ऐकी आरी बईर अरह् ओकी आरी पियार करदा, ऐकी आरी मीलियों रंह्दा, अरह् ओकी से छुटा जाँण्ल़ा। तुँऐं पंणमिश्वर अरह् धंन दुई की सेवा ने करी सक्दे।

लूका 19:27

ऐबे मेरे सैजे बऐरी ईथै आँणों जुण्जे ऐजो ने चहाँव थिऐ, के हाँव तिनू गाशी आप्णों राज-शाषन ने करू; अरह् तिनू ईथै मेरे सहाँम्णें माँरी दियों।’”

यूहन्ना 15:19

किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

यूहन्ना 17:14

मुँऐ ईनखे तुवाँरे बचन की देऐ थंऐ, परह् संईसारी ऐं ईन्दे शो बंईर कोरो; ईन्देंखे ऐबे ऐजे लोग भे ईयों संईसारी के ने आथी, जेष्णाँ के हाँव ईयों संईसारी का ने आथी।

यूहन्ना 7:7

संईसारी तुँओं आरी बईर ने कर्दी, परह् से मुँह आरी बईर करह्, किन्देंखे के हाँव ईयों संईसारी के बादे दी ऐजी गुवाऐ-शाज़्त्त देंऊँ, के ईनके काँम-काज़ बुरे असो।

रोमियों 5:10

किन्देंखे के बऐरी हणों गाशी भी पंणमिश्वर के बैटे की मऊँती के जाँणें अमाँरा मेल-झोल पंणमिश्वर की गईलो हुआ, तअ तबे मेल-झोल हंणों गाशी, तेसी बैटे के जीवन के जाँणें अमाँरा मुँक्त्ति जरूर हंदे।

रोमियों 8:7

किन्देंखे के आदमी खे आप्णें पाप वाल़े सुभाव दा मंन लाँणा तअ पंणमिश्वर शो बईर असो, किन्देंखे के ना तअ पंणमिश्वर निय्म के बष दे आथी, अरह् ना ऐष्णों हऐ सक्दो;

1 कुरिन्थियों 1:20

केथै असो, ज्ञाँनवान? अरह् केथै रूआ यहीदू बिद्धवाँन? केथै रूआ संईसारी का बक्बादी? कियो पंणमिश्वरे संईसारी का ज्ञाँन मुरूख्ता बंणाऐ ने थई?

1 कुरिन्थियों 1:21

किन्देंखे के जबे पंणमिश्वर के ज्ञाँन के मुँताबिक संईसारी के लोगे ज्ञाँन शा पंणमिश्वर ने जाँणी, तअ पंणमिश्वर के ऐजो आछो लागो, के ऐसी प्रचार के जाँणें जेसी लोग मुरूख्ता जाँणो, ईन्दें के जाँणें बिश्वाष कर्णो वाल़े लोगो खे मुँक्त्ति दियों।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।