याकूब 3:14 - Sirmouri

¹⁴ परह् जे तुवाँरा मंन-सास डाह्-जल़ण अरह् सुवार्थी हिछ़्या शा भरा अंदा असो, अरह् तिन्दा तुँऐं किऐ धमंन्ड करियों साचे को झूठो बाँणियों ने बुल़े।

सिरमौरी नौवाँ नियम

¹⁴ पौरौ जै तुऐं आपणै-आपणै मन दै बैजाए ज़लन औरौ स्वार्थ राखौ, तुऐं ऐजा घमण्‍ड नी कौरणा चैंई कै तुऐं ऐक बुध्दिमान आदमै औसौ। जै तुऐं ऐशै कौरौ तौ तुऐं सौचाई खै झूठ दो बौदलै दैंव।

याकूब 3:14 ပူးပေါင်းရင်းမြစ်များ

मत्ती 27:18

पिपातुस ऐजो जाँणों थिया, के सिर्फ जल़ण के कारण ही ईन्ऐं यीशू तेस्के हाथो दा देऐ थुवा।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

प्रेरितो कै काम 13:45

परह् यहूदी लोग तियों भीड़ो देखियों, डाह-जल़्ण शे जल़ी गुऐ; अरह् संत्त-पौलुस की नीदया कर्दे तिनकी बातो का बिरूध कर्दे लागे।

प्रेरितो कै काम 26:9

“हाँव आपु भे ईयों बातो शा बैच़्ऐन हंऐ गुवा थिया, के मुँह हर ढंग शा प्रभू यीशू नासरी के नाँव का बिरोध करणाँ पड़ो।

प्रेरितो कै काम 5:17

ऐजो देखियों महाँ-याजक अरह् तिनके बादे साथी, अरह् सदूकियों समाँज के लोग, मीष-जल़्ण शे भरी गुऐ।

प्रेरितो कै काम 7:9

“तिनू कुल़ बाबा ऐ, डाह्-जल़्ण के कारण यूसुफ़ मिस्र देश दा बिकी दिता; परह् पंण्मिश्वर तेसी यूसुफ़ की गईलो थिया।

रोमियों 1:29

ईन्देंखे के से सेजी ही काँम-काज़ करह् थिऐं, जुण्जी पंणमिश्वर ने चहाँन्दें, जेष्णाँ के लोभ, बईर भाव शे भरे गुऐ; अरह् डाह अरह् हंत्या, अरह् झगड़े, छल़-कप्ट, अरह् रीष-मिष, दे भरे गुऐ, अरह् चुगल खोर बंणें,

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

रोमियों 2:17

जे ताँव्खे यहूदी बुली, अरह् तू ऋषी-मूसा खे भेटे गुऐं निय्म दा भूर्षा थुवें, अरह् पंणमिश्वर के बारे दा तू तारीफ करे,

रोमियों 2:8

परह् जुण्जे लोग मंतल्बी अरह् पंणमिश्वर की सचाई के बिरूध दे हों, अरह् सेजे ही काँम-काज़ करह्, जुण्जी पंणमिश्वर की नंजरी दी बुरी हों, तिनू लोगो गाशी पंणमिश्वर का कोप पड़दा।

1 कुरिन्थियों 13:4

पियार सबैर असो, अरह् कृपा कर्णो वाल़ा असो; पियार डाह्-जल़्ण ने करदा; पियार आप्णी बड़ियाऐं ने करदा, अरह् शियाँगिन्दा ने आथी,

1 कुरिन्थियों 3:3

किन्देंखे के तुँऐं ऐभी तोड़ी भे बै-बिश्वाषी असो। हेबी भी तुँओं मुँझी डाह, झगड़े असो, तअ कियों तुँऐं हेभी तोड़ी भे आप्णा पाप मंऐं बिचार दे आथी ने? अरह् कियों तुँऐं हेभी भी आदमी के अज्ञाँ-निय्म दे चाल्दे ने?

1 कुरिन्थियों 5:2

ईन्दें तुँऐं सरमाँदे ने, अरह् ऐष्णें काँम-काज़ कर्णो वाल़े तअ तुँओं मुझ शे आगु ही गाड़े चैई थिऐ; परह् तुँऐं तअ ईन्दें ऊल़टे शियाँगियों।

1 कुरिन्थियों 5:6

तुवाँरा शियाँगियों तारीफ करणा आछा नें आथी; कियों तुँऐं जाँण्दे ने, के दाँणिक खाटो आटा बाटो अंदो बादो आटा खाटो बाँणों।

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

गलातियौं 5:15

परह् जे तुँऐं ओका ओकी दे झ़ाटी दियों, अरह् धूणियों ऊपाड़ियों खाँव, तअ च़ौक्क्ष रूऐ, के ओका ओकी को ऊगाल़ी ने दियों।

गलातियौं 5:20

मुर्त्तियों की पूजा, गणाँदी, बईर, झगड़ा, रीष, झोक, बिरोध, फूट, पाप,

गलातियौं 5:21

जल़्ण, नंशैड़ी, लीला रंच्णी, अरह् ऐष्णी कऐयों काँम-काज़, ईन्देंखे के बारे दो हाँव तुँओं खे आगे ही बुली देऊँ, के जेष्णों आगे बुली भे थो; के ऐष्णी-ऐष्णी काँम-काज़ कर्णो वाल़े, पंण्मिश्वर के राजो दे वारिस-हंकदार ने हंदी।

गलातियौं 5:26

आँमें घमंन्डी हऐयों ओका ओकी ने छेड़ो, अरह् ना ओका ओकी शी जल़्ण-डाह् करह्।

गलातियौं 6:13

किन्देंखे के खतना कर्णो वाल़े आपु तअ ज्ञाँन-निय्म गाशी चाल्दे ने, परह् तुवाँरा खतना ईन्देंखे करणा चहाँव के तुँवारी देह्-शरीर की दषा गाशी तारीफ करह्।

फिलिप्पियों 1:15

ऐजो साच्चो असो, के किऐ तअ डाँह्-झगड़े के कारण मसीया का प्रचार करह् अरह् कुँऐं भली हिछ़या शा मसीया का प्रचार करह्।

फिलिप्पियों 2:3

बिरूध, झूठी बड़ियाऐं, तारीफ, खे किऐ ने करे, परह् नंरमाँऐं, शे ओका ओकी खे आपु शा आछा जाँणे।

1 तीमुथियुस 2:4

जू ऐजो चहाँव के बादे आदमी खे छ़ुट्कारा भेंटो, अरह् से सच्चाई आच्छ़ी करियों फंह्छ़ियाणीं पाँव।

1 तीमुथियुस 6:4

तअ सेजा घमंडी हऐ रूआ, अरह् से किऐ ने जाँण्दा; परह् तेसी बाद-बिबाद शब्दो गाशी जीदिणों की बीमारी असो, जिन्दे लई डाह्, झगड़े, नीदया की बातो, अरह् बुरे-बुरे शक,

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

याकूब 3:16

किन्देंखे के जेथै रीष-मीष, बिरूध अरह् आप्णाँ सुवार्थ हों, तेथै ओका भे बादा कू-कर्म हों;

याकूब 5:19

हे मेरे भाऐ बंईणों, जे तुँओं मुँझ्षा कुँऐं सच्चाई के बाटो शा भट्की ज़ाला, अरह् तेसी कुँऐं पाछू फिरऐयों आँणों। स्वर्गदूत्तों दे हुटे दे भे खुशी मनुवाँ जे कुँऐं बुराई शा पाछू फिरंह्