याकूब 3:17 - Sirmouri

¹⁷ परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

सिरमौरी नौवाँ नियम

¹⁷ पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

याकूब 3:17 ပူးပေါင်းရင်းမြစ်များ

मत्ती 23:28

तुऐं भी बाऐरे शे तअ आदमी कैई शे धार्मिक दे:खाई दियों, परह् तुवाँरे मंन भिंत्रों कपट अरह् अ-धर्म भरा अंदा असो।”

मत्ती 5:8

भागोईत असो! सेजे जिनके मंन शुद्ध असो, किन्देखे के से पंणमिश्वर देख्दे।

मत्ती 5:9

भागोईत असो! सेजे जू मेल-मिलाप शाँण्त्ति कराणों वाल़े असो, किन्देंखे के तिन्खे पंणमिश्वर के अलाद बुल्दी।

लूका 21:15

किन्देंखे के हाँव तुँओं खे ऐशो बुलू, के हाँव तुँओं खे ऐशा बोल, अरह् ज्ञाँन-बुद्धी देऊँबा के तुवाँरा बिरूध कर्णों वाल़ा; भे तुवाँरा किऐ बिरूध ने करी सको।

लूका 6:36

“दयाबाँन बंणों, जैष्णाँ तुवाँरा स्वर्गों का बाबा भे दयाबाँन असो; ओकी गाशी दोष-ईल़्जाँम ने लाऐ।

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 1:47

प्रभू यीशू ऐ नतनेएल आप्णी ढबे आँदें देखियों, तेस्के बारे दो बुलो, “देखो, ऐजा सोत्तिखे इस्राएली असो: ऐस्दो किऐ भे कपट ने आथी।”

प्रेरितो कै काम 11:24

किन्देंखे के बरनबास ऐक भला, अरह् पबित्र-आत्त्मा अरह् बिश्वाष दा भर-पुर थिया; ऐशे दाँई बैजाऐ भहित्ते लोग प्रभू दे आऐयों ऐक मंडली बंणें।

प्रेरितो कै काम 9:36

याफा नंगर दा तबिथा मतलब् यूनानी भाषा दो दोरकास नाँव के ऐक बिश्वाषनी रंह् थी; से बैजाऐ भले-भले काँम-काज़ अरह् दाँण-पूनं करिया करह् थी।

रोमियों 12:18

जेथै तोड़ी हऐ सको, तुँऐं बादे आदमी आरी मिली-चालियों रूऐ।

रोमियों 12:9

पियार बिना कऊँट्ल़े हों; बुराई दे शगाऐ ज़ाव; अरह् भलाई दे लागें अंदें रूवे।

रोमियों 15:14

हे मेरे भाऐ बंईणों, हाँव आपु भे तुवाँरे बारे दो, पाक्को जाँणू, के तुँऐं आपु भी भलाई शे भरे अरह् ईश्वरिऐ ज्ञाँन शे भरे-पुरे असो, अरह् ओका ओकी खे शिक्क्षा देऐं सको।

1 कुरिन्थियों 12:8

जैष्णी के ऐकी खे पबित्र-आत्त्मा के जाँणें बुद्धी की बातो देंई, अरह् ओकी खे तियों ही पबित्र-आत्त्मा के जाँणें ज्ञाँन की बातो देई ज़ाँव।

2 कुरिन्थियों 10:1

हाँव, पौलुस खास करियों मसीया की नरमाँऐं अरह् सहय्नशिलता हाजिर जाँणियों तुवों खे ढाल-अरज करू, किन्देंखे के लोगों का ऐजा बुल्णाँ असो, के हाँव तुँओं मुँझी रंह्ऐयों दीन-नंम्बर असो, परह् जबे हाँव तुँओं मुझी ने हंदा तअ तुवों शा हाँव नीडर असो।

2 कुरिन्थियों 6:6

पबित्रता दे, ज्ञाँन दे, सबेर दे, कृपा दे, पबित्र-आत्त्मा दे,

2 कुरिन्थियों 7:11

तुऐं दे:खी लो, की जुण्जा दु:ख पंण्मिश्वर की हिछ़्या शा तुऐं माँना; तैसी बद्ल़ाव लई, तुओं दी दे कै-तोड़ी हिम्मत्त पय्दा हऐ, आप्णी सफाई देंणों के पंराँव्णी, अरह् कैत्रा कुरोध, कैत्रा शंक, कैत्री हिच्छ़या! ऐतै ज़ुगी के आप्णें ऐसी मंस्लै दे, भे तुऐ हर ढंग शे बैकसूरबार हंणों का प्रमाँण दियों।

