याकूब 2:5 - Sirmouri

⁵ हे मेरे प्यारे भाऐ बंईणों शुणों। कियों पंणमिश्वरे ईयों संईसारी के गरीब कंगाल छाँटी ने थई, के बिश्वाष दे सैठ-सहऊँकार अरह् तेसी राज्य के हंक-अधिकारी बण्ल़े, जिन्देका बाय्दा पंणमिश्वर तिनू आरी करा जुण्जे लोग तेछ़ौ पियार करह्?

सिरमौरी नौवाँ नियम

⁵ ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

याकूब 2:5 ပူးပေါင်းရင်းမြစ်များ

मत्ती 11:5

शैड़े के दे:खिदों लागो, लगड़े उडे-पुडे हाड्दे लागो, कोढ़ी शुद्ध करे ज़ाँव, जाएरें के शुणिंदो लागो, मुँड़्दे ऊबे जींयाँल़े ज़ाँव, अरह् कंगालो कैई शी खुषख्बरी शुणाँऐं ज़ाँव।

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

मत्ती 5:3

भागोईत असो! सेजे जू मंन के शरीफ़ असो, किन्देखे के स्वर्गो को राज्य तिनही को असो।

मरकुस 7:14

तबे प्रभू यीशू ऐ लोग आपु कैई बऐदियों बुलो, “तुँऐं बादे झुणे मेरी शुणो अरह् सम्झो।

लूका 12:21

ऐष्णी ही दषा तिन लोगो के हों; जुण्जे आपु खे धंन-संम्पत्ति कट्ठी करह्; परह् से पंण्मिश्वर की नंजर दे सैठ धंन-वाँन ने हंदी।”

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

लूका 16:22

सैजा लाजर ऐक देस मंरी गुवा; अरह् स्वर्गदूत्तें तैसी नींहयों बाबा अब्राहम की हंगाल़ी दा थंऐ दिता; अरह् सेजा सैठ आदमी भे मंरी गुवा, अरह् तैसी दाब्बी दिता।

लूका 16:25

परह् बाबा अब्राहम ऐं तैस्खे बुलो, ‘हे बैटा, देई तअ चींत्ते करह् के तुँऐं आप्णी जीवन दी आच्छ़ी च़ीजों लंऐ थंई; परह् ऐसी लाजर दु:ख्ह ही दु:ख भेटी रूवा, परह् ऐबे ऐसी ईथै शाँण्त्ति भेटी रंऐ; अरह् तू तड़फ़ी रूवा।

लूका 22:29

जेष्णों मेरे बाबा ऐं मुँखे राज थऐ थो, तेष्णों ही हाँव भे तुँओं खे राज थंऊँबा।

लूका 6:20

तबे प्रभू यीशू ऐ आप्णें चैले की ढबे दे:खियों बुलो, तुँऐं “भाग्ईंत असो! जू शरीफ आदमी असो, किन्देंखे के पंण्मिश्वर को राज्य तुवाँरो असो।

यूहन्ना 7:48

कियो प्रधानों अरह् कोसी यहूदी भाट-बाम्णों मुँझ्षा भे कुँणिऐं तेसी गाशी बिश्वाष करी थुवा?

प्रेरितो कै काम 7:2

स्तिफनुस ऐ जबाब दिता, “हे गुरू जनों, अरह् भाऐ-बंन्दुओं! मेरी बातो शुणों; जबे अमाँरा बाबा अब्राहम हारान देश दा बस्णों शा आगे, मेसोपोटामिया दा रंह् थिया; तअ तेसी बख्त्ते बड़ियाई ज़ूगै पंण्मिश्वर ऐ तेस्खे दर्शण दिता।

रोमियों 8:17

अरह् जे अलाद असो, तअ आँमें पंणमिश्वरो के बारिस भे असो, अरह् मसीया की गईलो सग्गै वारिस असो, के जे आँमें तिनू आरी दु:ख भुगबे तअ तिनकी गईलो आँमों बड़ियाऐ भे जरूर भेट्दी।

1 कुरिन्थियों 2:9

जेष्णों पबित्र-ग्रन्थों दो लिखी थो, “जुण्जी बातो आ:खिऐं ने दे:खी, अरह् काँने ने शुणीं, अरह् जुण्जी बातो आदमी के चींते-मंने भे थी ने, से सेजे ही असो जू पंणमिश्वर ऐ आपु आरी पियार कर्णो वाल़े खे तियार करी थई।”

