याकूब 2:8 - Sirmouri

⁸ जे तुँऐं पबित्र-ग्रन्थों के मुँताबिक प्रभू यीशू के बचन के हिसाब शा ठीक पाल़ण करह्, जेष्णो के लिखों अंदो असो, के “तुँऐं आप्णे पड़ोसी शो आप्णें जेष्णों पियार करह्” जे तुँऐं सती तेसी निय्म पुरा करह्, तअ तुँऐं आछो करह्।

सिरमौरी नौवाँ नियम

⁸ जै तुऐं पवित्र शास्त्र कै खास नियम कै मानौए, जू बौल़ौए, “आपणै पड़ोसी आरी तैशणा प्यार कौरेया,” तौ तुऐं सोही कौरौ।

याकूब 2:8 ပူးပေါင်းရင်းမြစ်များ

मत्ती 22:39

ऐजी ही दुज़ी सोभी शी बड़ी अज्ञाँ असो, के आप्णें पड़ोसी शो ऐष्णों ही पियार करह् जेष्णों के तुऐं आपु आरी पियार करह्।

मत्ती 25:21

तेस्के मालिके ऐ बुलो, ‘भागोईत असो! आछा अरह् बिश्वाष ज़ुगा दास, तू थोड़े दा बिश्वाष ज़ुगा रूवा; हाँव ताँव भहिती चीजों का अधिकारी बणाँऊँबा। आप्णें मालिक की गईलो आँनन्द-खुशी दा भागींदार हो।’

मत्ती 25:23

“तेस्के मालिके तेस्खे बुलो, ‘भागोईत असो! आछे अरह् बिश्वाष ज़ुगै दास तू जू थोड़े दा बिश्वाष ज़ुगा रूवा; हाँव ताँव भहिती चींजो का अधिकारी बाँणूबा। आप्णे मालिक आरी आँनन्द-खुशी दा भागींदार हो।’

मत्ती 7:12

ईन्देंखे जुण्जो किऐ तुँऐं चहाँव के आदमी तुँवारी गईलो करह्, तअ तुँऐं भे तिनकी गईलो तेष्णों ही करह्; किन्देखे के ऋषी-मूसा खे भेटे गुऐं अज्ञाँ-निय्म, अरह् पंणमिश्वर की बरंम्बाणीं कर्णो वाल़े के भी ऐजी ही शिक्क्षा असो।

रोमियों 13:10

पियार पड़ोसी की किऐ बुराऐ ने करदा, ईन्देंखे के जुण्जा पियार करह्, सेजा ऋषी-मूसा खे भेटे गुऐं निय्म का पाल़्ण पुरा करह्।

गलातियौं 5:14

किन्देंखे के बादे निय्म ईयों ऐकी अज्ञाँ दे पुरे हों, के “तू आप्णें पड़ोसी शो आपु जेष्णों पियार करह्।”

गलातियौं 6:2

तुँऐं ओका ओकी का बोझ थागो, अरह् ऐशो दाँई मसीया का निय्म पुरा करह्।

फिलिप्पियों 4:14

तबे भे तुँऐं भलो कोरो, के मेरी कल़ेश-दु:ख्ह दे मेरे साथी बणें।

1 थिस्सलुनीकियों 4:9

परह् भाई के प्यारो के बारे दो ऐजो जरूरी ने आथी, के हाँव तुँओं खे किये लिखू, किन्देंखे के आपु मुँझी प्यार थंणों, आँमें आपु ही पंण्मिश्वर कैई शो शिखी थो;

याकूब 1:25

परह् जू आदमी पंणमिश्वर के बादे ज्ञाँन-निय्म के मुँताबिक नंजीक शे दे:खो, जिन्दे लई तेसी अजादी भेंटो, अरह् तिन्दे गाशी से बिचार भे करिया करह्, अरह् शुणिऐयों बिना भूली-बिसरी तिन्दे के बिचार दा चाल्दा रंह्, सेजो ही आप्णे कर्मों खे आशिर्बाद पाँदा।

याकूब 2:12

ईन्देंखे तुवाँरे करंम अरह् तुँवारी कर्णी जे तिनू जेष्णी हों, जिनका नियाँव अजादी की अज्ञाँ-निय्म के मुताबिक करा ज़ाँव।

याकूब 2:19

ताँव बिश्वाष असो, के ऐके ही पंणमिश्वर असो, तअ तू आछो करे। दुष्ट-आत्त्मा भे ऐष्णा ही बिश्वाष करह्, के पंणमिश्वर असो ऐ, अरह् तिनके नाँव शी डरो, काम्लियों ऐ।

याकूब 4:11

हे भाऐ बंईणों, ओका ओकी के बदनाँमी ने करे, किन्देंखे के जुण्जे भाऐ बंईणों ओका ओकी के नीदया-बदनाँमी करह्, के आप्णें भाऐ कसूरबार बाँणों; से अज्ञाँ-नीय्म के बदनाँमी करह्; अरह् अज्ञाँ-नीय्म कसूरबार बाँणों; अरह् जे तू अज्ञाँ-नीय्म दा चाल्णों वाल़ा ने, परह् तिन्दे का नींयाँईच़ू बंणें।

1 पतरस 2:9

परह् तुँऐं ऐक चुणा-छाटा अंदा बंष अरह् राज-पाट लुऐं अंदे याजकों का समाज, अरह् पबित्र लोग, अरह् (पंणमिश्वर) की प्रभू यीशू के आप्णी परजा असो, ईन्देंखे के जिन्ऐं तुँओं ईनाँरे मुझ्शे आप्णी चंम्तकारी प्रकाष दे बय्दी थुऐ, तिनके गुण पर्गट करह्।