2 कुरिन्थियों 9:10

तअ: जू बणों वाल़े खे बींज़ अरह् भोजन खे रोटी दियों, से तुँओं खे बींज़ देला, अरह् तेसी फल़बंन्त करला; अरह् तुवाँरे दित्ते दाँण-धर्म के फल़ बढ़ादा ज़ाला।

इफिसियों 5:9

(किन्देंखे के त्तेज-प्रकाश का फल़ साँत्त-भाती भलाई, अरह् धार्मिक्त्ता, अरह् सच्चाऐ असो),

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

फिलिप्पियों 4:8

ईन्देंखे हे भाऐ-बईणों जू-जू बातो साची असो, अरह् जू-जू बातो ईज्जत की असो, अरह् जू-जू बातो पबित्र असो, अरह् जू-जू बातो मंन लुभाणी असो, अरह् जू-जू बातो मंन दी भाँव, मतल्व जू भे सत्तगुण, अरह् तारीफ की बातो असो, तिन्दे गाशी ध्याँन लाव।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

1 थिस्सलुनीकियों 2:7

परह् जेष्णाँ माँ-बाबा आप्णे नहाँन्ड़िया का पालण-पोष्ण करह्, तेष्णा ही आँमें भे तुँओं मुँझी रंह्ऐयों नरमाँऐं देखाऐ थई;

1 तीमुथियुस 5:21

पंण्मिश्वर, अरह् मसीया यीशू अरह् छाँटे अंदें स्वर्गदूत्तो के सहाँम्णें ताँव कैई ऐजी जुँमेंबारी देऊँ; के बिना कोसी अप्णोंट के ईनू अज्ञाँ का पाल़्ण करे, परह् अप्णोंट के भाव शो किऐ ने कोरो ज़ाँव।

2 तीमुथियुस 2:24

किन्देंखे के प्रभू का दास-सेवक झोगड़ू ने हुआ चेंई, परह् से सोभी की गईलो, नंरम, अरह् शिक्क्षा देणों खे जाँणकार; अरह् संह्ऐनशील हुवा च़ेंई;

तीतुस 1:15

पबित्र लोगो खे बादी च़ीज़ो पबित्र हों, परह् बिचकै अरह् बै-बिश्वाषी खे किऐ भे शुद्ध ने आथी, परह् तिनकी बुद्धी अरह् तिनका जमीर दुईनें अ-शुद्ध असो।

तीतुस 3:2

कोसी बदनाँम ने करे, झगड़ू ने बंणें; परह् नरंम सभाव के हों, अरह् बादे आदमी की गईलो बह्ड़े निम्ताई-गरबाई शे रंह्।

इब्रानियों 12:11

किऐ भे मंत्त-शीख्ह देणों खे आँमों डाँट-झाड़ भेंटो, आँमों तेख्णों तअ बुरो लागो, परह् जे आँमें डाँट-झ़ाड़ संह्ऐन करह्; तअ तियों डाँट-झ़ाड़ लई आँमों आच्छ़ी शिक्क्षा भेंटो, जिन्दे पाछी आँमों खे तियों धार्मिक्त्ता का प्रतिफल़ भेंटो।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

याकूब 1:17

बादे आछै दाँण, अरह् बादे शुद्ध बर्दांण, ऊपरोह् शे मतल्व स्वर्गो के पिता कैई शे भेंटो: जेने सर्गों के त्तैज-प्रकाष बंणाँऐं; अरह् जिदा ना किऐ बद्ल़ाव हंदा, अरह् ना किऐ साटा-बाटा हंदा।

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

याकूब 2:4

तअ का तुँऐं आपु मुँझी भेद्-भाव करीने थई, अरह् बूरा बिचार करियों अनियाँऐं कर्णो वाल़े बणी ने?

याकूब 3:15

ऐजा ज्ञाँन स्वर्गो के ईश्वर का ने परह् संईसारिक, सभाव अरह् दुष्ट-आत्त्मा शैतान का हों।

याकूब 4:8

पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 पतरस 2:1

ईन्देंखे बादी साँत्त-भाँत्ती बुराई अरह् बईर भाव, छल़-कप्ट, जल़्ण-डाह्, अरह् नीदया-चुगली आपु शी दुर्की करह्,

1 पतरस 2:18

हे दासों, साँत्त-भाँत्ते डर-भऐ, आरी आप्णें स्वामियों के बंष दे रंह्, ना सिर्फ तिनके जू भले, अरह् निम्ताई वाल़े हों, परह् तिनके भे जू कुठूर हों।

1 यूहन्ना 3:18

हे प्यारे नहाँन्ड़िया, अमाँरे पियार ज़ात्ती शो बुल़्णों लई ने; परह् अमाँरे कर्मो अरह् सच्चाई दो असो।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।