2 कुरिन्थियों 4:15

किन्देंखे के बादी चींजो तुँओं खे असो, जू कृपा भहिते के जाँणें बैजाऐ हऐयों पंण्मिश्वर की बड़ियाऐ खे धन्यबाद भी बढ़ाव।

2 कुरिन्थियों 6:10

शोक मंनाँणों वाल़े जिऐं असो, परह् सदा आँनन्द करह्; कंगाल जिऐं असो, परह् ओकी भी भहिते धनवाँन बंणाँऐ दियों; तैष्णें असो, जैष्णों आँमों कैई किऐ ने आथी, तबे भे सब-कुछ थह्।

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

1 तीमुथियुस 6:18

से भलाऐ करह्, अरह् भलाई की काँम-काज़ दे धंनवाँन बंणों, अरह् दयामाँन, अरह् ओकी की मंद्दत्त कर्णो खे तैयार रंह्।

2 तीमुथियुस 4:18

अरह् प्रभू मुँह ऐक नाँम बुरे काँम शा छुड़ाऐ देले; अरह् मुँह आप्णें स्वर्गो के राज्य दा सुवाँ करियों पंईचाल़ी देले; तिनकी ही बड़ियाऐ ज़ूगौ-ज़ूगौ दी हंदी रंह्। आमीन।

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

इब्रानियों 11:26

तेस्की नंजरी दे मसीया की ताँईऐं संह्ई गंई शर्मिन्दगी, मिस्र देश के धंन-खाजाँनें शी भे जादा किमम्त्ति थी; किन्देंखे के तेस्की नंजर जीवन दी आँणों वाल़े ईनाँम गाशी लागी अंदी थी।

याकूब 1:12

भागोईत असो! सेजा आदमी जू परख दा डटा अंदा रंह्, अरह् से परख दा पास हऐयों सेजो जीवन को मुँकुट-ताज लंह्दा, जिन्दे का बाय्दा प्रभू ऐ आप्णें पियार कर्णो वाल़े आरी करी थुवा।

याकूब 1:16

हे मेरे प्यारें भाऐ बंईणों, धोखे दे रूऐ।

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

याकूब 1:9

गरीब आदमी आप्णें बड़े-पंद् दा खुशी रंह्।

1 पतरस 1:4

तुँऐं स्वर्गो दा सुवाँ करियों थुवाँ अंदा, सदा-सदा का हंक-अधिकार पाव, जू अ-भिनाँशी, निर्मल, अरह् अटल़, हों सेजा ही तुँओं भेटो;

2 पतरस 1:11

परह् ऐशे दाँई तुँऐं अमाँरे प्रभू अरह् बचाँणों वाल़े प्रभू यीशू मसीया के सदा की राज्य दे बड़े आदर आरी दाखिल हऐ ज़ाँले।

प्रकाशितवाक्य 2:9

हाँव तेरे कल़ेष अरह् दाल़्ज़ि-पंण जाँणू ऐ, (खास करियों तुँऐं धनी-सैठ असो)! अरह् जू लोग आपु-आप्खे यहूदी बुलो, अरह् से यहूदी ने आथी, परह् दुष्ट-शैतान की मंडल़ी असो, तिनकी तुवाँरे बारे दी चुगली भे जाँणू ऐ।

प्रकाशितवाक्य 21:7

जुण्जा जींत्ती ज़ाला से ही ईनू चींजों का हंकदार हंदा, हाँव तेस्का पंण्मिश्वर हंदा; अरह् से मेरी अलाद हंदी।

प्रकाशितवाक्य 3:18

ईन्देंखे हाँव ताँव्खे मंत्त-शीख देऊँ, के आगी दो भाड़ो अंदों सुन्नों मुँह कैई शो मोंले लो, के तू धनी-सैठ बंणी ज़ाऐ, अरह् चीट्टे खोट्णों करह् के बाँम्बियों ताँव आप्णें नाँगे-पंण की शर्मिंन्दगी ने हों, अरह् आप्णी आखी दा लाँणों वाल़ा शुरमा करह् के तेरे आगू देखिलो।