याकूब 3:6 - Sirmouri

⁶ तेष्णी ही अमाँरी जीभ भे आग जैष्णी हों, जीभ अमाँरें देह्-शरीर दा ऐक अ-धर्म का खजाना हऐ सको, जू अमाँरी बादी देह्-शरीर दा कंल़क अरह् अशुद्ध करी सको; अरह् आपु भे जीवन की चाल-ढाल नाँष कर्णो वाल़ी अगियाव दे बद्ल़ी ज़ाव, अरह् आपु भे नंरक के कुँन्ड दे तियों आगी लई सिल्गी ज़ाँव।

सिरमौरी नौवाँ नियम

⁶ जीभ बै ऐक आग कै जैशणै औसौ; औरौ ऐजा शोरीर का सैजा हिस्सा औसौ जू बैजाए दुष्ट औसौ औरौ सारै शोरीर पांदी कलंक लांव, औरौ जीवन कै नाश कौरे सौकौ। ऐजै ऐक ऐशणै आग औसौ जू नरक शै आंव।

याकूब 3:6 ပူးပေါင်းရင်းမြစ်များ

मत्ती 12:24

परह् यहूदी भाट-बाँम्णें ऐजो शुणियों बुलो, “ऐ तअ दुष्ट-आत्त्मा का नंम्बरदार शैतान, बालज़बूल की मद्दत्त के बिना दुष्ट-आत्त्मा ने निकाल़ी सक्दा।”

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मरकुस 7:15

ऐष्णी किऐ चीज ने आथी, जू बाऐरे शी आदमी के करंम-भूटों, परह् जुण्जी चींजो आदमी शी बाँईडी निंक्ल़ो, सेजी ही चींजो आदमी के करंम-भूटों।

लूका 16:24

तबे तेने धाव जुराल़ी लेरो माँरियों बुलो, ‘हे बाबा अब्राहम! मुँह गाशी दया-रंऐम करो; अरह् ऐसी लाजर ईथै मुँह कैई डेयाल़ो, जु ऐं आप्णी गुठी पाँणी मुँझी ढबोऐयों मेरी जीबों गाशी टीपु छ़ड़ियों मुँखे शैल़ाऐ पाड़ो; किन्देंखे के हाँव ईनू त्तात्तै लहयारें लई तड़फी रूवा।’

प्रेरितो कै काम 20:30

ऐती ने! परह् तुवाँरे बीच दे ऐशे भे आदमी खह्ड़े हले; जुण्जे गलत्त शिक्क्षा देले, अरह् तुवाँरे ही मंडल़ी मुँझ्शे आपू खे चैले तैयार कर्ले।

प्रेरितो कै काम 5:3

ईन्दें गाशी संत्त-पतरस ऐ बुलो, के “ओ हनन्याह! कियो शैतान ऐ तेरे मंन गाशी ऐत्रा हंक-अधिकार करा, के तुऐ पबित्र-आत्त्मा शो झुठो बुलो; अरह् जुण्जे जीम्मीं तुऐं बीकी तिन्दें के दाँम किम्मत्त मुँझ़्शो तुऐ किऐ धन चुप्पी आपु कैई थुओ?

प्रेरितो कै काम 6:13

अरह् तेथै तिन्ऐ झुठे गुवाह्-शाज़्त ख्हल़्याऐ दिते, जिन्ऐं ऐजो बुलो, के “ऐजा आदमी सदा पबित्र देऊँठी, अरह् ऋषी-मूसा खे भेटे गुऐ अज्ञाँ-निय्मो के बिरूध दी नींन्दया करह्।

तीतुस 1:11

तिनके मुँह बंद कर्णें पड़ो। ऐष्णें लोग नींच-कमाई खे गलत बातो शिखाऐयों घरह् के घरह् बिगाड़ी दियों।

याकूब 2:7

कियों सेजे ही तेसी नाँव की निदया कर्दे ने, जेसी नाँव शे तुँओं जाँणिऐं?

याकूब 3:7

किन्देंखे के साँत्त-भाँत्ते जाँगल़ो के बुणेरह्, चंटेटू, अरह् रिंगणों-लोह्कणों वाल़े जींव-जंन्तू अरह् पाँणी संमुन्द्रो मुँझ्ले जींव-जन्तू ऐक नाँम प्रणाँणी आप्णें बष दे करे ज़ाव, अरह् आदमी ऐ ऐक नाँम जींव-जंन्तू आप्णें बष दे भे करी थुऐ।

2 पतरस 3:3

आगे तुँऐं ऐजो जाँणी पाव, के आखरी के देसो दे हस्णों वाल़े, अरह् ठाठे पाड़णों वाल़े, आँले जू आप्णी ही बुरी हिछ़या के मुँताबिक चाल्दै

3 यूहन्ना 1:10

ईन्देंखे जबे हाँव तेथै आऊँबा, तअ तुवाँरे साम्णें तिनके जाँणें करे गुऐ, काँम-काज़ स्पष्ट करी देऊँबा, मतल्व बादे बुरे-बुरे शब्दो लई आँमों गाशी लाऐ गुऐ, दोष-कसूर, ऐती ने परह् ऐजे लोग ना तअ बरंम्बाणीं माँन्दे अरह् ना कलीसिया के अगुऐ ऐष्णों कर्णो देंदे; जुण्जे ऐष्णों कर्णो के हिछ़ुक हों, तिनू तअ: ऐजे लोग कलीसिया शे भे बाँईडे गाड़ो।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 18:23

ऐबे शुभा तुँओं मुँझ्शा ऐक भे दिवा ने जगमंगाँ दी; ऐबे शुभा तुँओं मुँझी दुल्हे अरह् दुल्हनं के जाज्ड़े की रंणंक ने शुँणाँई पड़ो, तुवाँरे बंईपारी संईसारी धर्ती के कामंयाब बईपारी थिऐ, तुवाँरे जादू-टूँणें ऐ सोभी जात्ती-जात्ती के अरह् देश-देश के लोग भरमाँव थिऐ।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।